| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
1. баарааж̇игаган̣д̣о
1. Pārājikakaṇḍo
1. батамабаарааж̇игам̣
1. Paṭhamapārājikaṃ
суд̣̇иннабхаан̣аваараван̣н̣анаа
Sudinnabhāṇavāravaṇṇanā
батамассзд̇т̇а нид̣̇аанз, тад̇ваа баарааж̇игасса вин̃н̃зяяо;
Paṭhamassettha nidāne, ṭhatvā pārājikassa viññeyyo;
жод̣̇анаабарихааранаяо, буг̇г̇алавад̇т̇уббагаасанзязва.
Codanāparihāranayo, puggalavatthuppakāsaneyeva.
д̇ад̇т̇а бхаг̇аваа взран̃ж̇ааяам̣ вуд̇т̇авассо анубуб̣б̣зна жааригам̣ жаранд̇о гад̇д̇игаж̇ун̣хабагкз зва взсаалим̣ баабун̣ид̇ваа яаава батамабаарааж̇игасигкаабад̣̇абан̃н̃аабанам̣, д̇аава адта вассаани взсаалияам̣язва вихаранд̇о вияа баал̣иггамзна д̣̇иссад̇и, на жа бхаг̇аваа д̇аавад̇д̇агам̣ гаалам̣ д̇ад̇т̇зва вихааси. со хи суд̣̇иннасса саавагаанам̣ санд̇игз баб̣б̣аж̇ж̇ам̣ убасамбад̣̇ан̃жа ануж̇аанид̇ваа яат̇аабхиранд̇ам̣ д̇ад̇т̇а вихарид̇ваа жааригам̣ жаранд̇о бхзсагал̣ааванам̣ бад̇ваа д̇ад̇т̇а д̇зрасамам̣ вассам̣ васи, д̇знзва ануггамзна саавад̇т̇им̣ бад̇ваа жуд̣̇д̣̇асамам̣ вассам̣ васи, баннарасамам̣ габилавад̇т̇умхи, сол̣асамам̣ аал̣авияам̣, д̇ад̇о вуд̇т̇авассо жааригам̣ жаранд̇о рааж̇аг̇ахам̣ бад̇ваа сад̇д̇арасамам̣ васи, иминаа ануггамзна абарааниби д̇ийн̣и вассаани д̇ад̇т̇зва васи. зд̇д̇аавад̇аа бхаг̇аваа барибун̣н̣авийсад̇ивассо рааж̇аг̇ахад̇о анубуб̣б̣зна взсаалим̣ баабун̣и, д̇ад̇о убасамбад̣̇ааяа адтавассиго суд̣̇инно взсаалияам̣язва мзт̇унам̣ д̇хаммам̣ абхивин̃н̃аабзси, д̇ад̇о бхаг̇аваа д̇асмим̣ вад̇т̇усмим̣ батамам̣ баарааж̇игам̣ бан̃н̃абзсийд̇и взд̣̇ид̇аб̣б̣ам̣. д̇ад̇т̇а яасмаа убаалид̇т̇зро ид̇о батамад̇арам̣ д̇ад̇т̇а взсаалияан̃жа бан̃н̃ад̇д̇асигкаабад̣̇аани ад̣̇ассзд̇угаамо, винаяанид̣̇аанаананд̇арам̣ батамабаарааж̇игамзва д̣̇ассзд̇угаамо, д̇асмаа взсаалияам̣ батамам̣ ниваасам̣, бажчаа имасса сигкаабад̣̇асса бан̃н̃ад̇д̇игаалз ниваасан̃жа згад̇о гад̇ваа ‘‘д̇ад̇ра суд̣̇ам̣ бхаг̇аваа взсаалияа’’нд̇иаад̣̇имааха, д̇зна вуд̇д̇ам̣ ‘‘батамассзд̇т̇а нид̣̇аанз, тад̇ваа …бз… багаасанзязваа’’д̇и. д̇асмаа имасмим̣ батамабаарааж̇игасса бан̃н̃ад̇д̇идтаанасан̇каад̇з нид̣̇аанз тад̇ваа ‘‘д̇зна ко бана самаязна взсаалияаа авид̣̇уурз галанд̣̇аг̇аамо наама ход̇и…бз… ан̃н̃ад̇арам̣ важ̇ж̇иг̇аамам̣ убаниссааяа вихарад̇ий’’д̇и зд̇асмим̣ имасса сигкаабад̣̇асса буг̇г̇алаббагаасанз, ‘‘д̇зна ко бана самаязна важ̇ж̇ий д̣̇уб̣бхигкаа ход̇и…бз… д̇игкад̇д̇ум̣ мзт̇унам̣ д̇хаммам̣ абхивин̃н̃аабзсий’’д̇и (баараа. 30) имасмим̣ вад̇т̇уббагаасанз жа жод̣̇анаанаяо, барихааранаяо жа взд̣̇ид̇аб̣б̣од̇и вуд̇д̇ам̣ ход̇и. д̇ад̇рааяам̣ багаасанаа – гимад̇т̇ам̣ т̇зрзна ан̃н̃зсам̣ сигкаабад̣̇аанам̣ буг̇г̇алавад̇т̇ууни вияа сан̇кзбад̇о авад̇ваа яад̇т̇а жа со уббанно, яат̇аа жа д̇хаммз басанно, яат̇аа жа баб̣б̣аж̇ид̇о, яат̇аа жа имам̣ вад̇т̇ум̣ уббаад̣̇зд̇и, д̇ам̣ саб̣б̣ам̣ анавасзсзд̇ваа буг̇г̇алавад̇т̇ууни вид̇т̇аарад̇о вуд̇д̇аанийд̇и жз? вужжад̇з –
Tattha bhagavā verañjāyaṃ vutthavasso anupubbena cārikaṃ caranto kattikajuṇhapakkhe eva vesāliṃ pāpuṇitvā yāva paṭhamapārājikasikkhāpadapaññāpanaṃ, tāva aṭṭha vassāni vesāliyaṃyeva viharanto viya pāḷikkamena dissati, na ca bhagavā tāvattakaṃ kālaṃ tattheva vihāsi. So hi sudinnassa sāvakānaṃ santike pabbajjaṃ upasampadañca anujānitvā yathābhirantaṃ tattha viharitvā cārikaṃ caranto bhesakaḷāvanaṃ patvā tattha terasamaṃ vassaṃ vasi, teneva anukkamena sāvatthiṃ patvā cuddasamaṃ vassaṃ vasi, pannarasamaṃ kapilavatthumhi, soḷasamaṃ āḷaviyaṃ, tato vutthavasso cārikaṃ caranto rājagahaṃ patvā sattarasamaṃ vasi, iminā anukkamena aparānipi tīṇi vassāni tattheva vasi. Ettāvatā bhagavā paripuṇṇavīsativasso rājagahato anupubbena vesāliṃ pāpuṇi, tato upasampadāya aṭṭhavassiko sudinno vesāliyaṃyeva methunaṃ dhammaṃ abhiviññāpesi, tato bhagavā tasmiṃ vatthusmiṃ paṭhamaṃ pārājikaṃ paññapesīti veditabbaṃ. Tattha yasmā upālitthero ito paṭhamataraṃ tattha vesāliyañca paññattasikkhāpadāni adassetukāmo, vinayanidānānantaraṃ paṭhamapārājikameva dassetukāmo, tasmā vesāliyaṃ paṭhamaṃ nivāsaṃ, pacchā imassa sikkhāpadassa paññattikāle nivāsañca ekato katvā ‘‘tatra sudaṃ bhagavā vesāliya’’ntiādimāha, tena vuttaṃ ‘‘paṭhamassettha nidāne, ṭhatvā …pe… pakāsaneyevā’’ti. Tasmā imasmiṃ paṭhamapārājikassa paññattiṭṭhānasaṅkhāte nidāne ṭhatvā ‘‘tena kho pana samayena vesāliyā avidūre kalandagāmo nāma hoti…pe… aññataraṃ vajjigāmaṃ upanissāya viharatī’’ti etasmiṃ imassa sikkhāpadassa puggalappakāsane, ‘‘tena kho pana samayena vajjī dubbhikkhā hoti…pe… tikkhattuṃ methunaṃ dhammaṃ abhiviññāpesī’’ti (pārā. 30) imasmiṃ vatthuppakāsane ca codanānayo, parihāranayo ca veditabboti vuttaṃ hoti. Tatrāyaṃ pakāsanā – kimatthaṃ therena aññesaṃ sikkhāpadānaṃ puggalavatthūni viya saṅkhepato avatvā yattha ca so uppanno, yathā ca dhamme pasanno, yathā ca pabbajito, yathā ca imaṃ vatthuṃ uppādeti, taṃ sabbaṃ anavasesetvā puggalavatthūni vitthārato vuttānīti ce? Vuccate –
звам̣ сад̣̇д̇хааяа гижчзна, маханд̇з бхог̇ан̃аад̇агз;
Evaṃ saddhāya kicchena, mahante bhogañātake;
хид̇ваа баб̣б̣аж̇ид̇аанамби, бзсалаанамби саб̣б̣асо.
Hitvā pabbajitānampi, pesalānampi sabbaso.
