| Library / Tipiṭaka / តិបិដក • Tipiṭaka / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) |
១០. សុគតវិនយសុត្តវណ្ណនា
10. Sugatavinayasuttavaṇṇanā
១៦០. ទសមេ ទុគ្គហិតន្តិ ឧប្បដិបាដិយា គហិតំ។ បរិយាបុណន្តីតិ វឡញ្ជេន្តិ កថេន្តិ។ បទព្យញ្ជនេហីតិ ឯត្ថ បទមេវ អត្ថស្ស ព្យញ្ជនតោ ព្យញ្ជនន្តិ វុត្តំ។ ទុន្និក្ខិត្តស្សាតិ ទុដ្ឋុ និក្ខិត្តស្ស ឧប្បដិបាដិយា ឋបិតស្ស។ អត្ថោបិ ទុន្នយោ ហោតីតិ អដ្ឋកថា នីហរិត្វា កថេតុំ ន សក្កា ហោតិ។ ឆិន្នមូលកោតិ មូលភូតានំ ភិក្ខូនំ ឧបច្ឆិន្នត្តា ឆិន្នមូលកោ។ អប្បដិសរណោតិ អប្បតិដ្ឋោ។ ពាហុលិកាតិ បច្ចយពាហុល្លាយ បដិបន្នា។ សាថលិកាតិ តិស្សោ សិក្ខា សិថិលគ្គហណេន គណ្ហនកា។ ឱក្កមនេ បុព្ពង្គមាតិ បញ្ច នីវរណានិ អវគមនតោ ឱក្កមនន្តិ វុច្ចន្តិ, តត្ថ បុព្ពង្គមាតិ អត្ថោ។ បវិវេកេតិ តិវិធេ វិវេកេ។ និក្ខិត្តធុរាតិ និព្ពីរិយា។ ឥមិនា នយេន បន សព្ពត្ថ អត្ថោ វេទិតព្ពោ។
160. Dasame duggahitanti uppaṭipāṭiyā gahitaṃ. Pariyāpuṇantīti vaḷañjenti kathenti. Padabyañjanehīti ettha padameva atthassa byañjanato byañjananti vuttaṃ. Dunnikkhittassāti duṭṭhu nikkhittassa uppaṭipāṭiyā ṭhapitassa. Atthopi dunnayo hotīti aṭṭhakathā nīharitvā kathetuṃ na sakkā hoti. Chinnamūlakoti mūlabhūtānaṃ bhikkhūnaṃ upacchinnattā chinnamūlako. Appaṭisaraṇoti appatiṭṭho. Bāhulikāti paccayabāhullāya paṭipannā. Sāthalikāti tisso sikkhā sithilaggahaṇena gaṇhanakā. Okkamanepubbaṅgamāti pañca nīvaraṇāni avagamanato okkamananti vuccanti, tattha pubbaṅgamāti attho. Paviveketi tividhe viveke. Nikkhittadhurāti nibbīriyā. Iminā nayena pana sabbattha attho veditabbo.
ឥន្ទ្រិយវគ្គោ បឋមោ។
Indriyavaggo paṭhamo.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ១០. សុគតវិនយសុត្តំ • 10. Sugatavinayasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ១០. សុគតវិនយសុត្តវណ្ណនា • 10. Sugatavinayasuttavaṇṇanā
