| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[158] 8. сухануж̇аад̇агаван̣н̣анаа
[158] 8. Suhanujātakavaṇṇanā
наяид̣̇ам̣ висамасийлзнаад̇и ид̣̇ам̣ сад̇т̇аа ж̇зд̇аванз вихаранд̇о д̣̇вз жан̣д̣абхигкуу аараб̣бха гат̇зси. д̇асмин̃хи самаяз ж̇зд̇аванзби зго бхигку жан̣д̣о ахоси парусо саахасиго ж̇анабад̣̇зби. ат̇згад̣̇ивасам̣ ж̇аанабад̣̇о бхигку гзнажид̣̇зва гаран̣ийязна ж̇зд̇аванам̣ аг̇амааси, сааман̣зраа жзва д̣̇ахарабхигкуу жа д̇асса жан̣д̣абхаавам̣ ж̇аананд̇и. ‘‘д̇зсам̣ д̣̇виннам̣ жан̣д̣аанам̣ галахам̣ бассиссаамаа’’д̇и гуд̇уухалзна д̇ам̣ бхигкум̣ ж̇зд̇аванаваасигасса баривзн̣ам̣ бахин̣им̣су. д̇з убхоби жан̣д̣аа ан̃н̃аман̃н̃ам̣ д̣̇исваава бияасам̣ваасам̣ сам̣санд̣̇им̣су самим̣су, хад̇т̇абаад̣̇абидтисамб̣ааханаад̣̇ийни агам̣су. д̇хаммасабхааяам̣ бхигкуу гат̇ам̣ самудтаабзсум̣ – ‘‘аавусо, жан̣д̣аа бхигкуу ан̃н̃зсам̣ убари жан̣д̣аа парусаа саахасигаа, ан̃н̃аман̃н̃ам̣ бана убхоби самаг̇г̇аа саммод̣̇амаанаа бияасам̣ваасаа ж̇аад̇аа’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва, буб̣б̣збзд̇з ан̃н̃зсам̣ жан̣д̣аа парусаа саахасигаа, ан̃н̃аман̃н̃ам̣ бана самаг̇г̇аа саммод̣̇амаанаа бияасам̣ваасаа жа ахзсу’’нд̇и вад̇ваа ад̇ийд̇ам̣ аахари.
Nayidaṃvisamasīlenāti idaṃ satthā jetavane viharanto dve caṇḍabhikkhū ārabbha kathesi. Tasmiñhi samaye jetavanepi eko bhikkhu caṇḍo ahosi pharuso sāhasiko janapadepi. Athekadivasaṃ jānapado bhikkhu kenacideva karaṇīyena jetavanaṃ agamāsi, sāmaṇerā ceva daharabhikkhū ca tassa caṇḍabhāvaṃ jānanti. ‘‘Tesaṃ dvinnaṃ caṇḍānaṃ kalahaṃ passissāmā’’ti kutūhalena taṃ bhikkhuṃ jetavanavāsikassa pariveṇaṃ pahiṇiṃsu. Te ubhopi caṇḍā aññamaññaṃ disvāva piyasaṃvāsaṃ saṃsandiṃsu samiṃsu, hatthapādapiṭṭhisambāhanādīni akaṃsu. Dhammasabhāyaṃ bhikkhū kathaṃ samuṭṭhāpesuṃ – ‘‘āvuso, caṇḍā bhikkhū aññesaṃ upari caṇḍā pharusā sāhasikā, aññamaññaṃ pana ubhopi samaggā sammodamānā piyasaṃvāsā jātā’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva, pubbepete aññesaṃ caṇḍā pharusā sāhasikā, aññamaññaṃ pana samaggā sammodamānā piyasaṃvāsā ca ahesu’’nti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о д̇асса саб̣б̣ад̇т̇асаад̇хаго ад̇т̇ад̇хаммаанусаасаго амажжо ахоси. со бана рааж̇аа т̇огам̣ д̇ханалобхабагад̇иго, д̇асса махаасон̣о наама гуудаассо ад̇т̇и. ат̇а уд̇д̇араабат̇агаа ассаваан̣иж̇аа бан̃жа ассасад̇аани аанзсум̣, ассаанам̣ ааг̇ад̇абхаавам̣ ран̃н̃о аарожзсум̣. д̇ад̇о буб̣б̣з бана б̣од̇хисад̇д̇о ассз аг̇гхаабзд̇ваа муулам̣ абарихаабзд̇ваа д̣̇аабзси. рааж̇аа д̇ам̣ барихааяамаано ан̃н̃ам̣ амажжам̣ баггосаабзд̇ваа ‘‘д̇аад̇а, ассз аг̇гхаабзхи, аг̇гхаабзнд̇о жа батамам̣ махаасон̣ам̣ яат̇аа д̇зсам̣ ассаанам̣ анд̇арам̣ бависад̇и, д̇ат̇аа виссаж̇ж̇зд̇ваа ассз д̣ам̣саабзд̇ваа ван̣ид̇з гаараабзд̇ваа д̣̇уб̣б̣алагаалз муулам̣ хаабзд̇ваа ассз аг̇гхаабзяяаасий’’д̇и ааха. со ‘‘саад̇хуу’’д̇и самбадижчид̇ваа д̇ат̇аа агааси.