саб̣б̣алаамагад̇хаммааяам̣, мзт̇уно яад̣̇и самбхавз;
Sabbalāmakadhammāyaṃ, methuno yadi sambhave;
на д̇хаммад̣̇зсанааязва, сид̣̇д̇хаа вирад̇и саб̣б̣асо.
Na dhammadesanāyeva, siddhā virati sabbaso.
д̇асмаа наван̇г̇асад̣̇д̇хаммз, сад̇т̇аараа д̣̇зсид̇зби жа;
Tasmā navaṅgasaddhamme, satthārā desitepi ca;
винаяо бан̃н̃абзд̇аб̣б̣о, д̇ад̇о д̇хаммависуд̣̇д̇хихи.
Vinayo paññapetabbo, tato dhammavisuddhihi.
винаяаабхаавад̇о звам̣, аж̇жхаажааро бхависсад̇и;
Vinayābhāvato evaṃ, ajjhācāro bhavissati;
д̇асмаа винаяабан̃н̃ад̇д̇и, саад̇т̇игаа бзсалассаби.
Tasmā vinayapaññatti, sātthikā pesalassapi.
анаад̣̇ийнавад̣̇ассаавий, яасмаа яам̣ баабамаажари;
Anādīnavadassāvī, yasmā yaṃ pāpamācari;
винаяоязва сад̣̇д̇хаанам̣, аад̣̇ийнававибхаавино.
Vinayoyeva saddhānaṃ, ādīnavavibhāvino.
д̇асмаа сад̣̇д̇хаанусаарийнам̣, винаяо саад̇т̇агова яам̣;
Tasmā saddhānusārīnaṃ, vinayo sātthakova yaṃ;
д̇хаммо д̇хаммаанусаарийнам̣, д̇ад̇о убхаяад̣̇зсанаа.
Dhammo dhammānusārīnaṃ, tato ubhayadesanā.
аби жа яад̣̇и бан̣н̣ад̇д̇ивийд̇иггамам̣ агаронд̇ассааби яаава б̣рахмалогаа аяасо бад̇т̇адо, баг̇зван̃н̃зсанд̇и д̣̇ассанад̇т̇ам̣ аж̇жхаажаарасса баагадабхаавад̣̇ийбанам̣. гат̇ам̣? –
Api ca yadi paṇṇattivītikkamaṃ akarontassāpi yāva brahmalokā ayaso patthaṭo, pagevaññesanti dassanatthaṃ ajjhācārassa pākaṭabhāvadīpanaṃ. Kathaṃ? –
абхаб̣б̣о арахад̇д̇асса, суд̣̇инно буд̇д̇амаад̇аро;
Abhabbo arahattassa, sudinno puttamātaro;
бхаб̣б̣аануббаннабан̃н̃ад̇д̇и, д̇ад̣̇ад̇т̇ам̣ на гад̇аа аяам̣.
Bhabbānuppannapaññatti, tadatthaṃ na katā ayaṃ.
нану мааг̇ан̣д̣игам̣ аж̇жхубзгкид̇ваа маад̇аабид̇уунамассаа хид̇ад̇т̇ам̣ д̇хаммам̣ д̣̇зсзд̇ийд̇и имамад̇т̇ам̣ д̣̇ассзд̇ум̣ б̣ийж̇агаб̣ийж̇агамаад̇уунам̣ арахад̇д̇уббад̇д̇и т̇зрзна д̣̇ийбид̇аа. ‘‘д̇зна ко бана самаязна взсаалияаа авид̣̇уурз галанд̣̇аг̇аамо наама ход̇и, язна самаязна суд̣̇инно бураан̣ад̣̇уд̇ияигааяа мзт̇унам̣ д̇хаммам̣ бадисзвий’’д̇и ваа ‘‘язна самаязна бхаг̇аваа батамабаарааж̇игам̣ бан̃н̃абзсий’’д̇и ваа важанам̣ ид̇ха на яуж̇ж̇ад̇и. гасмаа? ‘‘ид̇ха бана хзд̇уад̇т̇о гаран̣ад̇т̇о жа самбхавад̇ий’’д̇и вуд̇д̇ам̣ адтагат̇ааважанан̃хи ид̇ха на лаб̣бхад̇и. жиранивидто хи со г̇аамо , на д̇асмим̣язва самаязд̇и. яасмаа бана со жиранивидтоби жа г̇аамо ад̇д̇ано нивидтагаалад̇о бадтааяа саб̣б̣агааламад̇т̇ийд̇и вад̇д̇аб̣б̣ад̇ам̣ арахад̇и, д̇зна барияааязна ‘‘д̇зна ко бана самаязна взсаалияаа авид̣̇уурз галанд̣̇аг̇аамо наама ход̇ий’’д̇и вуд̇д̇ам̣.
Nanu māgaṇḍikaṃ ajjhupekkhitvā mātāpitūnamassā hitatthaṃ dhammaṃ desetīti imamatthaṃ dassetuṃ bījakabījakamātūnaṃ arahattuppatti therena dīpitā. ‘‘Tena kho pana samayena vesāliyā avidūre kalandagāmo nāma hoti, yena samayena sudinno purāṇadutiyikāya methunaṃ dhammaṃ paṭisevī’’ti vā ‘‘yena samayena bhagavā paṭhamapārājikaṃ paññapesī’’ti vā vacanaṃ idha na yujjati. Kasmā? ‘‘Idha pana hetuattho karaṇattho ca sambhavatī’’ti vuttaṃ aṭṭhakathāvacanañhi idha na labbhati. Ciraniviṭṭho hi so gāmo , na tasmiṃyeva samayeti. Yasmā pana so ciraniviṭṭhopi ca gāmo attano niviṭṭhakālato paṭṭhāya sabbakālamatthīti vattabbataṃ arahati, tena pariyāyena ‘‘tena kho pana samayena vesāliyā avidūre kalandagāmo nāma hotī’’ti vuttaṃ.
25-6. анун̃н̃аад̇оси бана д̇ванд̇и саман̣авад̇д̇ад̣̇ассанад̇т̇ам̣ бхаг̇аваа бужчад̇и. маад̇аабид̇уухи ананун̃н̃аад̇анд̇и зд̇т̇а ж̇анагзхзва ананун̃н̃аад̇ад̣̇ассанад̇т̇ам̣ бужчийд̇и вуд̇д̇ам̣. на ко суд̣̇инна д̇ат̇ааг̇ад̇аад̇и ‘‘баб̣б̣ааж̇зд̇у мам̣ бхаг̇аваа’’д̇и яаажанаавасзна банзвамааха, на бхаг̇аваа саяам̣ саран̣аани д̣̇ад̇ваа баб̣б̣ааж̇зси. д̣̇угкассаад̇и зд̇т̇а ‘‘галабхааг̇амбий’’д̇и баатасзсо. вигаббад̣̇ваязбийд̇и д̣̇уд̇ияад̇ад̇ияавигаббзсу. буримабад̣̇ассаад̇и гин̃жийд̇и бад̣̇асса. уд̇д̇арабад̣̇знаад̇и д̣̇угкассаад̇и бад̣̇зна. самаанавибхад̇д̇ийд̇и саамиважанам̣. яат̇аа гим̣? ‘‘гассажи д̣̇угкассаа’’д̇и вад̇д̇аб̣б̣з ‘‘гин̃жи д̣̇угкассаа’’д̇и вуд̇д̇анд̇и взд̣̇ид̇аб̣б̣ам̣. агаамагаа винаа бхависсаамаад̇и д̇аяаа сад̣̇д̇хим̣ амарид̇ваа агаамаа ж̇ийвиссаама. сажзби на мараама, агаамагаава д̇аяаа вияог̇ам̣ баабун̣иссаама, д̇аяи ж̇ийвамаанз зва но маран̣ам̣ бхавзяяа, маран̣знаби но д̇аяаа вияог̇ам̣ маяам̣ агаамагаава баабун̣иссаама.
25-6.Anuññātosi pana tvanti samaṇavattadassanatthaṃ bhagavā pucchati. Mātāpitūhi ananuññātanti ettha janakeheva ananuññātadassanatthaṃ pucchīti vuttaṃ. Na kho sudinna tathāgatāti ‘‘pabbājetu maṃ bhagavā’’ti yācanāvasena panevamāha, na bhagavā sayaṃ saraṇāni datvā pabbājesi. Dukkhassāti ettha ‘‘kalabhāgampī’’ti pāṭhaseso. Vikappadvayepīti dutiyatatiyavikappesu. Purimapadassāti kiñcīti padassa. Uttarapadenāti dukkhassāti padena. Samānavibhattīti sāmivacanaṃ. Yathā kiṃ? ‘‘Kassaci dukkhassā’’ti vattabbe ‘‘kiñci dukkhassā’’ti vuttanti veditabbaṃ. Akāmakā vinā bhavissāmāti tayā saddhiṃ amaritvā akāmā jīvissāma. Sacepi na marāma, akāmakāva tayā viyogaṃ pāpuṇissāma, tayi jīvamāne eva no maraṇaṃ bhaveyya, maraṇenapi no tayā viyogaṃ mayaṃ akāmakāva pāpuṇissāma.
