| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
10. суг̇ад̇авинаяасуд̇д̇аван̣н̣анаа
10. Sugatavinayasuttavaṇṇanā
160. д̣̇асамз вал̣ан̃ж̇знд̇ийд̇и саж̇жхааяанд̇и жзва ваажуг̇г̇ад̇ам̣ гаронд̇аа д̇хаарзнд̇и жа. авиг̇ад̇ад̇ан̣хад̇ааяа д̇ам̣ д̇ам̣ баригкаараж̇аад̇ам̣ б̣ахумби аад̣̇ияанд̇ийд̇и б̣ахулаа, д̇з зва б̣аахулигаа яат̇аа ‘‘взнаяиго’’д̇и (ма. ни. 1.246; а. ни. 8.11; баараа. 8). д̇з бана яасмаа бажжаяаб̣ахулабхааваа яуд̇д̇аббаяуд̇д̇аа наама хонд̇и, д̇асмаа ааха ‘‘бажжаяаб̣аахуллааяа бадибаннаа’’д̇и. сит̇илам̣ г̇ан̣ханд̇ийд̇и саат̇алигаа, сигкааяа аад̣̇араг̇аараваабхаавзна сит̇илам̣ ад̣̇ал̣хам̣ г̇ан̣ханд̇ийд̇и ад̇т̇о. сит̇иланд̇и жа бхааванабум̣саганид̣̇д̣̇зсо, сит̇ила-сад̣̇д̣̇зна ваа самаанад̇т̇асса саат̇аласад̣̇д̣̇асса васзна саат̇алигаад̇и бад̣̇асид̣̇д̇хи взд̣̇ид̇аб̣б̣аа. аваг̇аманад̇од̇и ад̇хог̇аманад̇о, орамбхааг̇ияабхаавад̇од̇и ад̇т̇о. ниб̣б̣ийрияаад̇и уж̇жхид̇уссаахаа д̇ад̣̇ад̇хиг̇амааяа аарамбхамби агурумаанаа.
160. Dasame vaḷañjentīti sajjhāyanti ceva vācuggataṃ karontā dhārenti ca. Avigatataṇhatāya taṃ taṃ parikkhārajātaṃ bahumpi ādiyantīti bahulā, te eva bāhulikā yathā ‘‘venayiko’’ti (ma. ni. 1.246; a. ni. 8.11; pārā. 8). Te pana yasmā paccayabahulabhāvā yuttappayuttā nāma honti, tasmā āha ‘‘paccayabāhullāya paṭipannā’’ti. Sithilaṃ gaṇhantīti sāthalikā, sikkhāya ādaragāravābhāvena sithilaṃ adaḷhaṃ gaṇhantīti attho. Sithilanti ca bhāvanapuṃsakaniddeso, sithila-saddena vā samānatthassa sāthalasaddassa vasena sāthalikāti padasiddhi veditabbā. Avagamanatoti adhogamanato, orambhāgiyabhāvatoti attho. Nibbīriyāti ujjhitussāhā tadadhigamāya ārambhampi akurumānā.
суг̇ад̇авинаяасуд̇д̇аван̣н̣анаа нидтид̇аа.
Sugatavinayasuttavaṇṇanā niṭṭhitā.
инд̣̇рияаваг̇г̇аван̣н̣анаа нидтид̇аа.
Indriyavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. суг̇ад̇авинаяасуд̇д̇ам̣ • 10. Sugatavinayasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. суг̇ад̇авинаяасуд̇д̇аван̣н̣анаа • 10. Sugatavinayasuttavaṇṇanā
