| Library / Tipiṭaka / တိပိဋက • Tipiṭaka / အင္ဂုတ္တရနိကာယ (ဋီကာ) • Aṅguttaranikāya (ṭīkā) |
၁၀. သုဂတဝိနယသုတ္တဝဏ္ဏနာ
10. Sugatavinayasuttavaṇṇanā
၁၆၀. ဒသမေ ဝဠဉ္ဇေန္တီတိ သဇ္ဈာယန္တိ စေဝ ဝာစုဂ္ဂတံ ကရောန္တာ ဓာရေန္တိ စ။ အဝိဂတတဏ္ဟတာယ တံ တံ ပရိက္ခာရဇာတံ ဗဟုမ္ပိ အာဒိယန္တီတိ ဗဟုလာ, တေ ဧဝ ဗာဟုလိကာ ယထာ ‘‘ဝေနယိကော’’တိ (မ. နိ. ၁.၂၄၆; အ. နိ. ၈.၁၁; ပာရာ. ၈)။ တေ ပန ယသ္မာ ပစ္စယဗဟုလဘာဝာ ယုတ္တပ္ပယုတ္တာ နာမ ဟောန္တိ, တသ္မာ အာဟ ‘‘ပစ္စယဗာဟုလ္လာယ ပဋိပန္နာ’’တိ။ သိထိလံ ဂဏ္ဟန္တီတိ သာထလိကာ, သိက္ခာယ အာဒရဂာရဝာဘာဝေန သိထိလံ အဒဠ္ဟံ ဂဏ္ဟန္တီတိ အတ္ထော။ သိထိလန္တိ စ ဘာဝနပုံသကနိဒ္ဒေသော, သိထိလ-သဒ္ဒေန ဝာ သမာနတ္ထသ္သ သာထလသဒ္ဒသ္သ ဝသေန သာထလိကာတိ ပဒသိဒ္ဓိ ဝေဒိတဗ္ဗာ။ အဝဂမနတောတိ အဓောဂမနတော, ဩရမ္ဘာဂိယဘာဝတောတိ အတ္ထော။ နိဗ္ဗီရိယာတိ ဥဇ္ဈိတုသ္သာဟာ တဒဓိဂမာယ အာရမ္ဘမ္ပိ အကုရုမာနာ။
160. Dasame vaḷañjentīti sajjhāyanti ceva vācuggataṃ karontā dhārenti ca. Avigatataṇhatāya taṃ taṃ parikkhārajātaṃ bahumpi ādiyantīti bahulā, te eva bāhulikā yathā ‘‘venayiko’’ti (ma. ni. 1.246; a. ni. 8.11; pārā. 8). Te pana yasmā paccayabahulabhāvā yuttappayuttā nāma honti, tasmā āha ‘‘paccayabāhullāya paṭipannā’’ti. Sithilaṃ gaṇhantīti sāthalikā, sikkhāya ādaragāravābhāvena sithilaṃ adaḷhaṃ gaṇhantīti attho. Sithilanti ca bhāvanapuṃsakaniddeso, sithila-saddena vā samānatthassa sāthalasaddassa vasena sāthalikāti padasiddhi veditabbā. Avagamanatoti adhogamanato, orambhāgiyabhāvatoti attho. Nibbīriyāti ujjhitussāhā tadadhigamāya ārambhampi akurumānā.
သုဂတဝိနယသုတ္တဝဏ္ဏနာ နိဋ္ဌိတာ။
Sugatavinayasuttavaṇṇanā niṭṭhitā.
ဣန္ဒ္ရိယဝဂ္ဂဝဏ္ဏနာ နိဋ္ဌိတာ။
Indriyavaggavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၁၀. သုဂတဝိနယသုတ္တံ • 10. Sugatavinayasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၁၀. သုဂတဝိနယသုတ္တဝဏ္ဏနာ • 10. Sugatavinayasuttavaṇṇanā
