| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) |
೧೦. ಸುಗತವಿನಯಸುತ್ತವಣ್ಣನಾ
10. Sugatavinayasuttavaṇṇanā
೧೬೦. ದಸಮೇ ದುಗ್ಗಹಿತನ್ತಿ ಉಪ್ಪಟಿಪಾಟಿಯಾ ಗಹಿತಂ। ಪರಿಯಾಪುಣನ್ತೀತಿ ವಳಞ್ಜೇನ್ತಿ ಕಥೇನ್ತಿ। ಪದಬ್ಯಞ್ಜನೇಹೀತಿ ಏತ್ಥ ಪದಮೇವ ಅತ್ಥಸ್ಸ ಬ್ಯಞ್ಜನತೋ ಬ್ಯಞ್ಜನನ್ತಿ ವುತ್ತಂ। ದುನ್ನಿಕ್ಖಿತ್ತಸ್ಸಾತಿ ದುಟ್ಠು ನಿಕ್ಖಿತ್ತಸ್ಸ ಉಪ್ಪಟಿಪಾಟಿಯಾ ಠಪಿತಸ್ಸ। ಅತ್ಥೋಪಿ ದುನ್ನಯೋ ಹೋತೀತಿ ಅಟ್ಠಕಥಾ ನೀಹರಿತ್ವಾ ಕಥೇತುಂ ನ ಸಕ್ಕಾ ಹೋತಿ। ಛಿನ್ನಮೂಲಕೋತಿ ಮೂಲಭೂತಾನಂ ಭಿಕ್ಖೂನಂ ಉಪಚ್ಛಿನ್ನತ್ತಾ ಛಿನ್ನಮೂಲಕೋ। ಅಪ್ಪಟಿಸರಣೋತಿ ಅಪ್ಪತಿಟ್ಠೋ। ಬಾಹುಲಿಕಾತಿ ಪಚ್ಚಯಬಾಹುಲ್ಲಾಯ ಪಟಿಪನ್ನಾ। ಸಾಥಲಿಕಾತಿ ತಿಸ್ಸೋ ಸಿಕ್ಖಾ ಸಿಥಿಲಗ್ಗಹಣೇನ ಗಣ್ಹನಕಾ। ಓಕ್ಕಮನೇ ಪುಬ್ಬಙ್ಗಮಾತಿ ಪಞ್ಚ ನೀವರಣಾನಿ ಅವಗಮನತೋ ಓಕ್ಕಮನನ್ತಿ ವುಚ್ಚನ್ತಿ, ತತ್ಥ ಪುಬ್ಬಙ್ಗಮಾತಿ ಅತ್ಥೋ। ಪವಿವೇಕೇತಿ ತಿವಿಧೇ ವಿವೇಕೇ। ನಿಕ್ಖಿತ್ತಧುರಾತಿ ನಿಬ್ಬೀರಿಯಾ। ಇಮಿನಾ ನಯೇನ ಪನ ಸಬ್ಬತ್ಥ ಅತ್ಥೋ ವೇದಿತಬ್ಬೋ।
160. Dasame duggahitanti uppaṭipāṭiyā gahitaṃ. Pariyāpuṇantīti vaḷañjenti kathenti. Padabyañjanehīti ettha padameva atthassa byañjanato byañjananti vuttaṃ. Dunnikkhittassāti duṭṭhu nikkhittassa uppaṭipāṭiyā ṭhapitassa. Atthopi dunnayo hotīti aṭṭhakathā nīharitvā kathetuṃ na sakkā hoti. Chinnamūlakoti mūlabhūtānaṃ bhikkhūnaṃ upacchinnattā chinnamūlako. Appaṭisaraṇoti appatiṭṭho. Bāhulikāti paccayabāhullāya paṭipannā. Sāthalikāti tisso sikkhā sithilaggahaṇena gaṇhanakā. Okkamanepubbaṅgamāti pañca nīvaraṇāni avagamanato okkamananti vuccanti, tattha pubbaṅgamāti attho. Paviveketi tividhe viveke. Nikkhittadhurāti nibbīriyā. Iminā nayena pana sabbattha attho veditabbo.
ಇನ್ದ್ರಿಯವಗ್ಗೋ ಪಠಮೋ।
Indriyavaggo paṭhamo.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya / ೧೦. ಸುಗತವಿನಯಸುತ್ತಂ • 10. Sugatavinayasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೧೦. ಸುಗತವಿನಯಸುತ್ತವಣ್ಣನಾ • 10. Sugatavinayasuttavaṇṇanā
