| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
суд̣̇д̇хигаваарагат̇ааван̣н̣анаа
Suddhikavārakathāvaṇṇanā
200. уллабанаагааранд̇и самаабаж̇ж̇инд̇иаад̣̇иуллабанаагаарам̣. аабад̇д̇ибхзд̣̇анд̇и ‘‘на бадивиж̇аананд̇асса аабад̇д̇и т̇уллажжаяассаа’’д̇иаад̣̇иаабад̇д̇ибхзд̣̇ам̣. буна аанзд̇ваа батамаж̇жхаанаад̣̇ийхи на яож̇ид̇анд̇и зд̇т̇а ‘‘батамаж̇жхаанзнаа’’д̇и баатод̇и г̇ан̣тибад̣̇з вуд̇д̇ам̣, д̇ад̣̇зва яуд̇д̇ам̣.
200.Ullapanākāranti samāpajjintiādiullapanākāraṃ. Āpattibhedanti ‘‘na paṭivijānantassa āpatti thullaccayassā’’tiādiāpattibhedaṃ. Puna ānetvā paṭhamajjhānādīhi na yojitanti ettha ‘‘paṭhamajjhānenā’’ti pāṭhoti gaṇṭhipade vuttaṃ, tadeva yuttaṃ.
гад̇д̇усаад̇ханоби бхан̣ид̇а-сад̣̇д̣̇о ход̇ийд̇и ааха ‘‘ат̇а ваа’’д̇иаад̣̇и. язна жид̇д̇зна мусаа бхан̣ад̇и, д̇знзва жид̇д̇зна на саггаа ‘‘мусаа бхан̣аамий’’д̇и ж̇аанид̇ум̣, анд̇аранд̇араа бана ан̃н̃зна жид̇д̇зна ‘‘мусаа бхан̣аамий’’д̇и ж̇аанаад̇ийд̇и вуд̇д̇ам̣ ‘‘бхан̣анд̇асса ход̇и мусаа бхан̣аамий’’д̇и. аяамзд̇т̇а ад̇т̇о д̣̇ассид̇од̇и д̇ийхи ан̇г̇зхи саманнааг̇ад̇о мусааваад̣̇од̇и аяамзд̇т̇а ад̇т̇о д̣̇ассид̇о. на саггаа на бхавид̇унд̇и буб̣б̣абхааг̇ад̇о бадтааяа аабхог̇ам̣ гад̇ваа бхан̣ид̇ад̇д̇аа на саггаа на бхавид̇ум̣. аабад̇д̇ияаа на гаарзд̇аб̣б̣од̇и буб̣б̣абхааг̇агкан̣з ‘‘мусаа бхан̣иссаамий’’д̇и аабхог̇ам̣ винаа сахасаа бхан̣анд̇асса важанагкан̣з ‘‘мусаа зд̇а’’нд̇и убадтид̇зби нивад̇д̇зд̇умасаггун̣зяяад̇ааяа ависаяабхаавад̇о аабад̇д̇ияаа на гаарзд̇аб̣б̣о. д̣̇аваад̇и сахасаа. раваад̇и ан̃н̃ам̣ вад̇д̇угаамасса калид̇ваа ан̃н̃абхан̣анам̣.
Kattusādhanopi bhaṇita-saddo hotīti āha ‘‘atha vā’’tiādi. Yena cittena musā bhaṇati, teneva cittena na sakkā ‘‘musā bhaṇāmī’’ti jānituṃ, antarantarā pana aññena cittena ‘‘musā bhaṇāmī’’ti jānātīti vuttaṃ ‘‘bhaṇantassa hoti musā bhaṇāmī’’ti. Ayamettha attho dassitoti tīhi aṅgehi samannāgato musāvādoti ayamettha attho dassito. Na sakkā na bhavitunti pubbabhāgato paṭṭhāya ābhogaṃ katvā bhaṇitattā na sakkā na bhavituṃ. Āpattiyā na kāretabboti pubbabhāgakkhaṇe ‘‘musā bhaṇissāmī’’ti ābhogaṃ vinā sahasā bhaṇantassa vacanakkhaṇe ‘‘musā eta’’nti upaṭṭhitepi nivattetumasakkuṇeyyatāya avisayabhāvato āpattiyā na kāretabbo. Davāti sahasā. Ravāti aññaṃ vattukāmassa khalitvā aññabhaṇanaṃ.
