| Library / Tipiṭaka / තිපිටක • Tipiṭaka / අපදානපාළි • Apadānapāḷi |
10. සුධාවග්‌ගො
10. Sudhāvaggo
1. සුධාපිණ්‌ඩියත්‌ථෙරඅපදානං
1. Sudhāpiṇḍiyattheraapadānaṃ
1.
1.
‘‘පූජාරහෙ පූජයතො, බුද්‌ධෙ යදි ව සාවකෙ;
‘‘Pūjārahe pūjayato, buddhe yadi va sāvake;
පපඤ්‌චසමතික්‌කන්‌තෙ, තිණ්‌ණසොකපරිද්‌දවෙ.
Papañcasamatikkante, tiṇṇasokapariddave.
2.
2.
‘‘තෙ තාදිසෙ පූජයතො, නිබ්‌බුතෙ අකුතොභයෙ;
‘‘Te tādise pūjayato, nibbute akutobhaye;
3.
3.
‘‘චතුන්‌නමපි දීපානං, ඉස්‌සරං යොධ කාරයෙ;
‘‘Catunnamapi dīpānaṃ, issaraṃ yodha kāraye;
එකිස්‌සා පූජනායෙතං, කලං නාග්‌ඝති සොළසිං.
Ekissā pūjanāyetaṃ, kalaṃ nāgghati soḷasiṃ.
4.
4.
‘‘සිද්‌ධත්‌ථස්‌ස නරග්‌ගස්‌ස, චෙතියෙ ඵලිතන්‌තරෙ;
‘‘Siddhatthassa naraggassa, cetiye phalitantare;
සුධාපිණ්‌ඩො මයා දින්‌නො, විප්‌පසන්‌නෙන චෙතසා.
Sudhāpiṇḍo mayā dinno, vippasannena cetasā.
5.
5.
‘‘චතුන්‌නවුතිතො කප්‌පෙ, යං කම්‌මමකරිං තදා;
‘‘Catunnavutito kappe, yaṃ kammamakariṃ tadā;
දුග්‌ගතිං නාභිජානාමි, පටිසඞ්‌ඛාරස්‌සිදං ඵලං.
Duggatiṃ nābhijānāmi, paṭisaṅkhārassidaṃ phalaṃ.
6.
6.
‘‘ඉතො තිංසතිකප්‌පම්‌හි, පටිසඞ්‌ඛාරසව්‌හයා;
‘‘Ito tiṃsatikappamhi, paṭisaṅkhārasavhayā;
සත්‌තරතනසම්‌පන්‌නා, තෙරස චක්‌කවත්‌තිනො.
Sattaratanasampannā, terasa cakkavattino.
7.
7.
‘‘පටිසම්‌භිදා චතස්‌සො, විමොක්‌ඛාපි ච අට්‌ඨිමෙ;
‘‘Paṭisambhidā catasso, vimokkhāpi ca aṭṭhime;
ඡළභිඤ්‌ඤා සච්‌ඡිකතා, කතං බුද්‌ධස්‌ස සාසනං’’.
Chaḷabhiññā sacchikatā, kataṃ buddhassa sāsanaṃ’’.
ඉත්‌ථං සුදං ආයස්‌මා සුධාපිණ්‌ඩියො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā sudhāpiṇḍiyo thero imā gāthāyo abhāsitthāti.
සුධාපිණ්‌ඩියත්‌ථෙරස්‌සාපදානං පඨමං.
Sudhāpiṇḍiyattherassāpadānaṃ paṭhamaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 1. සුධාපිණ්‌ඩියත්‌ථෙරඅපදානවණ්‌ණනා • 1. Sudhāpiṇḍiyattheraapadānavaṇṇanā
