| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๗. สุทฺธิกสุตฺตวณฺณนา
7. Suddhikasuttavaṇṇanā
๑๙๓. สตฺตเม สุทฺธิกภารทฺวาโชติ อยมฺปิ ภารทฺวาโชว, สุทฺธิกปญฺหสฺส ปน ปุจฺฉิตตฺตา สงฺคีติกาเรหิ เอวํ วุโตฺตฯ สีลวาปิ ตโปกรนฺติ สีลสมฺปโนฺนปิ ตโปกมฺมํ กโรโนฺตฯ วิชฺชาจรณสมฺปโนฺนติ เอตฺถ วิชฺชาติ ตโย เวทาฯ จรณนฺติ โคตฺตจรณํฯ โส สุชฺฌติ น อญฺญา อิตรา ปชาติ โส เตวิโชฺช พฺราหฺมโณ สุชฺฌติ, อยํ ปน อญฺญา นามิกา ปชา น สุชฺฌตีติ วทติฯ พหุมฺปิ ปลปํ ชปฺปนฺติ พหุมฺปิ ปลปํ ชปฺปโนฺต, ‘‘พฺราหฺมโณว สุชฺฌตี’’ติ เอวํ วจนสหสฺสมฺปิ ภณโนฺตติ อโตฺถฯ อโนฺตกสมฺพูติ อโนฺต กิเลสปูติสภาเวน ปูติโกฯ สํกิลิโฎฺฐติ กิลิเฎฺฐหิ กายกมฺมาทีหิ สมนฺนาคโตฯ สตฺตมํฯ
193. Sattame suddhikabhāradvājoti ayampi bhāradvājova, suddhikapañhassa pana pucchitattā saṅgītikārehi evaṃ vutto. Sīlavāpi tapokaranti sīlasampannopi tapokammaṃ karonto. Vijjācaraṇasampannoti ettha vijjāti tayo vedā. Caraṇanti gottacaraṇaṃ. So sujjhati na aññā itarā pajāti so tevijjo brāhmaṇo sujjhati, ayaṃ pana aññā nāmikā pajā na sujjhatīti vadati. Bahumpi palapaṃ jappanti bahumpi palapaṃ jappanto, ‘‘brāhmaṇova sujjhatī’’ti evaṃ vacanasahassampi bhaṇantoti attho. Antokasambūti anto kilesapūtisabhāvena pūtiko. Saṃkiliṭṭhoti kiliṭṭhehi kāyakammādīhi samannāgato. Sattamaṃ.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๗. สุทฺธิกสุตฺตํ • 7. Suddhikasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๗. สุทฺธิกสุตฺตวณฺณนา • 7. Suddhikasuttavaṇṇanā
