| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
4. суг̇анд̇хад̇т̇зраг̇аат̇ааван̣н̣анаа
4. Sugandhattheragāthāvaṇṇanā
анувассиго баб̣б̣аж̇ид̇од̇и ааяасмад̇о суг̇анд̇хад̇т̇зрасса г̇аат̇аа. гаа уббад̇д̇и? со гира ид̇о д̣̇ваанавуд̇з габбз д̇иссасса наама саммаасамб̣уд̣̇д̇хасса гаалз мануссаяонияам̣ ниб̣б̣ад̇д̇ид̇ваа вин̃н̃уд̇ам̣ бад̇д̇о миг̇аб̣яад̇ханзна аран̃н̃з вижарад̇и. сад̇т̇аа д̇асса анугамбааяа бад̣̇авал̣ан̃ж̇ам̣ д̣̇ассзд̇ваа г̇ад̇о. со сад̇т̇у бад̣̇ажзд̇ияаани д̣̇исваа буримаб̣уд̣̇д̇хзсу гад̇аад̇хигаарад̇ааяа ‘‘сад̣̇звагз логз аг̇г̇абуг̇г̇аласса имаани бад̣̇ааний’’д̇и бийд̇исоманассаж̇аад̇о горан̣д̣агабубпаани г̇ахзд̇ваа бууж̇ам̣ гад̇ваа жид̇д̇ам̣ басаад̣̇зси. со д̇зна бун̃н̃агаммзна д̣̇звалогз ниб̣б̣ад̇д̇ид̇ваа д̇ад̇о жуд̇о абараабарам̣ бун̃н̃аани гад̇ваа д̣̇звамануссзсу сам̣саранд̇о гассабасса бхаг̇авад̇о гаалз гудумб̣иго худ̇ваа сад̇т̇у бхигкусан̇гхасса жа махаад̣̇аанам̣ бавад̇д̇зд̇ваа г̇анд̇хагудим̣ махаг̇гхаг̇осид̇ажанд̣̇анам̣ бисид̇ваа д̇зна барибхан̣д̣ам̣ гад̇ваа бад̇т̇анам̣ бадтабзси – ‘‘ниб̣б̣ад̇д̇аниб̣б̣ад̇д̇адтаанз маяхам̣ сарийрам̣ звам̣суг̇анд̇хам̣ ход̇уу’’д̇и. звам̣ ан̃н̃ааниби д̇ад̇т̇а д̇ад̇т̇а бхавз б̣ахууни бун̃н̃агаммаани гад̇ваа суг̇ад̇ийсу зва баривад̇д̇амаано имасмим̣ б̣уд̣̇д̇хуббаад̣̇з саавад̇т̇ияам̣ вибхавасамбаннасса б̣раахман̣асса г̇зхз ниб̣б̣ад̇д̇и. ниб̣б̣ад̇д̇асса жа д̇асса маад̇угужчиг̇ад̇агаалад̇о бадтааяа маад̇у сарийрам̣ сагаламби г̇зхам̣ сурабхиг̇анд̇хам̣ вааяад̇и. ж̇аад̇ад̣̇ивасз бана висзсад̇о барамасуг̇анд̇хам̣ сааманд̇аг̇зхзсуби вааяад̇зва. д̇асса маад̇аабид̇аро ‘‘амхаагам̣ буд̇д̇о ад̇д̇анаава ад̇д̇ано наамам̣ г̇ахзд̇ваа ааг̇ад̇о’’д̇и суг̇анд̇ход̇взва наамам̣ агам̣су. со анубуб̣б̣зна ваяаббад̇д̇о махаасзлад̇т̇зрам̣ д̣̇исваа д̇асса санд̇игз д̇хаммам̣ суд̇ваа баб̣б̣аж̇ид̇ваа вибассанааяа гаммам̣ гаронд̇о сад̇д̇аахаб̣бханд̇арз зва арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 2.50.15-24) –
Anuvassiko pabbajitoti āyasmato sugandhattherassa gāthā. Kā uppatti? So kira ito dvānavute kappe tissassa nāma sammāsambuddhassa kāle manussayoniyaṃ nibbattitvā viññutaṃ patto migabyadhanena araññe vicarati. Satthā tassa anukampāya padavaḷañjaṃ dassetvā gato. So satthu padacetiyāni disvā purimabuddhesu katādhikāratāya ‘‘sadevake loke aggapuggalassa imāni padānī’’ti