д̇ам̣ ж̇аанаад̇ийд̇и д̇ам̣н̃аан̣ам̣, д̇асса бхааво д̇ам̣н̃аан̣ад̇аа, н̃аан̣асса ад̇т̇асам̣взд̣̇ананд̇и ад̇т̇о. н̃аан̣асамод̇хаананд̇и н̃аан̣асса б̣ахубхааво, згажид̇д̇уббаад̣̇з анзган̃аан̣ад̇аад̇и ад̇т̇о. на хи саггаа…бз… ж̇аанид̇унд̇и аарамман̣агаран̣асса абхаавад̇о вуд̇д̇ам̣. асаммохааваб̣од̇хо жа ийд̣̇исасса н̃аан̣асса над̇т̇и, ‘‘бхан̣иссаамий’’д̇и бавад̇д̇ажид̇д̇ам̣ ‘‘бхан̣аамий’’д̇и бавад̇д̇ажид̇д̇асса бажжаяо худ̇ваа нируж̇жхад̇и, д̇ан̃жа ‘‘бхан̣ид̇а’’нд̇и бавад̇д̇ажид̇д̇асса бажжаяо худ̇ваад̇и ааха – ‘‘буримам̣ буримам̣ бана…бз… нируж̇жхад̇ий’’д̇и. д̇асмим̣ буб̣б̣абхааг̇з сад̇и ‘‘сзсад̣̇ваяам̣ на хзссад̇ий’’д̇и зд̇ам̣ над̇т̇и, авассам̣ ход̇иязваад̇и вуд̇д̇ам̣ ход̇и, бхан̣иссаамийд̇и буб̣б̣абхааг̇з сад̇и ‘‘бхан̣аами бхан̣ид̇а’’нд̇и зд̇ам̣ д̣̇ваяам̣ на на ход̇и, ход̇иязваад̇и ад̇хиббааяо. згам̣ вияа багаасад̇ийд̇и анзгагкан̣з уббаннамби жид̇д̇ам̣ згагкан̣з уббаннасад̣̇исам̣ худ̇ваа багаасад̇и. самаабаж̇ж̇инд̇иаад̣̇ийнийд̇и аад̣̇и-сад̣̇д̣̇зна самаабаж̇ж̇аами, самаабаннод̇и имаани д̣̇вз сан̇г̇ан̣хаад̇и. д̇ад̇т̇а самаабаж̇ж̇им̣, самаабаннод̇и имзсам̣ асад̇иби гааланаанад̇д̇з важанависзсам̣ санд̇хааяа висум̣ г̇ахан̣ам̣.
Taṃ jānātīti taṃñāṇaṃ, tassa bhāvo taṃñāṇatā, ñāṇassa atthasaṃvedananti attho. Ñāṇasamodhānanti ñāṇassa bahubhāvo, ekacittuppāde anekañāṇatāti attho. Na hi sakkā…pe… jānitunti ārammaṇakaraṇassa abhāvato vuttaṃ. Asammohāvabodho ca īdisassa ñāṇassa natthi, ‘‘bhaṇissāmī’’ti pavattacittaṃ ‘‘bhaṇāmī’’ti pavattacittassa paccayo hutvā nirujjhati, tañca ‘‘bhaṇita’’nti pavattacittassa paccayo hutvāti āha – ‘‘purimaṃ purimaṃ pana…pe… nirujjhatī’’ti. Tasmiṃ pubbabhāge sati ‘‘sesadvayaṃ na hessatī’’ti etaṃ natthi, avassaṃ hotiyevāti vuttaṃ hoti, bhaṇissāmīti pubbabhāge sati ‘‘bhaṇāmi bhaṇita’’nti etaṃ dvayaṃ na na hoti, hotiyevāti adhippāyo. Ekaṃ viya pakāsatīti anekakkhaṇe uppannampi cittaṃ ekakkhaṇe uppannasadisaṃ hutvā pakāsati. Samāpajjintiādīnīti ādi-saddena samāpajjāmi, samāpannoti imāni dve saṅgaṇhāti. Tattha samāpajjiṃ, samāpannoti imesaṃ asatipi kālanānatte vacanavisesaṃ sandhāya visuṃ gahaṇaṃ.
