| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၇. သုဒ္ဓိကသုတ္တဝဏ္ဏနာ
7. Suddhikasuttavaṇṇanā
၁၉၃. သတ္တမေ သုဒ္ဓိကဘာရဒ္ဝာဇောတိ အယမ္ပိ ဘာရဒ္ဝာဇောဝ, သုဒ္ဓိကပဉ္ဟသ္သ ပန ပုစ္ဆိတတ္တာ သင္ဂီတိကာရေဟိ ဧဝံ ဝုတ္တော။ သီလဝာပိ တပောကရန္တိ သီလသမ္ပန္နောပိ တပောကမ္မံ ကရောန္တော။ ဝိဇ္ဇာစရဏသမ္ပန္နောတိ ဧတ္ထ ဝိဇ္ဇာတိ တယော ဝေဒာ။ စရဏန္တိ ဂောတ္တစရဏံ။ သော သုဇ္ဈတိ န အညာ ဣတရာ ပဇာတိ သော တေဝိဇ္ဇော ဗ္ရာဟ္မဏော သုဇ္ဈတိ, အယံ ပန အညာ နာမိကာ ပဇာ န သုဇ္ဈတီတိ ဝဒတိ။ ဗဟုမ္ပိ ပလပံ ဇပ္ပန္တိ ဗဟုမ္ပိ ပလပံ ဇပ္ပန္တော, ‘‘ဗ္ရာဟ္မဏောဝ သုဇ္ဈတီ’’တိ ဧဝံ ဝစနသဟသ္သမ္ပိ ဘဏန္တောတိ အတ္ထော။ အန္တောကသမ္ဗူတိ အန္တော ကိလေသပူတိသဘာဝေန ပူတိကော။ သံကိလိဋ္ဌောတိ ကိလိဋ္ဌေဟိ ကာယကမ္မာဒီဟိ သမန္နာဂတော။ သတ္တမံ။
193. Sattame suddhikabhāradvājoti ayampi bhāradvājova, suddhikapañhassa pana pucchitattā saṅgītikārehi evaṃ vutto. Sīlavāpi tapokaranti sīlasampannopi tapokammaṃ karonto. Vijjācaraṇasampannoti ettha vijjāti tayo vedā. Caraṇanti gottacaraṇaṃ. So sujjhati na aññā itarā pajāti so tevijjo brāhmaṇo sujjhati, ayaṃ pana aññā nāmikā pajā na sujjhatīti vadati. Bahumpi palapaṃ jappanti bahumpi palapaṃ jappanto, ‘‘brāhmaṇova sujjhatī’’ti evaṃ vacanasahassampi bhaṇantoti attho. Antokasambūti anto kilesapūtisabhāvena pūtiko. Saṃkiliṭṭhoti kiliṭṭhehi kāyakammādīhi samannāgato. Sattamaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၇. သုဒ္ဓိကသုတ္တံ • 7. Suddhikasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၇. သုဒ္ဓိကသုတ္တဝဏ္ဏနာ • 7. Suddhikasuttavaṇṇanā
