| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๑๐. สุคตวินยสุตฺตวณฺณนา
10. Sugatavinayasuttavaṇṇanā
๑๖๐. ทสเม ทุคฺคหิตนฺติ อุปฺปฎิปาฎิยา คหิตํฯ ปริยาปุณนฺตีติ วฬเญฺชนฺติ กเถนฺติฯ ปทพฺยญฺชเนหีติ เอตฺถ ปทเมว อตฺถสฺส พฺยญฺชนโต พฺยญฺชนนฺติ วุตฺตํฯ ทุนฺนิกฺขิตฺตสฺสาติ ทุฎฺฐุ นิกฺขิตฺตสฺส อุปฺปฎิปาฎิยา ฐปิตสฺสฯ อโตฺถปิ ทุนฺนโย โหตีติ อฎฺฐกถา นีหริตฺวา กเถตุํ น สกฺกา โหติฯ ฉินฺนมูลโกติ มูลภูตานํ ภิกฺขูนํ อุปจฺฉินฺนตฺตา ฉินฺนมูลโกฯ อปฺปฎิสรโณติ อปฺปติโฎฺฐฯ พาหุลิกาติ ปจฺจยพาหุลฺลาย ปฎิปนฺนาฯ สาถลิกาติ ติโสฺส สิกฺขา สิถิลคฺคหเณน คณฺหนกาฯ โอกฺกมเน ปุพฺพงฺคมาติ ปญฺจ นีวรณานิ อวคมนโต โอกฺกมนนฺติ วุจฺจนฺติ, ตตฺถ ปุพฺพงฺคมาติ อโตฺถฯ ปวิเวเกติ ติวิเธ วิเวเกฯ นิกฺขิตฺตธุราติ นิพฺพีริยาฯ อิมินา นเยน ปน สพฺพตฺถ อโตฺถ เวทิตโพฺพฯ
160. Dasame duggahitanti uppaṭipāṭiyā gahitaṃ. Pariyāpuṇantīti vaḷañjenti kathenti. Padabyañjanehīti ettha padameva atthassa byañjanato byañjananti vuttaṃ. Dunnikkhittassāti duṭṭhu nikkhittassa uppaṭipāṭiyā ṭhapitassa. Atthopi dunnayo hotīti aṭṭhakathā nīharitvā kathetuṃ na sakkā hoti. Chinnamūlakoti mūlabhūtānaṃ bhikkhūnaṃ upacchinnattā chinnamūlako. Appaṭisaraṇoti appatiṭṭho. Bāhulikāti paccayabāhullāya paṭipannā. Sāthalikāti tisso sikkhā sithilaggahaṇena gaṇhanakā. Okkamanepubbaṅgamāti pañca nīvaraṇāni avagamanato okkamananti vuccanti, tattha pubbaṅgamāti attho. Paviveketi tividhe viveke. Nikkhittadhurāti nibbīriyā. Iminā nayena pana sabbattha attho veditabbo.
อินฺทฺริยวโคฺค ปฐโมฯ
Indriyavaggo paṭhamo.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๑๐. สุคตวินยสุตฺตํ • 10. Sugatavinayasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๑๐. สุคตวินยสุตฺตวณฺณนา • 10. Sugatavinayasuttavaṇṇanā