Atīte bārāṇasiyaṃ brahmadatte rajjaṃ kārente bodhisatto tassa sabbatthasādhako atthadhammānusāsako amacco ahosi. So pana rājā thokaṃ dhanalobhapakatiko, tassa mahāsoṇo nāma kūṭaasso atthi. Atha uttarāpathakā assavāṇijā pañca assasatāni ānesuṃ, assānaṃ āgatabhāvaṃ rañño ārocesuṃ. Tato pubbe pana bodhisatto asse agghāpetvā mūlaṃ aparihāpetvā dāpesi. Rājā taṃ parihāyamāno aññaṃ amaccaṃ pakkosāpetvā ‘‘tāta, asse agghāpehi, agghāpento ca paṭhamaṃ mahāsoṇaṃ yathā tesaṃ assānaṃ antaraṃ pavisati, tathā vissajjetvā asse ḍaṃsāpetvā vaṇite kārāpetvā dubbalakāle mūlaṃ hāpetvā asse agghāpeyyāsī’’ti āha. So ‘‘sādhū’’ti sampaṭicchitvā tathā akāsi.
ассаваан̣иж̇аа анад̇д̇аманаа худ̇ваа д̇зна гад̇агирияам̣ б̣од̇хисад̇д̇асса аарожзсум̣. б̣од̇хисад̇д̇о ‘‘гим̣ бана д̇умхаагам̣ наг̇арз гуудаассо над̇т̇ий’’д̇и бужчи. ‘‘ад̇т̇и саами, сухану наама гуудаассо жан̣д̣о парусо’’д̇и. ‘‘д̇зна хи буна ааг̇ажчанд̇аа д̇ам̣ ассам̣ аанзяяаат̇аа’’д̇и. д̇з ‘‘саад̇хуу’’д̇и бадиссун̣ид̇ваа буна ааг̇ажчанд̇аа д̇ам̣ гуудассам̣ г̇аахаабзд̇ваа ааг̇ажчим̣су. рааж̇аа ‘‘ассаваан̣иж̇аа ааг̇ад̇аа’’д̇и суд̇ваа сийхабан̃ж̇арам̣ уг̇гхаадзд̇ваа ассз ологзд̇ваа махаасон̣ам̣ виссаж̇ж̇аабзси. ассаваан̣иж̇ааби махаасон̣ам̣ ааг̇ажчанд̇ам̣ д̣̇исваа суханум̣ виссаж̇ж̇аабзсум̣. д̇з ан̃н̃аман̃н̃ам̣ бад̇ваа сарийраани лзханд̇аа саммод̣̇амаанаа адтам̣су. рааж̇аа б̣од̇хисад̇д̇ам̣ бужчи – ‘‘бассаси имз д̣̇вз гуудассаа ан̃н̃зсам̣ жан̣д̣аа парусаа саахасигаа, ан̃н̃з ассз д̣ам̣сид̇ваа г̇злан̃н̃ам̣ баабзнд̇и, ид̣̇аани ан̃н̃аман̃н̃ам̣ бана сарийрам̣ лзханд̇аа саммод̣̇амаанаа адтам̣су, гим̣ наамзд̇а’’нд̇и? б̣од̇хисад̇д̇о ‘‘наяимз, махаарааж̇а, висамасийлаа, самасийлаа самад̇хаад̇угаа жа зд̇з’’д̇и вад̇ваа имам̣ г̇аат̇аад̣̇ваяамааха –
Assavāṇijā anattamanā hutvā tena katakiriyaṃ bodhisattassa ārocesuṃ. Bodhisatto ‘‘kiṃ pana tumhākaṃ nagare kūṭaasso natthī’’ti pucchi. ‘‘Atthi sāmi, suhanu nāma kūṭaasso caṇḍo pharuso’’ti. ‘‘Tena hi puna āgacchantā taṃ assaṃ āneyyāthā’’ti. Te ‘‘sādhū’’ti paṭissuṇitvā puna āgacchantā taṃ kūṭassaṃ gāhāpetvā