pītisomanassajāto koraṇḍakapupphāni gahetvā pūjaṃ katvā cittaṃ pasādesi. So tena puññakammena devaloke nibbattitvā tato cuto aparāparaṃ puññāni katvā devamanussesu saṃsaranto kassapassa bhagavato kāle kuṭumbiko hutvā satthu bhikkhusaṅghassa ca mahādānaṃ pavattetvā gandhakuṭiṃ mahagghagositacandanaṃ pisitvā tena paribhaṇḍaṃ katvā patthanaṃ paṭṭhapesi – ‘‘nibbattanibbattaṭṭhāne mayhaṃ sarīraṃ evaṃsugandhaṃ hotū’’ti. Evaṃ aññānipi tattha tattha bhave bahūni puññakammāni katvā sugatīsu eva parivattamāno imasmiṃ buddhuppāde sāvatthiyaṃ vibhavasampannassa brāhmaṇassa gehe nibbatti. Nibbattassa ca tassa mātukucchigatakālato paṭṭhāya mātu sarīraṃ sakalampi gehaṃ surabhigandhaṃ vāyati. Jātadivase pana visesato paramasugandhaṃ sāmantagehesupi vāyateva. Tassa mātāpitaro ‘‘amhākaṃ putto attanāva attano nāmaṃ gahetvā āgato’’ti sugandhotveva nāmaṃ akaṃsu. So anupubbena vayappatto mahāselattheraṃ disvā tassa santike dhammaṃ sutvā pabbajitvā vipassanāya kammaṃ karonto sattāhabbhantare eva arahattaṃ pāpuṇi. Tena vuttaṃ apadāne (apa. thera 2.50.15-24) –
‘‘ванагаммиго бурз аасим̣, бид̇умаад̇умад̇знахам̣;
‘‘Vanakammiko pure āsiṃ, pitumātumatenahaṃ;
басумаарзна ж̇ийваами, гусалам̣ мз на виж̇ж̇ад̇и.
Pasumārena jīvāmi, kusalaṃ me na vijjati.
‘‘мама аасаяасааманд̇аа, д̇иссо логаг̇г̇анааяаго;
‘‘Mama āsayasāmantā, tisso lokagganāyako;
бад̣̇аани д̇ийн̣и д̣̇ассзси, анугамбааяа жагкумаа.
Padāni tīṇi dassesi, anukampāya cakkhumā.
‘‘агганд̇з жа бад̣̇з д̣̇исваа, д̇иссанаамасса сад̇т̇уно;
‘‘Akkante ca pade disvā, tissanāmassa satthuno;
хадто хадтзна жид̇д̇зна, бад̣̇з жид̇д̇ам̣ басаад̣̇аяим̣.
Haṭṭho haṭṭhena cittena, pade cittaṃ pasādayiṃ.
‘‘горан̣д̣ам̣ бубпид̇ам̣ д̣̇исваа, баад̣̇абам̣ д̇харан̣ийрухам̣;
‘‘Koraṇḍaṃ pupphitaṃ disvā, pādapaṃ dharaṇīruhaṃ;
сагосагам̣ г̇ахзд̇ваана, бад̣̇асздтам̣ абууж̇аяим̣.
Sakosakaṃ gahetvāna, padaseṭṭhaṃ apūjayiṃ.
‘‘д̇зна гаммзна сугад̇зна, жзд̇анаабан̣ид̇хийхи жа;
‘‘Tena kammena sukatena, cetanāpaṇidhīhi ca;
ж̇ахид̇ваа маанусам̣ д̣̇зхам̣, д̇аавад̇им̣самаг̇ажчахам̣.
Jahitvā mānusaṃ dehaṃ, tāvatiṃsamagacchahaṃ.
‘‘яам̣ яам̣ яонубабаж̇ж̇аами, д̣̇звад̇д̇ам̣ ат̇а маанусам̣;
‘‘Yaṃ yaṃ yonupapajjāmi, devattaṃ atha mānusaṃ;
горан̣д̣агачавий хоми, суббабхаасо бхаваамахам̣.
Koraṇḍakachavī homi, suppabhāso bhavāmahaṃ.