30. гад̇ибаахам̣ б̣алам̣ г̇аахзд̇ваад̇и гасмаа банааяам̣ д̇ат̇аа баб̣б̣аж̇ж̇ааяа д̇иб̣б̣ажчанд̣̇о анун̃н̃аад̇о самаано гад̇ибаахам̣ гхарзязва виламб̣ид̇ваа гааяаб̣алан̃жа аг̇г̇ахзсийд̇и? анумад̇ид̣̇аанзна маад̇аабид̇уусу сахааяагзсу жа д̇удто д̇зсам̣ жид̇д̇ад̇удтад̇т̇ам̣. гзсужи адтагат̇аабод̇т̇агзсу гзжи аажарияаа ‘‘аяам̣ суд̣̇инно ж̇ийвагавад̇т̇уд̇о бажчаа бам̣сугуулигад̇худ̇ан̇г̇авасзна бам̣сугуулиго ж̇аад̇о’’д̇и сан̃н̃ааяа ‘‘г̇ахабад̇ижийварам̣ бадигкибид̇ваа бам̣сугуулигад̇худ̇ан̇г̇авасзна бам̣сугуулиго ход̇ий’’д̇и ликанд̇и, д̇ам̣ ‘‘ажируубасамбанно’’д̇и важанзна вируж̇жхад̇и. ‘‘д̇ат̇аа суд̣̇инно хи бхаг̇авад̇о д̣̇ваад̣̇асамз вассз баб̣б̣аж̇ид̇о , вийсад̇имз вассз н̃аад̇игулам̣ бин̣д̣ааяа бавидто саяам̣ баб̣б̣аж̇ж̇ааяа адтавассиго худ̇ваа’’д̇и, ‘‘бхаг̇авад̇о хи б̣уд̣̇д̇хад̇д̇ам̣ бад̇д̇ад̇о бадтааяа яаава ид̣̇ам̣ вад̇т̇ам̣, зд̇т̇анд̇арз вийсад̇и вассаани на гожи г̇ахабад̇ижийварам̣ саад̣̇ияи, саб̣б̣з бам̣сугуулигаава ахзсу’’нд̇и жа вуд̇д̇зна адтагат̇ааважанзна вируж̇жхад̇и, баб̣б̣аж̇ж̇ааяа адтавассиго, на убасамбад̣̇ааяа. убасамбад̣̇ам̣ бана ж̇ийвагавад̇т̇уд̇о (махаава. 326) бажчаа алад̇т̇а, д̇асмаа авассиго н̃аад̇игулам̣ бин̣д̣ааяа бавидто сияаад̇и жз? на, ‘‘алад̇т̇а ко суд̣̇инно галанд̣̇абуд̇д̇о бхаг̇авад̇о санд̇игз баб̣б̣аж̇ж̇ам̣, алад̇т̇а убасамбад̣̇а’’нд̇и згад̇о ананд̇арам̣ вуд̇д̇ад̇д̇аа. баб̣б̣аж̇ж̇аананд̇арамзва хи со убасамбанно д̇зрасад̇худ̇ан̇г̇аг̇ун̣з самаад̣̇ааяа вад̇д̇анд̇о адта вассаани важ̇ж̇иг̇аамз вихарид̇ваа ниссаяамуд̇д̇ад̇д̇аа саяам̣васий худ̇ваа ‘‘зд̇арахи ко важ̇ж̇ий д̣̇уб̣бхигкаа’’д̇иаад̣̇ид̇аггавасзна язна взсаалий д̇ад̣̇авасари, д̇асмаа ‘‘бам̣сугуулигад̇худ̇ан̇г̇авасзна бам̣сугуулиго ход̇ий’’д̇и зд̇д̇агоязва баато язсу бод̇т̇агзсу д̣̇иссад̇и, сова бамаан̣ад̇о г̇ахзд̇аб̣б̣о. ‘‘ааран̃н̃иго ход̇ий’’д̇и иминаа бан̃жа сзнаасанабадисам̣яуд̇д̇аани сан̇г̇ахид̇аани нзсаж̇ж̇иган̇г̇ан̃жа вихаарасабхааг̇ад̇д̇аа, ‘‘бин̣д̣абаад̇иго’’д̇и иминаа бан̃жа бин̣д̣абаад̇абадисам̣яуд̇д̇аани, ‘‘бам̣сугуулиго’’д̇и иминаа д̣̇вз жийварабадисам̣яуд̇д̇аани сан̇г̇ахид̇аанийд̇и. н̃аад̇игхаруубаг̇аманагааран̣ад̣̇ийбанаад̇хиббааяад̇о сабад̣̇аанажаариган̇г̇ам̣ висум̣ вуд̇д̇анд̇и взд̣̇ид̇аб̣б̣ам̣. ‘‘маа ад̇ихараабзсу’’нд̇и гаалаб̣яад̇д̇аяавасзна вуд̇д̇ам̣. д̇хаммассанд̇арааяагарад̇арад̇д̇аа ‘‘имам̣ наяа’’нд̇и анаяоязва.
30.Katipāhaṃ balaṃ gāhetvāti kasmā panāyaṃ tathā pabbajjāya tibbacchando anuññāto samāno katipāhaṃ ghareyeva vilambitvā kāyabalañca aggahesīti? Anumatidānena mātāpitūsu sahāyakesu ca tuṭṭho tesaṃ cittatuṭṭhatthaṃ. Kesuci aṭṭhakathāpotthakesu keci ācariyā ‘‘ayaṃ sudinno jīvakavatthuto pacchā paṃsukūlikadhutaṅgavasena paṃsukūliko jāto’’ti saññāya ‘‘gahapaticīvaraṃ paṭikkhipitvā paṃsukūlikadhutaṅgavasena paṃsukūliko hotī’’ti likhanti, taṃ ‘‘acirūpasampanno’’ti vacanena virujjhati. ‘‘Tathā sudinno hi bhagavato dvādasame vasse pabbajito , vīsatime vasse ñātikulaṃ piṇḍāya paviṭṭho sayaṃ pabbajjāya aṭṭhavassiko hutvā’’ti, ‘‘bhagavato hi buddhattaṃ pattato paṭṭhāya yāva idaṃ vatthaṃ, etthantare vīsati vassāni na koci gahapaticīvaraṃ sādiyi, sabbe paṃsukūlikāva ahesu’’nti ca vuttena aṭṭhakathāvacanena virujjhati, pabbajjāya aṭṭhavassiko, na upasampadāya. Upasampadaṃ pana jīvakavatthuto (mahāva. 326) pacchā alattha, tasmā avassiko ñātikulaṃ piṇḍāya paviṭṭho siyāti ce? Na, ‘‘alattha kho sudinno kalandaputto bhagavato santike pabbajjaṃ, alattha upasampada’’nti ekato anantaraṃ vuttattā. Pabbajjānantarameva hi so upasampanno terasadhutaṅgaguṇe samādāya vattanto aṭṭha vassāni vajjigāme viharitvā nissayamuttattā sayaṃvasī hutvā ‘‘etarahi kho vajjī dubbhikkhā’’tiāditakkavasena yena vesālī tadavasari, tasmā ‘‘paṃsukūlikadhutaṅgavasena paṃsukūliko hotī’’ti ettakoyeva pāṭho yesu potthakesu dissati, sova pamāṇato gahetabbo. ‘‘Āraññiko hotī’’ti iminā pañca senāsanapaṭisaṃyuttāni saṅgahitāni nesajjikaṅgañca vihārasabhāgattā, ‘‘piṇḍapātiko’’ti iminā pañca piṇḍapātapaṭisaṃyuttāni, ‘‘paṃsukūliko’’ti iminā dve cīvarapaṭisaṃyuttāni saṅgahitānīti. Ñātigharūpagamanakāraṇadīpanādhippāyato sapadānacārikaṅgaṃ visuṃ vuttanti veditabbaṃ. ‘‘Mā atiharāpesu’’nti kālabyattayavasena vuttaṃ. Dhammassantarāyakaratarattā ‘‘imaṃ naya’’nti anayoyeva.
язбхуяязна хи сад̇д̇аанам̣, винаасз бажжубадтид̇з;
Yebhuyyena hi sattānaṃ, vināse paccupaṭṭhite;
анаяо наяаруубзна, б̣уд̣̇д̇химааг̇амма д̇идтад̇и.
Anayo nayarūpena, buddhimāgamma tiṭṭhati.
