| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
10. ஸுக³தவினயஸுத்தவண்ணனா
10. Sugatavinayasuttavaṇṇanā
160. த³ஸமே து³க்³க³ஹிதந்தி உப்படிபாடியா க³ஹிதங். பரியாபுணந்தீதி வளஞ்ஜெந்தி கதெ²ந்தி. பத³ப்³யஞ்ஜனேஹீதி எத்த² பத³மேவ அத்த²ஸ்ஸ ப்³யஞ்ஜனதோ ப்³யஞ்ஜனந்தி வுத்தங். து³ன்னிக்கி²த்தஸ்ஸாதி து³ட்டு² நிக்கி²த்தஸ்ஸ உப்படிபாடியா ட²பிதஸ்ஸ. அத்தோ²பி து³ன்னயோ ஹோதீதி அட்ட²கதா² நீஹரித்வா கதே²துங் ந ஸக்கா ஹோதி. சி²ன்னமூலகோதி மூலபூ⁴தானங் பி⁴க்கூ²னங் உபச்சி²ன்னத்தா சி²ன்னமூலகோ. அப்படிஸரணோதி அப்பதிட்டோ². பா³ஹுலிகாதி பச்சயபா³ஹுல்லாய படிபன்னா. ஸாத²லிகாதி திஸ்ஸோ ஸிக்கா² ஸிதி²லக்³க³ஹணேன க³ண்ஹனகா. ஓக்கமனே புப்³ப³ங்க³மாதி பஞ்ச நீவரணானி அவக³மனதோ ஓக்கமனந்தி வுச்சந்தி, தத்த² புப்³ப³ங்க³மாதி அத்தோ². பவிவேகேதி திவிதே⁴ விவேகே. நிக்கி²த்தது⁴ராதி நிப்³பீ³ரியா. இமினா நயேன பன ஸப்³ப³த்த² அத்தோ² வேதி³தப்³போ³.
160. Dasame duggahitanti uppaṭipāṭiyā gahitaṃ. Pariyāpuṇantīti vaḷañjenti kathenti. Padabyañjanehīti ettha padameva atthassa byañjanato byañjananti vuttaṃ. Dunnikkhittassāti duṭṭhu nikkhittassa uppaṭipāṭiyā ṭhapitassa. Atthopi dunnayo hotīti aṭṭhakathā nīharitvā kathetuṃ na sakkā hoti. Chinnamūlakoti mūlabhūtānaṃ bhikkhūnaṃ upacchinnattā chinnamūlako. Appaṭisaraṇoti appatiṭṭho. Bāhulikāti paccayabāhullāya paṭipannā. Sāthalikāti tisso sikkhā sithilaggahaṇena gaṇhanakā. Okkamanepubbaṅgamāti pañca nīvaraṇāni avagamanato okkamananti vuccanti, tattha pubbaṅgamāti attho. Paviveketi tividhe viveke. Nikkhittadhurāti nibbīriyā. Iminā nayena pana sabbattha attho veditabbo.
இந்த்³ரியவக்³கோ³ பட²மோ.
Indriyavaggo paṭhamo.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 10. ஸுக³தவினயஸுத்தங் • 10. Sugatavinayasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 10. ஸுக³தவினயஸுத்தவண்ணனா • 10. Sugatavinayasuttavaṇṇanā
