| Library / Tipiṭaka / តិបិដក • Tipiṭaka / អង្គុត្តរនិកាយ (ដីកា) • Aṅguttaranikāya (ṭīkā) |
១០. សុគតវិនយសុត្តវណ្ណនា
10. Sugatavinayasuttavaṇṇanā
១៦០. ទសមេ វឡញ្ជេន្តីតិ សជ្ឈាយន្តិ ចេវ វាចុគ្គតំ ករោន្តា ធារេន្តិ ច។ អវិគតតណ្ហតាយ តំ តំ បរិក្ខារជាតំ ពហុម្បិ អាទិយន្តីតិ ពហុលា, តេ ឯវ ពាហុលិកា យថា ‘‘វេនយិកោ’’តិ (ម. និ. ១.២៤៦; អ. និ. ៨.១១; បារា. ៨)។ តេ បន យស្មា បច្ចយពហុលភាវា យុត្តប្បយុត្តា នាម ហោន្តិ, តស្មា អាហ ‘‘បច្ចយពាហុល្លាយ បដិបន្នា’’តិ។ សិថិលំ គណ្ហន្តីតិ សាថលិកា, សិក្ខាយ អាទរគារវាភាវេន សិថិលំ អទឡ្ហំ គណ្ហន្តីតិ អត្ថោ។ សិថិលន្តិ ច ភាវនបុំសកនិទ្ទេសោ, សិថិល-សទ្ទេន វា សមានត្ថស្ស សាថលសទ្ទស្ស វសេន សាថលិកាតិ បទសិទ្ធិ វេទិតព្ពា។ អវគមនតោតិ អធោគមនតោ, ឱរម្ភាគិយភាវតោតិ អត្ថោ។ និព្ពីរិយាតិ ឧជ្ឈិតុស្សាហា តទធិគមាយ អារម្ភម្បិ អកុរុមានា។
160. Dasame vaḷañjentīti sajjhāyanti ceva vācuggataṃ karontā dhārenti ca. Avigatataṇhatāya taṃ taṃ parikkhārajātaṃ bahumpi ādiyantīti bahulā, te eva bāhulikā yathā ‘‘venayiko’’ti (ma. ni. 1.246; a. ni. 8.11; pārā. 8). Te pana yasmā paccayabahulabhāvā yuttappayuttā nāma honti, tasmā āha ‘‘paccayabāhullāya paṭipannā’’ti. Sithilaṃ gaṇhantīti sāthalikā, sikkhāya ādaragāravābhāvena sithilaṃ adaḷhaṃ gaṇhantīti attho. Sithilanti ca bhāvanapuṃsakaniddeso, sithila-saddena vā samānatthassa sāthalasaddassa vasena sāthalikāti padasiddhi veditabbā. Avagamanatoti adhogamanato, orambhāgiyabhāvatoti attho. Nibbīriyāti ujjhitussāhā tadadhigamāya ārambhampi akurumānā.
សុគតវិនយសុត្តវណ្ណនា និដ្ឋិតា។
Sugatavinayasuttavaṇṇanā niṭṭhitā.
ឥន្ទ្រិយវគ្គវណ្ណនា និដ្ឋិតា។
Indriyavaggavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ១០. សុគតវិនយសុត្តំ • 10. Sugatavinayasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) / ១០. សុគតវិនយសុត្តវណ្ណនា • 10. Sugatavinayasuttavaṇṇanā