36. абан̃н̃ад̇д̇з сигкаабад̣̇зд̇и зд̇т̇а д̣̇увид̇хам̣ сигкаабад̣̇абан̃н̃аабанам̣. гат̇ам̣? ‘‘зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇аа’’д̇и звам̣ сауд̣̇д̣̇зсаануд̣̇д̣̇зсабхзд̣̇ад̇о д̣̇увид̇хам̣. д̇ад̇т̇а баад̇имогкз саруубад̇о ааг̇ад̇аа бан̃жа аабад̇д̇игканд̇хаа сауд̣̇д̣̇зсабан̃н̃ад̇д̇и наама. сааби д̣̇увид̇хаа сабуг̇г̇алаабуг̇г̇аланид̣̇д̣̇зсабхзд̣̇ад̇о. д̇ад̇т̇а яассаа бан̃н̃ад̇д̇ияаа анд̇о аабад̇д̇ияаа саха, винаа ваа буг̇г̇ало д̣̇ассид̇о, саа сабуг̇г̇аланид̣̇д̣̇зсаа. ид̇араа абуг̇г̇аланид̣̇д̣̇зсаад̇и взд̣̇ид̇аб̣б̣аа. сабуг̇г̇аланид̣̇д̣̇зсааби д̣̇увид̇хаа д̣̇ассид̇аад̣̇ассид̇аабад̇д̇ибхзд̣̇ад̇о. д̇ад̇т̇а ад̣̇ассид̇аабад̇д̇игаа наама адта баарааж̇игаа д̇хаммаа. ‘‘баарааж̇иго ход̇и асам̣ваасо’’д̇и хи буг̇г̇алова д̇ад̇т̇а д̣̇ассид̇о, наабад̇д̇и. д̣̇ассид̇аабад̇д̇игаа наама бхигкунийбаад̇имогкз ‘‘сад̇д̇араса сан̇гхаад̣̇исзсаа д̇хаммаа ниссааран̣ийяам̣ сан̇гхаад̣̇исзса’’нд̇и хи д̇ад̇т̇а аабад̇д̇и д̣̇ассид̇аа сад̣̇д̇хим̣ буг̇г̇алзна, д̇ат̇аа абуг̇г̇аланид̣̇д̣̇зсааби д̣̇ассид̇аад̣̇ассид̇аабад̇д̇ид̇ова д̣̇увид̇хаа. д̇ад̇т̇а ад̣̇ассид̇аабад̇д̇игаа наама сзкияаа д̇хаммаа. сзсаа д̣̇ассид̇аабад̇д̇игаад̇и взд̣̇ид̇аб̣б̣аа. сааби д̣̇увид̇хаа анид̣̇д̣̇идтагаараганид̣̇д̣̇идтагаарагабхзд̣̇ад̇о. д̇ад̇т̇а анид̣̇д̣̇идтагаарагаа наама суггависсадти мусааваад̣̇а омасаваад̣̇а бзсун̃н̃а бхууд̇аг̇аама ан̃н̃аваад̣̇ага уж̇жхаабанага г̇ан̣абхож̇ана барамбарабхож̇ана сураамзраяа ан̇г̇улибад̇од̣̇ага хасад̇хамма анаад̣̇арияа д̇алагхаад̇агаж̇ад̇умадтага сигкаабад̣̇аанам̣ васзна бан̃жад̣̇асавид̇хаа хонд̇и. сзсаанам̣ буг̇г̇аланид̣̇д̣̇зсаанам̣ васзна нид̣̇д̣̇идтагаарагаа взд̣̇ид̇аб̣б̣аа.
36.Apaññatte sikkhāpadeti ettha duvidhaṃ sikkhāpadapaññāpanaṃ. Kathaṃ? ‘‘Evañca pana, bhikkhave, imaṃ sikkhāpadaṃ uddiseyyāthā’’ti evaṃ sauddesānuddesabhedato duvidhaṃ. Tattha pātimokkhe sarūpato āgatā pañca āpattikkhandhā sauddesapaññatti nāma. Sāpi duvidhā sapuggalāpuggalaniddesabhedato. Tattha yassā paññattiyā anto āpattiyā saha, vinā vā puggalo dassito, sā sapuggalaniddesā. Itarā apuggalaniddesāti veditabbā. Sapuggalaniddesāpi duvidhā dassitādassitāpattibhedato. Tattha adassitāpattikā nāma aṭṭha pārājikā dhammā. ‘‘Pārājiko hoti asaṃvāso’’ti hi puggalova tattha dassito, nāpatti. Dassitāpattikā nāma bhikkhunīpātimokkhe ‘‘sattarasa saṅghādisesā dhammā nissāraṇīyaṃ saṅghādisesa’’nti hi tattha āpatti dassitā saddhiṃ puggalena, tathā apuggalaniddesāpi dassitādassitāpattitova duvidhā. Tattha adassitāpattikā nāma sekhiyā dhammā. Sesā dassitāpattikāti veditabbā. Sāpi duvidhā aniddiṭṭhakārakaniddiṭṭhakārakabhedato. Tattha aniddiṭṭhakārakā nāma sukkavissaṭṭhi musāvāda omasavāda pesuñña bhūtagāma aññavādaka ujjhāpanaka gaṇabhojana paramparabhojana surāmeraya aṅgulipatodaka hasadhamma anādariya talaghātakajatumaṭṭhaka sikkhāpadānaṃ vasena pañcadasavidhā honti. Sesānaṃ puggalaniddesānaṃ vasena niddiṭṭhakārakā veditabbā.
ануд̣̇д̣̇зсабан̃н̃ад̇д̇иби бад̣̇абхааж̇ананд̇араабад̇д̇ивинийд̇авад̇т̇убадигкзбабан̃н̃ад̇д̇иавуд̇д̇асид̣̇д̇хивасзна чаб̣б̣ид̇хаа хонд̇и. д̇ад̇т̇а ‘‘язбхуяязна кааяид̇ам̣ аабад̇д̇и т̇уллажжаяассаа’’д̇и (баараа. 61) звамаад̣̇игаа бад̣̇абхааж̇анияз санд̣̇иссамаанаабад̇д̇и бад̣̇абхааж̇анасигкаабад̣̇ам̣ наама. ‘‘на д̇взва наг̇г̇зна ааг̇анд̇аб̣б̣ам̣, яо ааг̇ажчзяяа, аабад̇д̇и д̣̇уггадассаа’’д̇иаад̣̇игаа (баараа. 517) анд̇араабад̇д̇исигкаабад̣̇ам̣ наама. ‘‘ануж̇аанаами, бхигкавз, д̣̇иваа бадисаллийяанд̇зна д̣̇ваарам̣ сам̣варид̇ваа бадисаллийяид̇у’’нд̇и (баараа. 75) звамаад̣̇игаа винийд̇авад̇т̇усигкаабад̣̇ам̣ наама. ‘‘лохид̇уббаад̣̇аго, бхигкавз, анубасамбанно на убасамбаад̣̇зд̇аб̣б̣о, убасамбанно наасзд̇аб̣б̣о’’д̇и (махаава. 114) звамаад̣̇игаа бадигкзбасигкаабад̣̇ам̣ наама. канд̇хагзсу бан̃н̃ад̇д̇ад̣̇уггадат̇уллажжаяаани бан̃н̃ад̇д̇исигкаабад̣̇ам̣ наама. ‘‘яаа бана бхигкуний нажжам̣ ваа г̇ийд̇ам̣ ваа ваад̣̇ид̇ам̣ ваа д̣̇ассанааяа г̇ажчзяяа, баажид̇д̇ияа’’нд̇и (баажи. 834) иминаа вуд̇д̇зна ‘‘яаа бана бхигкуний нажжзяяа ваа г̇ааязяяа ваа ваад̣̇зяяа ваа баажид̇д̇ияа’’нд̇и звамаад̣̇игам̣ яам̣ гин̃жи адтагат̇ааяа д̣̇иссамаанам̣ аабад̇д̇иж̇аад̇ам̣, винаяагаммам̣ ваа авуд̇д̇асид̣̇д̇хисигкаабад̣̇ам̣ наама. чаб̣б̣ид̇хамбзд̇ам̣ чахи гааран̣зхи уд̣̇д̣̇зсаарахам̣ на ход̇ийд̇и ануд̣̇д̣̇зсасигкаабад̣̇ам̣ наамаад̇и взд̣̇ид̇аб̣б̣ам̣. сзяяат̇ид̣̇ам̣ – бан̃жахи уд̣̇д̣̇зсзхи яат̇аасамбхавам̣ висабхааг̇ад̇д̇аа т̇уллажжаяад̣̇уб̣бхаасид̇аанам̣, сабхааг̇авад̇т̇угамби д̣̇уггадат̇уллажжаяад̣̇ваяам̣ асабхааг̇аабад̇д̇игад̇д̇аа, анд̇араабад̇д̇ибан̃н̃ад̇д̇исигкаабад̣̇аанам̣ наанаавад̇т̇угаабад̇д̇игад̇д̇аа, бадигкзбасигкаабад̣̇аанам̣ гзсан̃жи винийд̇авад̇т̇убан̃н̃ад̇д̇исигкаабад̣̇аанан̃жа ад̣̇ассид̇аабад̇д̇игад̇д̇аа, ад̣̇ассид̇авад̇т̇угад̇д̇аа бхзд̣̇аанувад̇д̇агат̇уллажжаяасса, ад̣̇ассид̇аабад̇д̇ивад̇т̇угад̇д̇аа авуд̇д̇асид̣̇д̇хисигкаабад̣̇аананд̇и. зд̇д̇аавад̇аа ‘‘д̣̇увид̇хам̣ сигкаабад̣̇абан̃н̃аабанам̣ уд̣̇д̣̇зсаануд̣̇д̣̇зсабхзд̣̇ад̇о’’д̇и яам̣ вуд̇д̇ам̣, д̇ам̣ самаасад̇о багаасид̇ам̣ ход̇и.
