| Library / Tipiṭaka / তিপিটক • Tipiṭaka / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) |
১০. সুগতৰিনযসুত্তৰণ্ণনা
10. Sugatavinayasuttavaṇṇanā
১৬০. দসমে দুগ্গহিতন্তি উপ্পটিপাটিযা গহিতং। পরিযাপুণন্তীতি ৰল়ঞ্জেন্তি কথেন্তি। পদব্যঞ্জনেহীতি এত্থ পদমেৰ অত্থস্স ব্যঞ্জনতো ব্যঞ্জনন্তি ৰুত্তং। দুন্নিক্খিত্তস্সাতি দুট্ঠু নিক্খিত্তস্স উপ্পটিপাটিযা ঠপিতস্স। অত্থোপি দুন্নযো হোতীতি অট্ঠকথা নীহরিত্ৰা কথেতুং ন সক্কা হোতি। ছিন্নমূলকোতি মূলভূতানং ভিক্খূনং উপচ্ছিন্নত্তা ছিন্নমূলকো। অপ্পটিসরণোতি অপ্পতিট্ঠো। বাহুলিকাতি পচ্চযবাহুল্লায পটিপন্না। সাথলিকাতি তিস্সো সিক্খা সিথিলগ্গহণেন গণ্হনকা। ওক্কমনে পুব্বঙ্গমাতি পঞ্চ নীৰরণানি অৰগমনতো ওক্কমনন্তি ৰুচ্চন্তি, তত্থ পুব্বঙ্গমাতি অত্থো। পৰিৰেকেতি তিৰিধে ৰিৰেকে। নিক্খিত্তধুরাতি নিব্বীরিযা। ইমিনা নযেন পন সব্বত্থ অত্থো ৰেদিতব্বো।
160. Dasame duggahitanti uppaṭipāṭiyā gahitaṃ. Pariyāpuṇantīti vaḷañjenti kathenti. Padabyañjanehīti ettha padameva atthassa byañjanato byañjananti vuttaṃ. Dunnikkhittassāti duṭṭhu nikkhittassa uppaṭipāṭiyā ṭhapitassa. Atthopi dunnayo hotīti aṭṭhakathā nīharitvā kathetuṃ na sakkā hoti. Chinnamūlakoti mūlabhūtānaṃ bhikkhūnaṃ upacchinnattā chinnamūlako. Appaṭisaraṇoti appatiṭṭho. Bāhulikāti paccayabāhullāya paṭipannā. Sāthalikāti tisso sikkhā sithilaggahaṇena gaṇhanakā. Okkamanepubbaṅgamāti pañca nīvaraṇāni avagamanato okkamananti vuccanti, tattha pubbaṅgamāti attho. Paviveketi tividhe viveke. Nikkhittadhurāti nibbīriyā. Iminā nayena pana sabbattha attho veditabbo.
ইন্দ্রিযৰগ্গো পঠমো।
Indriyavaggo paṭhamo.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ১০. সুগতৰিনযসুত্তং • 10. Sugatavinayasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১০. সুগতৰিনযসুত্তৰণ্ণনা • 10. Sugatavinayasuttavaṇṇanā
