| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
10. ஸுக³தவினயஸுத்தவண்ணனா
10. Sugatavinayasuttavaṇṇanā
160. த³ஸமே வளஞ்ஜெந்தீதி ஸஜ்ஜா²யந்தி சேவ வாசுக்³க³தங் கரொந்தா தா⁴ரெந்தி ச. அவிக³ததண்ஹதாய தங் தங் பரிக்கா²ரஜாதங் ப³ஹும்பி ஆதி³யந்தீதி ப³ஹுலா, தே ஏவ பா³ஹுலிகா யதா² ‘‘வேனயிகோ’’தி (ம॰ நி॰ 1.246; அ॰ நி॰ 8.11; பாரா॰ 8). தே பன யஸ்மா பச்சயப³ஹுலபா⁴வா யுத்தப்பயுத்தா நாம ஹொந்தி, தஸ்மா ஆஹ ‘‘பச்சயபா³ஹுல்லாய படிபன்னா’’தி. ஸிதி²லங் க³ண்ஹந்தீதி ஸாத²லிகா, ஸிக்கா²ய ஆத³ரகா³ரவாபா⁴வேன ஸிதி²லங் அத³ள்ஹங் க³ண்ஹந்தீதி அத்தோ². ஸிதி²லந்தி ச பா⁴வனபுங்ஸகனித்³தே³ஸோ, ஸிதி²ல-ஸத்³தே³ன வா ஸமானத்த²ஸ்ஸ ஸாத²லஸத்³த³ஸ்ஸ வஸேன ஸாத²லிகாதி பத³ஸித்³தி⁴ வேதி³தப்³பா³. அவக³மனதோதி அதோ⁴க³மனதோ, ஓரம்பா⁴கி³யபா⁴வதோதி அத்தோ². நிப்³பீ³ரியாதி உஜ்ஜி²துஸ்ஸாஹா தத³தி⁴க³மாய ஆரம்ப⁴ம்பி அகுருமானா.
160. Dasame vaḷañjentīti sajjhāyanti ceva vācuggataṃ karontā dhārenti ca. Avigatataṇhatāya taṃ taṃ parikkhārajātaṃ bahumpi ādiyantīti bahulā, te eva bāhulikā yathā ‘‘venayiko’’ti (ma. ni. 1.246; a. ni. 8.11; pārā. 8). Te pana yasmā paccayabahulabhāvā yuttappayuttā nāma honti, tasmā āha ‘‘paccayabāhullāya paṭipannā’’ti. Sithilaṃ gaṇhantīti sāthalikā, sikkhāya ādaragāravābhāvena sithilaṃ adaḷhaṃ gaṇhantīti attho. Sithilanti ca bhāvanapuṃsakaniddeso, sithila-saddena vā samānatthassa sāthalasaddassa vasena sāthalikāti padasiddhi veditabbā. Avagamanatoti adhogamanato, orambhāgiyabhāvatoti attho. Nibbīriyāti ujjhitussāhā tadadhigamāya ārambhampi akurumānā.
ஸுக³தவினயஸுத்தவண்ணனா நிட்டி²தா.
Sugatavinayasuttavaṇṇanā niṭṭhitā.
இந்த்³ரியவக்³க³வண்ணனா நிட்டி²தா.
Indriyavaggavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 10. ஸுக³தவினயஸுத்தங் • 10. Sugatavinayasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 10. ஸுக³தவினயஸுத்தவண்ணனா • 10. Sugatavinayasuttavaṇṇanā