Anuddesapaññattipi padabhājanantarāpattivinītavatthupaṭikkhepapaññattiavuttasiddhivasena chabbidhā honti. Tattha ‘‘yebhuyyena khāyitaṃ āpatti thullaccayassā’’ti (pārā. 61) evamādikā padabhājaniye sandissamānāpatti padabhājanasikkhāpadaṃ nāma. ‘‘Na tveva naggena āgantabbaṃ, yo āgaccheyya, āpatti dukkaṭassā’’tiādikā (pārā. 517) antarāpattisikkhāpadaṃ nāma. ‘‘Anujānāmi, bhikkhave, divā paṭisallīyantena dvāraṃ saṃvaritvā paṭisallīyitu’’nti (pārā. 75) evamādikā vinītavatthusikkhāpadaṃ nāma. ‘‘Lohituppādako, bhikkhave, anupasampanno na upasampādetabbo, upasampanno nāsetabbo’’ti (mahāva. 114) evamādikā paṭikkhepasikkhāpadaṃ nāma. Khandhakesu paññattadukkaṭathullaccayāni paññattisikkhāpadaṃ nāma. ‘‘Yā pana bhikkhunī naccaṃ vā gītaṃ vā vāditaṃ vā dassanāya gaccheyya, pācittiya’’nti (pāci. 834) iminā vuttena ‘‘yā pana bhikkhunī nacceyya vā gāyeyya vā vādeyya vā pācittiya’’nti evamādikaṃ yaṃ kiñci aṭṭhakathāya dissamānaṃ āpattijātaṃ, vinayakammaṃ vā avuttasiddhisikkhāpadaṃ nāma. Chabbidhampetaṃ chahi kāraṇehi uddesārahaṃ na hotīti anuddesasikkhāpadaṃ nāmāti veditabbaṃ. Seyyathidaṃ – pañcahi uddesehi yathāsambhavaṃ visabhāgattā thullaccayadubbhāsitānaṃ, sabhāgavatthukampi dukkaṭathullaccayadvayaṃ asabhāgāpattikattā, antarāpattipaññattisikkhāpadānaṃ nānāvatthukāpattikattā, paṭikkhepasikkhāpadānaṃ kesañci vinītavatthupaññattisikkhāpadānañca adassitāpattikattā, adassitavatthukattā bhedānuvattakathullaccayassa, adassitāpattivatthukattā avuttasiddhisikkhāpadānanti. Ettāvatā ‘‘duvidhaṃ sikkhāpadapaññāpanaṃ uddesānuddesabhedato’’ti yaṃ vuttaṃ, taṃ samāsato pakāsitaṃ hoti.
д̇ад̇т̇а абан̃н̃ад̇д̇з сигкаабад̣̇зд̇и сауд̣̇д̣̇зсасигкаабад̣̇ам̣ санд̇хааяа вуд̇д̇анд̇и взд̣̇ид̇аб̣б̣ам̣. згажжз аажарияаа звам̣ гира ван̣н̣аяанд̇и ‘‘жад̇д̇ааро баарааж̇игаа гад̇ивассаабхисамб̣уд̣̇д̇хзна бхаг̇авад̇аа бан̃н̃ад̇д̇аад̇иаад̣̇инаа бужчам̣ гад̇ваа д̇зсу батамабаарааж̇иго взсаалияам̣ бан̃н̃ад̇д̇о бан̃жавассаабхисамб̣уд̣̇д̇хзна хзманд̇аанам̣ батамз маасз д̣̇уд̇ияз багкз д̣̇асамз д̣̇ивасз ад̣дхад̇зяяаборисааяа чааяааяа бурад̇т̇аабхимукзна нисиннзна ад̣дхад̇зрасаанам̣ бхигкусад̇аанам̣ маж̇жхз суд̣̇иннам̣ галанд̣̇абуд̇д̇ам̣ аараб̣бха бан̃н̃ад̇д̇о’’д̇и, д̇ам̣ на яуж̇ж̇ад̇и, гасмаа? –
Tattha apaññatte sikkhāpadeti sauddesasikkhāpadaṃ sandhāya vuttanti veditabbaṃ. Ekacce ācariyā evaṃ kira vaṇṇayanti ‘‘cattāro pārājikā kativassābhisambuddhena bhagavatā paññattātiādinā pucchaṃ katvā tesu paṭhamapārājiko vesāliyaṃ paññatto pañcavassābhisambuddhena hemantānaṃ paṭhame māse dutiye pakkhe dasame divase aḍḍhateyyaporisāya chāyāya puratthābhimukhena nisinnena aḍḍhaterasānaṃ bhikkhusatānaṃ majjhe sudinnaṃ kalandaputtaṃ ārabbha paññatto’’ti, taṃ na yujjati, kasmā? –
яасмаа д̣̇ваад̣̇асамам̣ вассам̣, взран̃ж̇ааяам̣ васи ж̇ино;
Yasmā dvādasamaṃ vassaṃ, verañjāyaṃ vasi jino;
д̇асмин̃жа суд̣̇д̇хо сан̇гход̇и, нзва баарааж̇игам̣ д̇ад̣̇аа.
Tasmiñca suddho saṅghoti, neva pārājikaṃ tadā.
т̇зрасса саарибуд̇д̇асса, сигкаабан̃н̃ад̇д̇ияаажанаа;
Therassa sāriputtassa, sikkhāpaññattiyācanā;
д̇асмим̣ сид̣̇д̇хаад̇и сид̣̇д̇хаава, г̇аругаабад̇д̇и но д̇ад̣̇аа.
Tasmiṃ siddhāti siddhāva, garukāpatti no tadā.
оваад̣̇абаад̇имогкан̃жа, гим̣ сад̇т̇аа жад̇увассиго;
Ovādapātimokkhañca, kiṃ satthā catuvassiko;
бадигкиби гимаан̣ан̃жа, самад̇д̇ам̣ ануж̇аани со.
Paṭikkhipi kimāṇañca, samattaṃ anujāni so.
аж̇аад̇асад̇д̇ум̣ ниссааяа, сан̇гхабхзд̣̇амагааси яам̣;
Ajātasattuṃ nissāya, saṅghabhedamakāsi yaṃ;
д̣̇звад̣̇ад̇д̇о д̇ад̇о сан̇гха-бхзд̣̇о бажчимаб̣од̇хияам̣.
Devadatto tato saṅgha-bhedo pacchimabodhiyaṃ.
аараад̇хаяим̣су мам̣ буб̣б̣з, бхигкууд̇и мунибхаасид̇ам̣;
Ārādhayiṃsu maṃ pubbe, bhikkhūti munibhāsitaṃ;
суд̇д̇амзва бамаан̣ам̣ но, сова гаало анаббагод̇и.
Suttameva pamāṇaṃ no, sova kālo anappakoti.
яам̣ бана вуд̇д̇ам̣ ‘‘ат̇а бхаг̇аваа аж̇жхаажаарам̣ абассанд̇о баарааж̇игам̣ ваа сан̇гхаад̣̇исзсам̣ ваа на бан̃н̃абзсий’’д̇и, д̇ам̣ сагаласигкаабад̣̇ам̣ санд̇хааяааха. на гзвалам̣ сауд̣̇д̣̇зсасигкаабад̣̇амад̇д̇ам̣, д̇зна сауд̣̇д̣̇зсаануд̣̇д̣̇зсабан̃н̃ад̇д̇ибхзд̣̇ам̣ сагалам̣ баарааж̇игам̣ санд̇хааяаахаад̇и вуд̇д̇ам̣ ход̇и. гин̃жааби наабхибараамасанамби гааяасам̣саг̇г̇о, д̇ат̇ааби зд̇ам̣ висзсанияаманад̇о, ажчанд̣̇арааг̇аад̇хиббааяад̇о жа висум̣ вуд̇д̇ам̣. чанд̣̇арааг̇арад̇д̇ассзва хи гааяасам̣саг̇г̇о ид̇хаад̇хиббзд̇о. асужибаанз бана хад̇т̇инияаа д̇аабасабассаавабаанзна ваалагааб̣яо наама уббаж̇ж̇ад̇и, ваалагааб̣яасса вад̇т̇у вад̇д̇аб̣б̣ам̣. ман̣д̣аб̣яасса наабхияаа бараамасанзнзва гира. руубад̣̇ассанз бана взж̇ж̇агаа ааху –
Yaṃ pana vuttaṃ ‘‘atha bhagavā ajjhācāraṃ apassanto pārājikaṃ vā saṅghādisesaṃ vā na paññapesī’’ti, taṃ sakalasikkhāpadaṃ sandhāyāha. Na kevalaṃ sauddesasikkhāpadamattaṃ, tena sauddesānuddesapaññattibhedaṃ sakalaṃ pārājikaṃ sandhāyāhāti vuttaṃ hoti. Kiñcāpi nābhiparāmasanampi kāyasaṃsaggo, tathāpi etaṃ visesaniyamanato, acchandarāgādhippāyato ca visuṃ vuttaṃ. Chandarāgarattasseva hi kāyasaṃsaggo idhādhippeto. Asucipāne pana hatthiniyā tāpasapassāvapānena vālakābyo nāma uppajjati, vālakābyassa vatthu vattabbaṃ. Maṇḍabyassa nābhiyā parāmasaneneva kira. Rūpadassane pana vejjakā āhu –
‘‘т̇ийнам̣ санд̣̇ассанаа суггам̣, гад̣̇аажи жалид̇оварз;
‘‘Thīnaṃ sandassanā sukkaṃ, kadāci calitovare;
д̇ам̣ г̇аамад̇хаммагаран̣ам̣, д̣̇ваяасамам̣ сан̇г̇амияа;
Taṃ gāmadhammakaraṇaṃ, dvayasamaṃ saṅgamiya;
г̇аб̣бхаад̣̇ийд̇и аяам̣ наяо, т̇ийнам̣ бурисад̣̇ассанаасийд̇яуубанзяяа’’.