āgacchiṃsu. Rājā ‘‘assavāṇijā āgatā’’ti sutvā sīhapañjaraṃ ugghāṭetvā asse oloketvā mahāsoṇaṃ vissajjāpesi. Assavāṇijāpi mahāsoṇaṃ āgacchantaṃ disvā suhanuṃ vissajjāpesuṃ. Te aññamaññaṃ patvā sarīrāni lehantā sammodamānā aṭṭhaṃsu. Rājā bodhisattaṃ pucchi – ‘‘passasi ime dve kūṭassā aññesaṃ caṇḍā pharusā sāhasikā, aññe asse ḍaṃsitvā gelaññaṃ pāpenti, idāni aññamaññaṃ pana sarīraṃ lehantā sammodamānā aṭṭhaṃsu, kiṃ nāmeta’’nti? Bodhisatto ‘‘nayime, mahārāja, visamasīlā, samasīlā samadhātukā ca ete’’ti vatvā imaṃ gāthādvayamāha –
15.
15.
‘‘наяид̣̇ам̣ висамасийлзна, сон̣зна сухануу саха;
‘‘Nayidaṃ visamasīlena, soṇena suhanū saha;
суханууби д̇аад̣̇исоязва, яо сон̣асса саг̇ожаро.
Suhanūpi tādisoyeva, yo soṇassa sagocaro.
16.
16.
‘‘багканд̣̇инаа баг̇аб̣бхзна, нижжам̣ санд̣̇аанакаад̣̇инаа;
‘‘Pakkhandinā pagabbhena, niccaṃ sandānakhādinā;
самзд̇и баабам̣ баабзна, самзд̇и асад̇аа аса’’нд̇и.
Sameti pāpaṃ pāpena, sameti asatā asa’’nti.
д̇ад̇т̇а наяид̣̇ам̣ висамасийлзна, сон̣зна сухануу сахаад̇и яам̣ ид̣̇ам̣ сухану гуудассо сон̣зна сад̣̇д̇хим̣ бзмам̣ гарод̇и, ид̣̇ам̣ на ад̇д̇ано висамасийлзна, ат̇а ко ад̇д̇ано самасийлзнзва сад̣̇д̇хим̣ гарод̇и. убхоби хзд̇з ад̇д̇ано анаажаарад̇ааяа д̣̇уссийлад̇ааяа самасийлаа самад̇хаад̇угаа. суханууби д̇аад̣̇исоязва, яо сон̣асса саг̇ожарод̇и яаад̣̇исо сон̣о, сухануби д̇аад̣̇исоязва, яо сон̣асса саг̇ожаро яам̣г̇ожаро сон̣о, соби д̇ам̣г̇ожароязва. яат̇зва хи сон̣о ассаг̇ожаро ассз д̣ам̣сзнд̇ова жарад̇и, д̇ат̇аа сухануби. иминаа нзсам̣ самаанаг̇ожарад̇ам̣ д̣̇ассзд̇и.
Tattha nayidaṃ visamasīlena, soṇena suhanū sahāti yaṃ idaṃ suhanu kūṭasso soṇena saddhiṃ pemaṃ karoti, idaṃ na attano visamasīlena, atha kho attano samasīleneva saddhiṃ karoti. Ubhopi hete attano anācāratāya dussīlatāya samasīlā samadhātukā. Suhanūpi tādisoyeva, yo soṇassa sagocaroti yādiso soṇo, suhanupi tādisoyeva, yo soṇassa sagocaro yaṃgocaro soṇo, sopi taṃgocaroyeva. Yatheva hi soṇo assagocaro asse ḍaṃsentova carati, tathā suhanupi. Iminā nesaṃ samānagocarataṃ dasseti.
