| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) |
೭. ಸುದ್ಧಿಕಸುತ್ತವಣ್ಣನಾ
7. Suddhikasuttavaṇṇanā
೧೯೩. ಸತ್ತಮೇ ಸುದ್ಧಿಕಭಾರದ್ವಾಜೋತಿ ಅಯಮ್ಪಿ ಭಾರದ್ವಾಜೋವ, ಸುದ್ಧಿಕಪಞ್ಹಸ್ಸ ಪನ ಪುಚ್ಛಿತತ್ತಾ ಸಙ್ಗೀತಿಕಾರೇಹಿ ಏವಂ ವುತ್ತೋ। ಸೀಲವಾಪಿ ತಪೋಕರನ್ತಿ ಸೀಲಸಮ್ಪನ್ನೋಪಿ ತಪೋಕಮ್ಮಂ ಕರೋನ್ತೋ। ವಿಜ್ಜಾಚರಣಸಮ್ಪನ್ನೋತಿ ಏತ್ಥ ವಿಜ್ಜಾತಿ ತಯೋ ವೇದಾ। ಚರಣನ್ತಿ ಗೋತ್ತಚರಣಂ। ಸೋ ಸುಜ್ಝತಿ ನ ಅಞ್ಞಾ ಇತರಾ ಪಜಾತಿ ಸೋ ತೇವಿಜ್ಜೋ ಬ್ರಾಹ್ಮಣೋ ಸುಜ್ಝತಿ, ಅಯಂ ಪನ ಅಞ್ಞಾ ನಾಮಿಕಾ ಪಜಾ ನ ಸುಜ್ಝತೀತಿ ವದತಿ। ಬಹುಮ್ಪಿ ಪಲಪಂ ಜಪ್ಪನ್ತಿ ಬಹುಮ್ಪಿ ಪಲಪಂ ಜಪ್ಪನ್ತೋ, ‘‘ಬ್ರಾಹ್ಮಣೋವ ಸುಜ್ಝತೀ’’ತಿ ಏವಂ ವಚನಸಹಸ್ಸಮ್ಪಿ ಭಣನ್ತೋತಿ ಅತ್ಥೋ। ಅನ್ತೋಕಸಮ್ಬೂತಿ ಅನ್ತೋ ಕಿಲೇಸಪೂತಿಸಭಾವೇನ ಪೂತಿಕೋ। ಸಂಕಿಲಿಟ್ಠೋತಿ ಕಿಲಿಟ್ಠೇಹಿ ಕಾಯಕಮ್ಮಾದೀಹಿ ಸಮನ್ನಾಗತೋ। ಸತ್ತಮಂ।
193. Sattame suddhikabhāradvājoti ayampi bhāradvājova, suddhikapañhassa pana pucchitattā saṅgītikārehi evaṃ vutto. Sīlavāpi tapokaranti sīlasampannopi tapokammaṃ karonto. Vijjācaraṇasampannoti ettha vijjāti tayo vedā. Caraṇanti gottacaraṇaṃ. So sujjhati na aññā itarā pajāti so tevijjo brāhmaṇo sujjhati, ayaṃ pana aññā nāmikā pajā na sujjhatīti vadati. Bahumpi palapaṃ jappanti bahumpi palapaṃ jappanto, ‘‘brāhmaṇova sujjhatī’’ti evaṃ vacanasahassampi bhaṇantoti attho. Antokasambūti anto kilesapūtisabhāvena pūtiko. Saṃkiliṭṭhoti kiliṭṭhehi kāyakammādīhi samannāgato. Sattamaṃ.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೭. ಸುದ್ಧಿಕಸುತ್ತಂ • 7. Suddhikasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೭. ಸುದ್ಧಿಕಸುತ್ತವಣ್ಣನಾ • 7. Suddhikasuttavaṇṇanā
