| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
৭. সুদ্ধিকসুত্তৰণ্ণনা
7. Suddhikasuttavaṇṇanā
১৯৩. সত্তমে সুদ্ধিকভারদ্ৰাজোতি অযম্পি ভারদ্ৰাজোৰ, সুদ্ধিকপঞ্হস্স পন পুচ্ছিতত্তা সঙ্গীতিকারেহি এৰং ৰুত্তো। সীলৰাপি তপোকরন্তি সীলসম্পন্নোপি তপোকম্মং করোন্তো। ৰিজ্জাচরণসম্পন্নোতি এত্থ ৰিজ্জাতি তযো ৰেদা। চরণন্তি গোত্তচরণং। সো সুজ্ঝতি ন অঞ্ঞা ইতরা পজাতি সো তেৰিজ্জো ব্রাহ্মণো সুজ্ঝতি, অযং পন অঞ্ঞা নামিকা পজা ন সুজ্ঝতীতি ৰদতি। বহুম্পি পলপং জপ্পন্তি বহুম্পি পলপং জপ্পন্তো, ‘‘ব্রাহ্মণোৰ সুজ্ঝতী’’তি এৰং ৰচনসহস্সম্পি ভণন্তোতি অত্থো। অন্তোকসম্বূতি অন্তো কিলেসপূতিসভাৰেন পূতিকো। সংকিলিট্ঠোতি কিলিট্ঠেহি কাযকম্মাদীহি সমন্নাগতো। সত্তমং।
193. Sattame suddhikabhāradvājoti ayampi bhāradvājova, suddhikapañhassa pana pucchitattā saṅgītikārehi evaṃ vutto. Sīlavāpi tapokaranti sīlasampannopi tapokammaṃ karonto. Vijjācaraṇasampannoti ettha vijjāti tayo vedā. Caraṇanti gottacaraṇaṃ. So sujjhati na aññā itarā pajāti so tevijjo brāhmaṇo sujjhati, ayaṃ pana aññā nāmikā pajā na sujjhatīti vadati. Bahumpi palapaṃ jappanti bahumpi palapaṃ jappanto, ‘‘brāhmaṇova sujjhatī’’ti evaṃ vacanasahassampi bhaṇantoti attho. Antokasambūti anto kilesapūtisabhāvena pūtiko. Saṃkiliṭṭhoti kiliṭṭhehi kāyakammādīhi samannāgato. Sattamaṃ.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৭. সুদ্ধিকসুত্তং • 7. Suddhikasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৭. সুদ্ধিকসুত্তৰণ্ণনা • 7. Suddhikasuttavaṇṇanā
