| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (ටීකා) • Aṅguttaranikāya (ṭīkā) |
10. සුගතවිනයසුත්‌තවණ්‌ණනා
10. Sugatavinayasuttavaṇṇanā
160. දසමෙ වළඤ්‌ජෙන්‌තීති සජ්‌ඣායන්‌ති චෙව වාචුග්‌ගතං කරොන්‌තා ධාරෙන්‌ති ච. අවිගතතණ්‌හතාය තං තං පරික්‌ඛාරජාතං බහුම්‌පි ආදියන්‌තීති බහුලා, තෙ එව බාහුලිකා යථා ‘‘වෙනයිකො’’ති (ම. නි. 1.246; අ. නි. 8.11; පාරා. 8). තෙ පන යස්‌මා පච්‌චයබහුලභාවා යුත්‌තප්‌පයුත්‌තා නාම හොන්‌ති, තස්‌මා ආහ ‘‘පච්‌චයබාහුල්‌ලාය පටිපන්‌නා’’ති. සිථිලං ගණ්‌හන්‌තීති සාථලිකා, සික්‌ඛාය ආදරගාරවාභාවෙන සිථිලං අදළ්‌හං ගණ්‌හන්‌තීති අත්‌ථො. සිථිලන්‌ති ච භාවනපුංසකනිද්‌දෙසො, සිථිල-සද්‌දෙන වා සමානත්‌ථස්‌ස සාථලසද්‌දස්‌ස වසෙන සාථලිකාති පදසිද්‌ධි වෙදිතබ්‌බා. අවගමනතොති අධොගමනතො, ඔරම්‌භාගියභාවතොති අත්‌ථො. නිබ්‌බීරියාති උජ්‌ඣිතුස්‌සාහා තදධිගමාය ආරම්‌භම්‌පි අකුරුමානා.
160. Dasame vaḷañjentīti sajjhāyanti ceva vācuggataṃ karontā dhārenti ca. Avigatataṇhatāya taṃ taṃ parikkhārajātaṃ bahumpi ādiyantīti bahulā, te eva bāhulikā yathā ‘‘venayiko’’ti (ma. ni. 1.246; a. ni. 8.11; pārā. 8). Te pana yasmā paccayabahulabhāvā yuttappayuttā nāma honti, tasmā āha ‘‘paccayabāhullāya paṭipannā’’ti. Sithilaṃ gaṇhantīti sāthalikā, sikkhāya ādaragāravābhāvena sithilaṃ adaḷhaṃ gaṇhantīti attho. Sithilanti ca bhāvanapuṃsakaniddeso, sithila-saddena vā samānatthassa sāthalasaddassa vasena sāthalikāti padasiddhi veditabbā. Avagamanatoti adhogamanato, orambhāgiyabhāvatoti attho. Nibbīriyāti ujjhitussāhā tadadhigamāya ārambhampi akurumānā.
සුගතවිනයසුත්‌තවණ්‌ණනා නිට්‌ඨිතා.
Sugatavinayasuttavaṇṇanā niṭṭhitā.
ඉන්‌ද්‍රියවග්‌ගවණ්‌ණනා නිට්‌ඨිතා.
Indriyavaggavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 10. සුගතවිනයසුත්‌තං • 10. Sugatavinayasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 10. සුගතවිනයසුත්‌තවණ්‌ණනා • 10. Sugatavinayasuttavaṇṇanā
