| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
7. ஸுத்³தி⁴கஸுத்தவண்ணனா
7. Suddhikasuttavaṇṇanā
193. ஸத்தமே ஸுத்³தி⁴கபா⁴ரத்³வாஜோதி அயம்பி பா⁴ரத்³வாஜோவ, ஸுத்³தி⁴கபஞ்ஹஸ்ஸ பன புச்சி²தத்தா ஸங்கீ³திகாரேஹி ஏவங் வுத்தோ. ஸீலவாபி தபோகரந்தி ஸீலஸம்பன்னோபி தபோகம்மங் கரொந்தோ. விஜ்ஜாசரணஸம்பன்னோதி எத்த² விஜ்ஜாதி தயோ வேதா³. சரணந்தி கொ³த்தசரணங். ஸோ ஸுஜ்ஜ²தி ந அஞ்ஞா இதரா பஜாதி ஸோ தேவிஜ்ஜோ ப்³ராஹ்மணோ ஸுஜ்ஜ²தி, அயங் பன அஞ்ஞா நாமிகா பஜா ந ஸுஜ்ஜ²தீதி வத³தி. ப³ஹும்பி பலபங் ஜப்பந்தி ப³ஹும்பி பலபங் ஜப்பந்தோ, ‘‘ப்³ராஹ்மணோவ ஸுஜ்ஜ²தீ’’தி ஏவங் வசனஸஹஸ்ஸம்பி ப⁴ணந்தோதி அத்தோ². அந்தோகஸம்பூ³தி அந்தோ கிலேஸபூதிஸபா⁴வேன பூதிகோ. ஸங்கிலிட்டோ²தி கிலிட்டே²ஹி காயகம்மாதீ³ஹி ஸமன்னாக³தோ. ஸத்தமங்.
193. Sattame suddhikabhāradvājoti ayampi bhāradvājova, suddhikapañhassa pana pucchitattā saṅgītikārehi evaṃ vutto. Sīlavāpi tapokaranti sīlasampannopi tapokammaṃ karonto. Vijjācaraṇasampannoti ettha vijjāti tayo vedā. Caraṇanti gottacaraṇaṃ. So sujjhati na aññā itarā pajāti so tevijjo brāhmaṇo sujjhati, ayaṃ pana aññā nāmikā pajā na sujjhatīti vadati. Bahumpi palapaṃ jappanti bahumpi palapaṃ jappanto, ‘‘brāhmaṇova sujjhatī’’ti evaṃ vacanasahassampi bhaṇantoti attho. Antokasambūti anto kilesapūtisabhāvena pūtiko. Saṃkiliṭṭhoti kiliṭṭhehi kāyakammādīhi samannāgato. Sattamaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 7. ஸுத்³தி⁴கஸுத்தங் • 7. Suddhikasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 7. ஸுத்³தி⁴கஸுத்தவண்ணனா • 7. Suddhikasuttavaṇṇanā