207. сагабхаавабарижжаж̇анавасзнаад̇и ад̇д̇ано санд̇агабхаавасса барижжаж̇анавасзна. маг̇г̇уббад̇д̇ид̇о буб̣б̣з вияа ‘‘сарааг̇о сад̣̇осо’’д̇и вад̇д̇аб̣б̣ад̇аабхаавад̇о жад̇д̇амби гзжи г̇ан̣ханд̇и, наяид̣̇амзванд̇и д̣̇ассанад̇т̇ам̣ ‘‘ванд̇о’’д̇и вуд̇д̇ам̣. на хи яам̣ язна ванд̇ам̣, со буна д̇ам̣ аад̣̇ияад̇и. д̇знааха ‘‘анаад̣̇ияанабхаавад̣̇ассанавасзнаа’’д̇и. ванд̇амби гин̃жи санд̇ад̇илаг̇г̇ам̣ сияаа, наяид̣̇амзванд̇и д̣̇ассанад̇т̇ам̣ ‘‘муд̇д̇о’’д̇и вуд̇д̇ам̣. д̇знааха ‘‘санд̇ад̇ид̇о виможанавасзнаа’’д̇и. муд̇д̇амби гин̃жи муд̇д̇аб̣анд̇ханам̣ вияа палам̣ гухин̃жи д̇идтад̇и, на звамид̣̇анд̇и д̣̇ассанад̇т̇ам̣ ‘‘бахийно’’д̇и вуд̇д̇ам̣. д̇знааха ‘‘гважи анавадтаанад̣̇ассанавасзнаа’’д̇и. яат̇аа гин̃жи д̣̇унниссадтам̣ буна аад̣̇ааяа саммад̣̇зва ниссадтам̣ бадиниссадтанд̇и вужжад̇и, звам̣ вибассанааяа ниссадтам̣ аад̣̇иннасад̣̇исам̣ маг̇г̇зна бахийнам̣ бадиниссадтам̣ наама ход̇ийд̇и д̣̇ассанад̇т̇ам̣ ‘‘бадиниссадто’’д̇и вуд̇д̇ам̣. д̇знааха ‘‘аад̣̇иннабуб̣б̣асса бадиниссаг̇г̇ад̣̇ассанавасзнаа’’д̇и. угкздид̇од̇и уд̇д̇аасид̇о, уд̇д̇аасзд̇ваа балаабид̇од̇и вуд̇д̇ам̣ ход̇и. яо жа уд̇д̇аасзд̇ваа балаабид̇о, на буна со д̇ам̣ таанам̣ ааг̇ажчад̇ийд̇и ааха ‘‘буна аналлийяанабхаавад̣̇ассанавасзнаа’’д̇и, буна ааг̇анд̇ваа санд̇аанз ануббад̇д̇ибхаавад̣̇ассанавасзнаад̇и ад̇т̇о. кида-сад̣̇д̣̇ам̣ сад̣̇д̣̇асад̇т̇авид̣̇уу уд̇д̇аасад̇т̇з батанд̇ийд̇и ааха – ‘‘свааяамад̇т̇о сад̣̇д̣̇асад̇т̇ад̇о бариязсид̇аб̣б̣о’’д̇и. ан̣уязва ан̣усахаг̇ад̇ам̣, ад̇икуд̣̇д̣̇аганд̇и вуд̇д̇ам̣ ход̇и.
207.Sakabhāvapariccajanavasenāti attano santakabhāvassa pariccajanavasena. Magguppattito pubbe viya ‘‘sarāgo sadoso’’ti vattabbatābhāvato cattampi keci gaṇhanti, nayidamevanti dassanatthaṃ ‘‘vanto’’ti vuttaṃ. Na hi yaṃ yena vantaṃ, so puna taṃ ādiyati. Tenāha ‘‘anādiyanabhāvadassanavasenā’’ti. Vantampi kiñci santatilaggaṃ siyā, nayidamevanti dassanatthaṃ ‘‘mutto’’ti vuttaṃ. Tenāha ‘‘santatito vimocanavasenā’’ti. Muttampi kiñci muttabandhanaṃ viya phalaṃ kuhiñci tiṭṭhati, na evamidanti dassanatthaṃ ‘‘pahīno’’ti vuttaṃ. Tenāha ‘‘kvaci anavaṭṭhānadassanavasenā’’ti. Yathā kiñci dunnissaṭṭhaṃ puna ādāya sammadeva nissaṭṭhaṃ paṭinissaṭṭhanti vuccati, evaṃ vipassanāya nissaṭṭhaṃ ādinnasadisaṃ maggena pahīnaṃ paṭinissaṭṭhaṃ nāma hotīti dassanatthaṃ ‘‘paṭinissaṭṭho’’ti vuttaṃ. Tenāha ‘‘ādinnapubbassa paṭinissaggadassanavasenā’’ti. Ukkheṭitoti uttāsito, uttāsetvā palāpitoti vuttaṃ hoti. Yo ca uttāsetvā palāpito, na puna so taṃ ṭhānaṃ āgacchatīti āha ‘‘puna anallīyanabhāvadassanavasenā’’ti, puna āgantvā santāne anuppattibhāvadassanavasenāti attho. Khiṭa-saddaṃ saddasatthavidū uttāsatthe paṭhantīti āha – ‘‘svāyamattho saddasatthato pariyesitabbo’’ti. Aṇuyeva aṇusahagataṃ, atikhuddakanti vuttaṃ hoti.
суд̣̇д̇хигаваарагат̇ааван̣н̣анаа нидтид̇аа.
Suddhikavārakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. жад̇уд̇т̇абаарааж̇игам̣ • 4. Catutthapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 4. жад̇уд̇т̇абаарааж̇игам̣ • 4. Catutthapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бад̣̇абхааж̇анийяаван̣н̣анаа • Padabhājanīyavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / бад̣̇абхааж̇анийяаван̣н̣анаа • Padabhājanīyavaṇṇanā