Gabbhādīti ayaṃ nayo, thīnaṃ purisadassanāsītyūpaneyya’’.
д̇ат̇аабяааху –
Tathāpyāhu –
‘‘бубпигз зд̇хияяа суд̣̇д̇хз, бассам̣ наран̃жа ид̇т̇и д̇ам̣;
‘‘Pupphike edhiyya suddhe, passaṃ narañca itthi taṃ;
г̇аб̣бхан̃жа наязд̇яуд̇д̇а-мид̇и д̇асмаа гаасо ид̇ий’’д̇и.
Gabbhañca nayetyutta-miti tasmā kāso itī’’ti.
рааж̇ород̇хо вияаад̇и сийхал̣ад̣̇ийбз згиссаа ид̇т̇ияаа д̇ат̇аа ахоси, д̇асмаа гира звам̣ вуд̇д̇ам̣. гин̃жааби яаава б̣рахмалогаа сад̣̇д̣̇о аб̣бхуг̇г̇ажчи, на д̇ам̣ мануссаанам̣ висаяо ахоси д̇зсам̣ руубам̣ вияа. д̇знзва бхигкуу бужчим̣су ‘‘гажжи но д̇вам̣ аавусо суд̣̇инна анабхирад̇о’’д̇и.
Rājorodho viyāti sīhaḷadīpe ekissā itthiyā tathā ahosi, tasmā kira evaṃ vuttaṃ. Kiñcāpi yāva brahmalokā saddo abbhuggacchi, na taṃ manussānaṃ visayo ahosi tesaṃ rūpaṃ viya. Teneva bhikkhū pucchiṃsu ‘‘kacci no tvaṃ āvuso sudinna anabhirato’’ti.
39. галийд̇и год̇хо, д̇асса саасанам̣ галисаасанам̣, галахо. г̇аамад̇хамманд̇и зд̇т̇а ж̇анабад̣̇ад̇хаммам̣ ж̇анабад̣̇аваасийнам̣ сид̣̇д̇хим̣. ад̇д̇аад̇и жид̇д̇ам̣, сарийран̃жа. асуд̇д̇анд̇авиниб̣ад̣̇д̇ханд̇и винаяасуд̇д̇з анааг̇ад̇ам̣, суд̇д̇аабхид̇хаммзсуби анааг̇ад̇ам̣, баал̣ивинимуд̇д̇анд̇и ад̇т̇о. гусумамааланд̇и наанааг̇ун̣ам̣ санд̇хааяааха. рад̇анад̣̇ааманд̇и ад̇т̇асамбад̇д̇им̣ санд̇хааяа вад̣̇ад̇и. бадигкибанаад̇хиббааяаа бхад̣̇д̣̇аали вияа. бад̣̇анируд̇д̇иб̣яан̃ж̇анаани наамавзважанаанзва ‘‘наамам̣ наамагаммам̣ наамад̇хзяяам̣ нируд̇д̇ий’’д̇иаад̣̇ийсу (д̇ха. са. 1315) вияа. ниббарияааязна вирад̇и сигкаабад̣̇ам̣ наама. агусалабагкз д̣̇уссийляам̣ наама жзд̇анаа. гусалабагкзби жзд̇анаабарияааяад̇о вибхан̇г̇з ‘‘сигкаабад̣̇а’’нд̇и вуд̇д̇ам̣. сан̇гхасудтуд̇ааяаад̇и зд̇т̇а логаваж̇ж̇асса бан̃н̃аабанз сан̇гхасудтуд̇аа ход̇и баагадаад̣̇ийнавад̇о. бан̃н̃ад̇д̇иваж̇ж̇асса бан̃н̃аабанз сан̇гхапаасуд̇аа ход̇и баагадаанисам̣сад̇д̇аа. д̇ад̇т̇а батамзна д̣̇умман̇гуунам̣ ниг̇г̇ахо, д̣̇уд̇иязна бзсалаанам̣ паасувихааро. батамзна самбарааяигаанам̣ аасаваанам̣ бадигхаад̇о, д̣̇уд̇иязна д̣̇идтад̇хаммигаанам̣. д̇ат̇аа батамзна аббасаннаанам̣ басаад̣̇о, д̣̇уд̇иязна басаннаанам̣ бхияяобхааво. ‘‘буб̣б̣з гад̇абун̃н̃ад̇ааяа жод̣̇ияамаанасса бхаб̣б̣агулабуд̇д̇ассаа’’д̇и вуд̇д̇ад̇д̇аа ‘‘суд̣̇инно д̇ам̣ гуггужжам̣ винод̣̇зд̇ваа арахад̇д̇ам̣ сажчаагааси, д̇знзва баб̣б̣аж̇ж̇аа анун̃н̃аад̇аа’’д̇и вад̣̇анд̇и, убабаригкид̇аб̣б̣ам̣. д̇ат̇аа батамзна сад̣̇д̇хаммадтид̇и, д̣̇уд̇иязна винаяаануг̇г̇ахо ход̇ийд̇и взд̣̇ид̇аб̣б̣о.
39.Kalīti kodho, tassa sāsanaṃ kalisāsanaṃ, kalaho. Gāmadhammanti ettha janapadadhammaṃ janapadavāsīnaṃ siddhiṃ. Attāti cittaṃ, sarīrañca. Asuttantavinibaddhanti vinayasutte anāgataṃ, suttābhidhammesupi anāgataṃ, pāḷivinimuttanti attho. Kusumamālanti nānāguṇaṃ sandhāyāha. Ratanadāmanti atthasampattiṃ sandhāya vadati. Paṭikkhipanādhippāyā bhaddāli viya. Padaniruttibyañjanāni nāmavevacanāneva ‘‘nāmaṃ nāmakammaṃ nāmadheyyaṃ niruttī’’tiādīsu (dha. sa. 1315) viya. Nippariyāyena virati sikkhāpadaṃ nāma. Akusalapakkhe dussīlyaṃ nāma cetanā. Kusalapakkhepi cetanāpariyāyato vibhaṅge ‘‘sikkhāpada’’nti vuttaṃ. Saṅghasuṭṭhutāyāti ettha lokavajjassa paññāpane saṅghasuṭṭhutā hoti pākaṭādīnavato. Paññattivajjassa paññāpane saṅghaphāsutā hoti pākaṭānisaṃsattā. Tattha paṭhamena dummaṅkūnaṃ niggaho, dutiyena pesalānaṃ phāsuvihāro. Paṭhamena samparāyikānaṃ āsavānaṃ paṭighāto, dutiyena diṭṭhadhammikānaṃ. Tathā paṭhamena appasannānaṃ pasādo, dutiyena pasannānaṃ bhiyyobhāvo. ‘‘Pubbe katapuññatāya codiyamānassa bhabbakulaputtassā’’ti vuttattā ‘‘sudinno taṃ kukkuccaṃ vinodetvā arahattaṃ sacchākāsi, teneva pabbajjā anuññātā’’ti vadanti, upaparikkhitabbaṃ. Tathā paṭhamena saddhammaṭṭhiti, dutiyena vinayānuggaho hotīti veditabbo.
