| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
10. සුගතවිනයසුත්‌තවණ්‌ණනා
10. Sugatavinayasuttavaṇṇanā
160. දසමෙ දුග්‌ගහිතන්‌ති උප්‌පටිපාටියා ගහිතං. පරියාපුණන්‌තීති වළඤ්‌ජෙන්‌ති කථෙන්‌ති. පදබ්‍යඤ්‌ජනෙහීති එත්‌ථ පදමෙව අත්‌ථස්‌ස බ්‍යඤ්‌ජනතො බ්‍යඤ්‌ජනන්‌ති වුත්‌තං. දුන්‌නික්‌ඛිත්‌තස්‌සාති දුට්‌ඨු නික්‌ඛිත්‌තස්‌ස උප්‌පටිපාටියා ඨපිතස්‌ස. අත්‌ථොපි දුන්‌නයො හොතීති අට්‌ඨකථා නීහරිත්‌වා කථෙතුං න සක්‌කා හොති. ඡින්‌නමූලකොති මූලභූතානං භික්‌ඛූනං උපච්‌ඡින්‌නත්‌තා ඡින්‌නමූලකො. අප්‌පටිසරණොති අප්‌පතිට්‌ඨො. බාහුලිකාති පච්‌චයබාහුල්‌ලාය පටිපන්‌නා. සාථලිකාති තිස්‌සො සික්‌ඛා සිථිලග්‌ගහණෙන ගණ්‌හනකා. ඔක්‌කමනෙ පුබ්‌බඞ්‌ගමාති පඤ්‌ච නීවරණානි අවගමනතො ඔක්‌කමනන්‌ති වුච්‌චන්‌ති, තත්‌ථ පුබ්‌බඞ්‌ගමාති අත්‌ථො. පවිවෙකෙති තිවිධෙ විවෙකෙ. නික්‌ඛිත්‌තධුරාති නිබ්‌බීරියා. ඉමිනා නයෙන පන සබ්‌බත්‌ථ අත්‌ථො වෙදිතබ්‌බො.
160. Dasame duggahitanti uppaṭipāṭiyā gahitaṃ. Pariyāpuṇantīti vaḷañjenti kathenti. Padabyañjanehīti ettha padameva atthassa byañjanato byañjananti vuttaṃ. Dunnikkhittassāti duṭṭhu nikkhittassa uppaṭipāṭiyā ṭhapitassa. Atthopi dunnayo hotīti aṭṭhakathā nīharitvā kathetuṃ na sakkā hoti. Chinnamūlakoti mūlabhūtānaṃ bhikkhūnaṃ upacchinnattā chinnamūlako. Appaṭisaraṇoti appatiṭṭho. Bāhulikāti paccayabāhullāya paṭipannā. Sāthalikāti tisso sikkhā sithilaggahaṇena gaṇhanakā. Okkamanepubbaṅgamāti pañca nīvaraṇāni avagamanato okkamananti vuccanti, tattha pubbaṅgamāti attho. Paviveketi tividhe viveke. Nikkhittadhurāti nibbīriyā. Iminā nayena pana sabbattha attho veditabbo.
ඉන්‌ද්‍රියවග්‌ගො පඨමො.
Indriyavaggo paṭhamo.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 10. සුගතවිනයසුත්‌තං • 10. Sugatavinayasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 10. සුගතවිනයසුත්‌තවණ්‌ණනා • 10. Sugatavinayasuttavaṇṇanā