‘‘д̣̇взнавуд̇з ид̇о габбз, яам̣ гаммамагарим̣ д̇ад̣̇аа;
‘‘Dvenavute ito kappe, yaṃ kammamakariṃ tadā;
д̣̇уг̇г̇ад̇им̣ наабхиж̇аанаами, бад̣̇абууж̇ааяид̣̇ам̣ палам̣.
Duggatiṃ nābhijānāmi, padapūjāyidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа ан̃н̃ам̣ б̣яаагаронд̇о ‘‘анувассиго баб̣б̣аж̇ид̇о’’д̇и имам̣ г̇аат̇ам̣ абхааси.
Arahattaṃ pana patvā aññaṃ byākaronto ‘‘anuvassiko pabbajito’’ti imaṃ gāthaṃ abhāsi.
24. д̇ад̇т̇а анувассигод̇и ануг̇ад̇о убаг̇ад̇о вассам̣ анувассо, анувассова анувассиго. баб̣б̣аж̇ид̇од̇и баб̣б̣аж̇ж̇ам̣ убаг̇ад̇о, баб̣б̣аж̇ид̇о худ̇ваа убаг̇ад̇авассамад̇д̇о згавассигод̇и ад̇т̇о. ат̇а ваа ануг̇ад̇ам̣ бажчааг̇ад̇ам̣ абаг̇ад̇ам̣ вассам̣ анувассам̣, д̇ам̣ асса ад̇т̇ийд̇и анувассиго. яасса баб̣б̣аж̇ид̇асса вассам̣ абарибун̣н̣ад̇ааяа на г̇ан̣ануубаг̇ад̇ам̣, со звам̣ вуд̇д̇о, д̇асмаа авассигод̇и вуд̇д̇ам̣ ход̇и. басса д̇хаммасуд̇хаммад̇анд̇и д̇ава сад̇т̇у д̇хаммасса суд̇хаммабхаавам̣ сваагкаад̇ад̇ам̣ зганд̇анияяаанигад̇ам̣ басса, яад̇т̇а анувассиго д̇увам̣ баб̣б̣аж̇ид̇о. буб̣б̣зниваасан̃аан̣ам̣ д̣̇иб̣б̣ажагкун̃аан̣ам̣ аасавагкаяан̃аан̣анд̇и д̇иссо виж̇ж̇аа д̇аяаа ануббад̇д̇аа сажчигад̇аа, д̇ад̇о зва гад̇ам̣ б̣уд̣̇д̇хасса саасанам̣ саммаасамб̣уд̣̇д̇хасса саасанам̣ анусидти оваад̣̇о анусигкид̇од̇и гад̇агижжад̇ам̣ ниссааяа бийд̇исоманассаж̇аад̇о т̇зро ад̇д̇аанам̣ барам̣ вияа гад̇ваа вад̣̇ад̇ийд̇и.
24. Tattha anuvassikoti anugato upagato vassaṃ anuvasso, anuvassova anuvassiko. Pabbajitoti pabbajjaṃ upagato, pabbajito hutvā upagatavassamatto ekavassikoti attho. Atha vā anugataṃ pacchāgataṃ apagataṃ vassaṃ anuvassaṃ, taṃ assa atthīti anuvassiko. Yassa pabbajitassa vassaṃ aparipuṇṇatāya na gaṇanūpagataṃ, so evaṃ vutto, tasmā avassikoti vuttaṃ hoti. Passa dhammasudhammatanti tava satthu dhammassa sudhammabhāvaṃ svākkhātataṃ ekantaniyyānikataṃ passa, yattha anuvassiko tuvaṃ pabbajito. Pubbenivāsañāṇaṃ dibbacakkhuñāṇaṃ āsavakkhayañāṇanti tisso vijjā tayā anuppattā sacchikatā, tato eva kataṃ buddhassa sāsanaṃ sammāsambuddhassa sāsanaṃ anusiṭṭhi ovādo anusikkhitoti katakiccataṃ nissāya pītisomanassajāto thero attānaṃ paraṃ viya katvā vadatīti.
суг̇анд̇хад̇т̇зраг̇аат̇ааван̣н̣анаа нидтид̇аа.
Sugandhattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 4. суг̇анд̇хад̇т̇зраг̇аат̇аа • 4. Sugandhattheragāthā