д̇з бана аажаараг̇ожарз згад̇о гад̇ваа д̣̇ассзд̇ум̣ ‘‘багканд̣̇инаа’’д̇иаад̣̇и вуд̇д̇ам̣. д̇ад̇т̇а багканд̣̇инаад̇и ассаанам̣ убари багканд̣̇анасийлзна багканд̣̇анаг̇ожарзна. баг̇аб̣бхзнаад̇и гааяабааг̇аб̣бхияаад̣̇исаманнааг̇ад̇зна д̣̇уссийлзна. нижжам̣ санд̣̇аанакаад̣̇инаад̇и сад̣̇аа ад̇д̇ано б̣анд̇ханаяод̇д̇ам̣ каад̣̇анасийлзна каад̣̇анаг̇ожарзна жа. самзд̇и баабам̣ баабзнаад̇и зд̇зсу ан̃н̃ад̇арзна баабзна сад̣̇д̇хим̣ ан̃н̃ад̇арасса баабам̣ д̣̇уссийляам̣ самзд̇и. асад̇аа асанд̇и зд̇зсу ан̃н̃ад̇арзна асад̇аа анаажаараг̇ожарасамбаннзна саха ид̇арасса асам̣ асаад̇хугаммам̣ самзд̇и, г̇уут̇аад̣̇ийни вияа г̇уут̇аад̣̇ийхи згад̇о сам̣санд̣̇ад̇и сад̣̇исам̣ ниб̣б̣исзсамзва ход̇ийд̇и.
Te pana ācāragocare ekato katvā dassetuṃ ‘‘pakkhandinā’’tiādi vuttaṃ. Tattha pakkhandināti assānaṃ upari pakkhandanasīlena pakkhandanagocarena. Pagabbhenāti kāyapāgabbhiyādisamannāgatena dussīlena. Niccaṃ sandānakhādināti sadā attano bandhanayottaṃ khādanasīlena khādanagocarena ca. Sameti pāpaṃ pāpenāti etesu aññatarena pāpena saddhiṃ aññatarassa pāpaṃ dussīlyaṃ sameti. Asatā asanti etesu aññatarena asatā anācāragocarasampannena saha itarassa asaṃ asādhukammaṃ sameti, gūthādīni viya gūthādīhi ekato saṃsandati sadisaṃ nibbisesameva hotīti.
звам̣ вад̇ваа жа бана б̣од̇хисад̇д̇о ‘‘махаарааж̇а, ран̃н̃аа наама ад̇илуд̣̇д̇хзна на бхавид̇аб̣б̣ам̣, барасса санд̇агам̣ наама наасзд̇ум̣ на ваддад̇ий’’д̇и рааж̇аанам̣ овад̣̇ид̇ваа ассз аг̇гхаабзд̇ваа бхууд̇амзва муулам̣ д̣̇аабзси. ассаваан̣иж̇аа яат̇аасабхаавамзва муулам̣ лабхид̇ваа хадтад̇удтаа аг̇амам̣су. рааж̇ааби б̣од̇хисад̇д̇асса оваад̣̇з тад̇ваа яат̇аагаммам̣ г̇ад̇о.
Evaṃ vatvā ca pana bodhisatto ‘‘mahārāja, raññā nāma atiluddhena na bhavitabbaṃ, parassa santakaṃ nāma nāsetuṃ na vaṭṭatī’’ti rājānaṃ ovaditvā asse agghāpetvā bhūtameva mūlaṃ dāpesi. Assavāṇijā yathāsabhāvameva mūlaṃ labhitvā haṭṭhatuṭṭhā agamaṃsu. Rājāpi bodhisattassa ovāde ṭhatvā yathākammaṃ gato.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа д̣̇вз ассаа имз д̣̇вз д̣̇удтабхигкуу ахзсум̣, рааж̇аа аананд̣̇о, бан̣д̣ид̇аамажжо бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā dve assā ime dve duṭṭhabhikkhū ahesuṃ, rājā ānando, paṇḍitāmacco pana ahameva ahosi’’nti.
сухануж̇аад̇агаван̣н̣анаа адтамаа.
Suhanujātakavaṇṇanā aṭṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 158. сухануж̇аад̇агам̣ • 158. Suhanujātakaṃ