абижзд̇т̇а вад̇т̇увийд̇иггамз яад̇т̇а зганд̇аагусалабхаавзна, д̇ам̣ сан̇гхасудтубхаавааяа бан̃н̃ад̇д̇ам̣ логаваж̇ж̇ад̇о, яад̇т̇а бан̃н̃ад̇д̇иж̇аананз зва ад̇т̇аабад̇д̇и, на ан̃н̃ад̣̇аа, д̇ам̣ сад̣̇д̇хаммадтид̇ияаа вааби басаад̣̇уббаад̣̇аб̣уд̣̇д̇хияаа д̇хаммад̣̇зсанаабадисам̣яуд̇д̇ам̣, ид̇аран̃жа сзкияам̣, ид̣̇ам̣ логаваж̇ж̇ам̣ наама. вад̇т̇уно бан̃н̃ад̇д̇ияаа ваа вийд̇иггамажзд̇анааяаабхаавзби бадигкид̇д̇асса гаран̣з, гад̇д̇аб̣б̣асса агаран̣з ваа сад̇и яад̇т̇а аабад̇д̇иббасан̇г̇о, д̇ам̣ саб̣б̣ам̣ табзд̇ваа сураабаанам̣ бан̣н̣ад̇д̇иваж̇ж̇анд̇и взд̣̇ид̇аб̣б̣ам̣. ааг̇анд̇угавад̇д̇ам̣, ааваасига, г̇амига, анумод̣̇ана, бхад̇д̇аг̇г̇а, бин̣д̣ажаарига, ааран̃н̃ага, сзнаасана , ж̇анд̇аагхара, важжагуди, сад̣̇д̇хивихаарига, убаж̇жхааяа, анд̇зваасига, аажарияавад̇д̇анд̇и зд̇аани аг̇г̇ахид̇аг̇г̇ахан̣анаязна г̇ан̣ияамаанаани жуд̣̇д̣̇аса, зд̇аани бана вид̇т̇аарад̇о д̣̇взасийд̇и махаавад̇д̇аани наама хонд̇и. сад̇д̇ахи аабад̇д̇игканд̇хзхи сам̣варо сам̣варавинаяо бан̃н̃ад̇д̇исигкаабад̣̇амзва. д̇ад̇т̇а бан̃н̃ад̇д̇ивинаяо самат̇авинаяад̇т̇ааяа самат̇авинаяо сам̣варавинаяад̇т̇ааяа сам̣варавинаяо бахаанавинаяад̇т̇ааяаад̇и яож̇анаа взд̣̇ид̇аб̣б̣аа. яам̣ сан̇гхасудту, д̇ам̣ сан̇гхапаасууд̇и згамива вуд̇д̇ам̣ сан̇гхасудтуд̇ааяа сад̇и сан̇гхапаасу бхависсад̇ийд̇и д̣̇ийбанад̇т̇ам̣. багарийяанд̇и зд̇т̇а д̇з д̇з баяож̇анависзсасан̇каад̇аа ад̇т̇авасаад̇и ад̇т̇авасам̣ ‘‘багаран̣а’’нд̇и вужжад̇и. д̣̇асасу бад̣̇зсу згзгам̣ муулам̣ гад̇ваа д̣̇асагкад̇д̇ум̣ яож̇анааяа бад̣̇асад̇ам̣ вуд̇д̇ам̣. д̇ад̇т̇а бажчимасса бад̣̇асса васзна ад̇т̇асад̇ам̣ буримасса васзна д̇хаммасад̇ам̣ ад̇т̇аж̇од̇игаанам̣ нируд̇д̇ийнам̣ васзна нируд̇д̇исад̇ам̣, д̇хаммабхууд̇аанам̣ нируд̇д̇ийнам̣ васзна нируд̇д̇исад̇анд̇и д̣̇вз нируд̇д̇исад̇аани, ад̇т̇асад̇з н̃аан̣асад̇ам̣, д̇хаммасад̇з н̃аан̣асад̇ам̣ д̣̇вийсу нируд̇д̇исад̇зсу д̣̇вз н̃аан̣асад̇аанийд̇и жад̇д̇аари н̃аан̣асад̇аани взд̣̇ид̇аб̣б̣аани. зд̇т̇а сан̇гхасудтуд̇аад̇и д̇хаммасан̇гхасса судтубхаавод̇и ад̇т̇о. ‘‘ад̇т̇абад̣̇аанийд̇и адтагат̇аа. д̇хаммабад̣̇аанийд̇и баал̣ий’’д̇и вуд̇д̇ам̣ гира.
Apicettha vatthuvītikkame yattha ekantākusalabhāvena, taṃ saṅghasuṭṭhubhāvāya paññattaṃ lokavajjato, yattha paññattijānane eva atthāpatti, na aññadā, taṃ saddhammaṭṭhitiyā vāpi pasāduppādabuddhiyā dhammadesanāpaṭisaṃyuttaṃ, itarañca sekhiyaṃ, idaṃ lokavajjaṃ nāma. Vatthuno paññattiyā vā vītikkamacetanāyābhāvepi paṭikkhittassa karaṇe, kattabbassa akaraṇe vā sati yattha āpattippasaṅgo, taṃ sabbaṃ ṭhapetvā surāpānaṃ paṇṇattivajjanti veditabbaṃ. Āgantukavattaṃ, āvāsika, gamika, anumodana, bhattagga, piṇḍacārika, āraññaka, senāsana , jantāghara, vaccakuṭi, saddhivihārika, upajjhāya, antevāsika, ācariyavattanti etāni aggahitaggahaṇanayena gaṇiyamānāni cuddasa, etāni pana vitthārato dveasīti mahāvattāni nāma honti. Sattahi āpattikkhandhehi saṃvaro saṃvaravinayo paññattisikkhāpadameva. Tattha paññattivinayo samathavinayatthāya samathavinayo saṃvaravinayatthāya saṃvaravinayo pahānavinayatthāyāti yojanā veditabbā. Yaṃ saṅghasuṭṭhu, taṃ saṅghaphāsūti ekamiva vuttaṃ saṅghasuṭṭhutāya sati saṅghaphāsu bhavissatīti dīpanatthaṃ. Pakarīyanti ettha te te payojanavisesasaṅkhātā atthavasāti atthavasaṃ ‘‘pakaraṇa’’nti vuccati. Dasasu padesu ekekaṃ mūlaṃ katvā dasakkhattuṃ yojanāya padasataṃ vuttaṃ. Tattha pacchimassa padassa vasena atthasataṃ purimassa vasena dhammasataṃ atthajotikānaṃ niruttīnaṃ vasena niruttisataṃ, dhammabhūtānaṃ niruttīnaṃ vasena niruttisatanti dve niruttisatāni, atthasate ñāṇasataṃ, dhammasate ñāṇasataṃ dvīsu niruttisatesu dve ñāṇasatānīti cattāri ñāṇasatāni veditabbāni. Ettha saṅghasuṭṭhutāti dhammasaṅghassa suṭṭhubhāvoti attho. ‘‘Atthapadānīti aṭṭhakathā. Dhammapadānīti pāḷī’’ti vuttaṃ kira.
мзт̇унам̣ д̇хамманд̇и звам̣ б̣ахуланаязна лад̣̇д̇ханаамагам̣ сагасамбаяог̇зна, барасамбаяог̇зна ваа ад̇д̇ано нимид̇д̇асса сагамаг̇г̇з ваа барамаг̇г̇з ваа баранимид̇д̇асса сагамаг̇г̇з зва бавзсабавидтатид̇уд̣̇д̇харан̣зсу яам̣ гин̃жи згам̣ бадисаад̣̇ияанавасзна сзвзяяа баарааж̇иго ход̇и асам̣ваасод̇и. гзжи бана ‘‘бавзсаад̣̇ийни жад̇д̇аари ваа д̇ийн̣и ваа д̣̇вз ваа згам̣ ваа бадисзвзяяа, баарааж̇иго ход̇и. вуд̇д̇ан̃хзд̇ам̣ ‘со жз бавзсанам̣ саад̣̇ияад̇и, бавидтам̣, тид̇ам̣, уд̣̇д̇харан̣ам̣ саад̣̇ияад̇и, аабад̇д̇и баарааж̇игассаа’д̇иаад̣̇ий’’д̇и (баараа. 59) вад̣̇анд̇и, д̇зсам̣ мад̇зна жад̇уусуби жад̇ассо баарааж̇игаабад̇д̇ияо аабаж̇ж̇ад̇и. д̇зязва звам̣ вад̣̇анд̇и ‘‘аабаж̇ж̇ад̇у мзт̇унад̇хаммабаарааж̇игаабад̇д̇и мзт̇унад̇хаммабаарааж̇игаабад̇д̇ияаа д̇аб̣бхааг̇ияаа’’д̇и, ‘‘ад̇д̇ано вийд̇иггамз баарааж̇игаабад̇д̇им̣, сан̇гхаад̣̇исзсаабад̇д̇ин̃жа аабаж̇ж̇ид̇ваа сигкам̣ бажжагкааяа г̇ахадтагаалз мзт̇унаад̣̇ибаарааж̇игам̣ аабаж̇ж̇ид̇ваа буна баб̣б̣аж̇ид̇ваа убасамбаж̇ж̇ид̇ваа згам̣ сан̇гхаад̣̇исзсаабад̇д̇им̣ згаманзгам̣ ваа бадигарид̇ваава со буг̇г̇ало яасмаа нираабад̇д̇иго ход̇и, д̇асмаа со г̇ахадтагаалз саабад̇д̇иговаад̇и анд̇имавад̇т̇ум̣ аж̇жхаабаннассааби ад̇т̇зва аабад̇д̇ивудтаанам̣. вудтаанад̣̇зсанаахи бана асуж̇жханад̇о ‘баяог̇з баяог̇з аабад̇д̇и баарааж̇игассаа’д̇и на вуд̇д̇ам̣ г̇ан̣анабаяож̇анаабхаавад̇о. гин̃жааби на вуд̇д̇ам̣, ат̇а ко бад̣̇абхааж̇анз ‘аабад̇д̇и баарааж̇игассаа’д̇и важанзнааяамад̇т̇о сид̣̇д̇хо’’д̇и яуд̇д̇ин̃жа вад̣̇анд̇и. яад̣̇и звам̣ маад̇игааяамби ‘‘яо бана бхигку мзт̇унам̣ д̇хаммам̣ бадисзвзяяа баарааж̇ига’’нд̇и вад̇д̇аб̣б̣ам̣ бхавзяяа, баарааж̇игасса анавасзсаважанамби