| Library / Tipiṭaka / तिपिटक • Tipiṭaka / अङ्गुत्तरनिकाय (टीका) • Aṅguttaranikāya (ṭīkā) |
१०. सुगतविनयसुत्तवण्णना
10. Sugatavinayasuttavaṇṇanā
१६०. दसमे वळञ्जेन्तीति सज्झायन्ति चेव वाचुग्गतं करोन्ता धारेन्ति च। अविगततण्हताय तं तं परिक्खारजातं बहुम्पि आदियन्तीति बहुला, ते एव बाहुलिका यथा ‘‘वेनयिको’’ति (म॰ नि॰ १.२४६; अ॰ नि॰ ८.११; पारा॰ ८)। ते पन यस्मा पच्चयबहुलभावा युत्तप्पयुत्ता नाम होन्ति, तस्मा आह ‘‘पच्चयबाहुल्लाय पटिपन्ना’’ति। सिथिलं गण्हन्तीति साथलिका, सिक्खाय आदरगारवाभावेन सिथिलं अदळ्हं गण्हन्तीति अत्थो। सिथिलन्ति च भावनपुंसकनिद्देसो, सिथिल-सद्देन वा समानत्थस्स साथलसद्दस्स वसेन साथलिकाति पदसिद्धि वेदितब्बा। अवगमनतोति अधोगमनतो, ओरम्भागियभावतोति अत्थो। निब्बीरियाति उज्झितुस्साहा तदधिगमाय आरम्भम्पि अकुरुमाना।
160. Dasame vaḷañjentīti sajjhāyanti ceva vācuggataṃ karontā dhārenti ca. Avigatataṇhatāya taṃ taṃ parikkhārajātaṃ bahumpi ādiyantīti bahulā, te eva bāhulikā yathā ‘‘venayiko’’ti (ma. ni. 1.246; a. ni. 8.11; pārā. 8). Te pana yasmā paccayabahulabhāvā yuttappayuttā nāma honti, tasmā āha ‘‘paccayabāhullāya paṭipannā’’ti. Sithilaṃ gaṇhantīti sāthalikā, sikkhāya ādaragāravābhāvena sithilaṃ adaḷhaṃ gaṇhantīti attho. Sithilanti ca bhāvanapuṃsakaniddeso, sithila-saddena vā samānatthassa sāthalasaddassa vasena sāthalikāti padasiddhi veditabbā. Avagamanatoti adhogamanato, orambhāgiyabhāvatoti attho. Nibbīriyāti ujjhitussāhā tadadhigamāya ārambhampi akurumānā.
सुगतविनयसुत्तवण्णना निट्ठिता।
Sugatavinayasuttavaṇṇanā niṭṭhitā.
इन्द्रियवग्गवण्णना निट्ठिता।
Indriyavaggavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / १०. सुगतविनयसुत्तं • 10. Sugatavinayasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / अङ्गुत्तरनिकाय (अट्ठकथा) • Aṅguttaranikāya (aṭṭhakathā) / १०. सुगतविनयसुत्तवण्णना • 10. Sugatavinayasuttavaṇṇanā
