| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၁၀. သုဂတဝိနယသုတ္တဝဏ္ဏနာ
10. Sugatavinayasuttavaṇṇanā
၁၆၀. ဒသမေ ဒုဂ္ဂဟိတန္တိ ဥပ္ပဋိပာဋိယာ ဂဟိတံ။ ပရိယာပုဏန္တီတိ ဝဠဉ္ဇေန္တိ ကထေန္တိ။ ပဒဗ္ယဉ္ဇနေဟီတိ ဧတ္ထ ပဒမေဝ အတ္ထသ္သ ဗ္ယဉ္ဇနတော ဗ္ယဉ္ဇနန္တိ ဝုတ္တံ။ ဒုန္နိက္ခိတ္တသ္သာတိ ဒုဋ္ဌု နိက္ခိတ္တသ္သ ဥပ္ပဋိပာဋိယာ ဌပိတသ္သ။ အတ္ထောပိ ဒုန္နယော ဟောတီတိ အဋ္ဌကထာ နီဟရိတ္ဝာ ကထေတုံ န သက္ကာ ဟောတိ။ ဆိန္နမူလကောတိ မူလဘူတာနံ ဘိက္ခူနံ ဥပစ္ဆိန္နတ္တာ ဆိန္နမူလကော။ အပ္ပဋိသရဏောတိ အပ္ပတိဋ္ဌော။ ဗာဟုလိကာတိ ပစ္စယဗာဟုလ္လာယ ပဋိပန္နာ။ သာထလိကာတိ တိသ္သော သိက္ခာ သိထိလဂ္ဂဟဏေန ဂဏ္ဟနကာ။ ဩက္ကမနေ ပုဗ္ဗင္ဂမာတိ ပဉ္စ နီဝရဏာနိ အဝဂမနတော ဩက္ကမနန္တိ ဝုစ္စန္တိ, တတ္ထ ပုဗ္ဗင္ဂမာတိ အတ္ထော။ ပဝိဝေကေတိ တိဝိဓေ ဝိဝေကေ။ နိက္ခိတ္တဓုရာတိ နိဗ္ဗီရိယာ။ ဣမိနာ နယေန ပန သဗ္ဗတ္ထ အတ္ထော ဝေဒိတဗ္ဗော။
160. Dasame duggahitanti uppaṭipāṭiyā gahitaṃ. Pariyāpuṇantīti vaḷañjenti kathenti. Padabyañjanehīti ettha padameva atthassa byañjanato byañjananti vuttaṃ. Dunnikkhittassāti duṭṭhu nikkhittassa uppaṭipāṭiyā ṭhapitassa. Atthopi dunnayo hotīti aṭṭhakathā nīharitvā kathetuṃ na sakkā hoti. Chinnamūlakoti mūlabhūtānaṃ bhikkhūnaṃ upacchinnattā chinnamūlako. Appaṭisaraṇoti appatiṭṭho. Bāhulikāti paccayabāhullāya paṭipannā. Sāthalikāti tisso sikkhā sithilaggahaṇena gaṇhanakā. Okkamanepubbaṅgamāti pañca nīvaraṇāni avagamanato okkamananti vuccanti, tattha pubbaṅgamāti attho. Paviveketi tividhe viveke. Nikkhittadhurāti nibbīriyā. Iminā nayena pana sabbattha attho veditabbo.
ဣန္ဒ္ရိယဝဂ္ဂော ပဌမော။
Indriyavaggo paṭhamo.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၁၀. သုဂတဝိနယသုတ္တံ • 10. Sugatavinayasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁၀. သုဂတဝိနယသုတ္တဝဏ္ဏနာ • 10. Sugatavinayasuttavaṇṇanā