на яуж̇ж̇зяяа. саб̣б̣зби хи аабад̇д̇игканд̇хз бхигкуг̇ан̣анан̃жа анавасзсзд̇ваа д̇идтад̇ийд̇и анавасзсаважананд̇и гад̇ваа бавзсзва аабад̇д̇и, на бавидтаад̣̇ийсу, д̇амзвзгам̣ санд̇хааяа ‘‘яасса сияаа аабад̇д̇ий’’д̇и баарааж̇игаабад̇д̇имби анд̇о гад̇ваа нид̣̇аануд̣̇д̣̇зсз важанам̣ взд̣̇ид̇аб̣б̣ам̣. д̇асмаа маад̇игааяам̣ ‘‘баарааж̇ига’’нд̇и авад̇ваа ‘‘баарааж̇иго ход̇ий’’д̇и буг̇г̇аланид̣̇д̣̇зсаважанам̣ д̇зна сарийраб̣анд̇ханзна убасамбад̣̇ааяа абхаб̣б̣абхаавад̣̇ийбанад̇т̇ам̣. ‘‘аабад̇д̇и баарааж̇игассаа’’д̇и бад̣̇абхааж̇анз важанам̣ анд̇имавад̇т̇ум̣ аж̇жхаабаннассааби баарааж̇игасса асам̣ваасасса сад̇о буг̇г̇аласса ат̇зяяасам̣ваасагабхаавад̣̇ийбанад̇т̇ам̣. на хи со сам̣ваасам̣ саад̣̇ияанд̇оби т̇зяяасам̣ваасаго ход̇и, д̇асмаа ‘‘убасамбанно бхигку’’д̇взва вужжад̇и. д̇знзвааха ‘‘асуд̣̇д̇хо ход̇и буг̇г̇ало ан̃н̃ад̇арам̣ баарааж̇игам̣ д̇хаммам̣ аж̇жхаабанно, д̇ан̃жз суд̣̇д̇хад̣̇идти самаано аногаасам̣ гаараабзд̇ваа аггосаад̇хиббааяо вад̣̇зд̇и, аабад̇д̇и омасаваад̣̇зна д̣̇уггадассаа’’д̇и (баараа. 389). анубасамбаннасса д̇ад̣̇абхаавад̇о сид̣̇д̇хо со ‘‘убасамбанно бхигку’’д̇взва вужжад̇ийд̇и. д̇зна бад̣̇асод̇хаммам̣ сахасзяяан̃жа на ж̇анзд̇и, бхигкубзсун̃н̃аад̣̇ин̃жа ж̇анзд̇ийд̇и взд̣̇ид̇аб̣б̣ам̣. бхигкунийнам̣ сан̇гхаад̣̇исзсзсу бана бхигкусан̇гхаад̣̇исзсад̇о вудтаанавид̇хивисзсад̣̇ассанад̇т̇ам̣ ‘‘аяамби бхигкуний…бз… аабаннаа’’д̇и (баажи. 679) буг̇г̇аланид̣̇д̣̇зсам̣ гад̇вааби баарааж̇игад̇о ад̇хиббааяанд̇арад̣̇ассанад̇т̇ам̣ ‘‘ниссааран̣ийяам̣ сан̇гхаад̣̇исзса’’нд̇и (баажи. 679) аабад̇д̇инаамаг̇г̇ахан̣ан̃жа гад̇ам̣. зд̇д̇аавад̇аа сабуг̇г̇аланид̣̇д̣̇зсз д̣̇ассид̇аад̣̇ассид̇аабад̇д̇ид̣̇угам̣ вид̇т̇аарид̇ам̣ ход̇и. абуг̇г̇аланид̣̇д̣̇зсзсу сзкиязсу аабад̇д̇ияаа д̣̇ассанагааран̣ам̣ сзкияаанам̣ адтагат̇ааяамзва вуд̇д̇ам̣. д̇ад̣̇абхаавад̇о ид̇арзсу аабад̇д̇ид̣̇ассанам̣ гад̇ам̣. абуг̇г̇аланид̣̇д̣̇зсзсуби д̣̇ассид̇аад̣̇ассид̇аабад̇д̇ид̣̇уган̃жа вид̇т̇аарид̇ам̣ ход̇ийд̇и.
Methunaṃ dhammanti evaṃ bahulanayena laddhanāmakaṃ sakasampayogena, parasampayogena vā attano nimittassa sakamagge vā paramagge vā paranimittassa sakamagge eva pavesapaviṭṭhaṭhituddharaṇesu yaṃ kiñci ekaṃ paṭisādiyanavasena seveyya pārājiko hoti asaṃvāsoti. Keci pana ‘‘pavesādīni cattāri vā tīṇi vā dve vā ekaṃ vā paṭiseveyya, pārājiko hoti. Vuttañhetaṃ ‘so ce pavesanaṃ sādiyati, paviṭṭhaṃ, ṭhitaṃ, uddharaṇaṃ sādiyati, āpatti pārājikassā’tiādī’’ti (pārā. 59) vadanti, tesaṃ matena catūsupi catasso pārājikāpattiyo āpajjati. Teyeva evaṃ vadanti ‘‘āpajjatu methunadhammapārājikāpatti methunadhammapārājikāpattiyā tabbhāgiyā’’ti, ‘‘attano vītikkame pārājikāpattiṃ, saṅghādisesāpattiñca āpajjitvā sikkhaṃ paccakkhāya gahaṭṭhakāle methunādipārājikaṃ āpajjitvā puna pabbajitvā upasampajjitvā ekaṃ saṅghādisesāpattiṃ ekamanekaṃ vā paṭikaritvāva so puggalo yasmā nirāpattiko hoti, tasmā so gahaṭṭhakāle sāpattikovāti antimavatthuṃ ajjhāpannassāpi attheva āpattivuṭṭhānaṃ. Vuṭṭhānadesanāhi pana asujjhanato ‘payoge payoge āpatti pārājikassā’ti na vuttaṃ gaṇanapayojanābhāvato. Kiñcāpi na vuttaṃ, atha kho padabhājane ‘āpatti pārājikassā’ti vacanenāyamattho siddho’’ti yuttiñca vadanti. Yadi evaṃ mātikāyampi ‘‘yo pana bhikkhu methunaṃ dhammaṃ paṭiseveyya pārājika’’nti vattabbaṃ bhaveyya, pārājikassa anavasesavacanampi na yujjeyya. Sabbepi hi āpattikkhandhe bhikkhugaṇanañca anavasesetvā tiṭṭhatīti anavasesavacananti katvā paveseva āpatti, na paviṭṭhādīsu, tamevekaṃ sandhāya ‘‘yassa siyā āpattī’’ti pārājikāpattimpi anto katvā nidānuddese vacanaṃ veditabbaṃ. Tasmā mātikāyaṃ ‘‘pārājika’’nti avatvā ‘‘pārājiko hotī’’ti puggalaniddesavacanaṃ tena sarīrabandhanena upasampadāya abhabbabhāvadīpanatthaṃ. ‘‘Āpatti pārājikassā’’ti padabhājane vacanaṃ antimavatthuṃ ajjhāpannassāpi pārājikassa asaṃvāsassa sato puggalassa atheyyasaṃvāsakabhāvadīpanatthaṃ. Na hi so saṃvāsaṃ sādiyantopi theyyasaṃvāsako hoti, tasmā ‘‘upasampanno bhikkhu’’tveva vuccati. Tenevāha ‘‘asuddho hoti puggalo aññataraṃ pārājikaṃ dhammaṃ ajjhāpanno, tañce suddhadiṭṭhi samāno anokāsaṃ kārāpetvā akkosādhippāyo vadeti, āpatti omasavādena dukkaṭassā’’ti (pārā. 389). Anupasampannassa tadabhāvato siddho so ‘‘upasampanno bhikkhu’’tveva vuccatīti. Tena padasodhammaṃ sahaseyyañca na janeti, bhikkhupesuññādiñca janetīti veditabbaṃ. Bhikkhunīnaṃ saṅghādisesesu pana bhikkhusaṅghādisesato vuṭṭhānavidhivisesadassanatthaṃ ‘‘ayampi bhikkhunī…pe… āpannā’’ti (pāci. 679) puggalaniddesaṃ katvāpi pārājikato adhippāyantaradassanatthaṃ ‘‘nissāraṇīyaṃ saṅghādisesa’’nti (pāci. 679) āpattināmaggahaṇañca kataṃ. Ettāvatā sapuggalaniddese dassitādassitāpattidukaṃ vitthāritaṃ hoti. Apuggalaniddesesu sekhiyesu āpattiyā dassanakāraṇaṃ sekhiyānaṃ aṭṭhakathāyameva vuttaṃ. Tadabhāvato itaresu āpattidassanaṃ kataṃ. Apuggalaniddesesupi dassitādassitāpattidukañca vitthāritaṃ hotīti.
батамабан̃н̃ад̇д̇игат̇ааван̣н̣анаа нидтид̇аа.
Paṭhamapaññattikathāvaṇṇanā niṭṭhitā.
суд̣̇иннабхаан̣аваарам̣ нидтид̇ам̣.
Sudinnabhāṇavāraṃ niṭṭhitaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. батамабаарааж̇игам̣ • 1. Paṭhamapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 1. батамабаарааж̇игам̣ • 1. Paṭhamapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / суд̣̇иннабхаан̣аваараван̣н̣анаа • Sudinnabhāṇavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / суд̣̇иннабхаан̣аваараван̣н̣анаа • Sudinnabhāṇavāravaṇṇanā
