| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
6. сухзманд̇ад̇т̇зраг̇аат̇ааван̣н̣анаа
6. Suhemantattheragāthāvaṇṇanā
сад̇алин̇г̇асса ад̇т̇ассаад̇и ааяасмад̇о сухзманд̇ад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяам̣ бун̃н̃ам̣ убажинанд̇о ид̇о д̣̇ваанавуд̇з габбз д̇иссасса бхаг̇авад̇о гаалз ванажаро худ̇ваа ванз васад̇и, д̇ам̣ ануг̇г̇ахид̇ум̣ бхаг̇аваа аран̃н̃ам̣ бависид̇ваа д̇асса аасаннз таанз ан̃н̃ад̇арасмим̣ ругкамуулз нисийд̣̇и. со бхаг̇аванд̇ам̣ д̣̇исваа басаннажид̇д̇о суг̇анд̇хаани буннааг̇абубпаани ожинид̇ваа бхаг̇аванд̇ам̣ бууж̇зси. со д̇зна бун̃н̃агаммзна д̣̇звалогз ниб̣б̣ад̇д̇ид̇ваа абараабарам̣ бун̃н̃аани гад̇ваа д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з баарияанд̇ад̣̇зсз вибхавасамбаннасса б̣раахман̣асса буд̇д̇о худ̇ваа ниб̣б̣ад̇д̇и, сухзманд̇од̇исса наамам̣ ахоси. со вин̃н̃уд̇ам̣ бад̇д̇о сан̇гассанаг̇арз миг̇ад̣̇ааяз вихаранд̇ам̣ бхаг̇аванд̇ам̣ убасан̇гамид̇ваа д̇хаммам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа д̇збидаго худ̇ваа вибассанам̣ бадтабзд̇ваа нажирассзва чал̣абхин̃н̃о бадисамбхид̣̇аабад̇д̇о ахоси. д̇зна вуд̇д̇ам̣ абад̣̇аанз (аба. т̇зра 1.16.46-50) –
Sataliṅgassa atthassāti āyasmato suhemantattherassa gāthā. Kā uppatti? Ayampi purimabuddhesu katādhikāro tattha tattha bhave vivaṭṭūpanissayaṃ puññaṃ upacinanto ito dvānavute kappe tissassa bhagavato kāle vanacaro hutvā vane vasati, taṃ anuggahituṃ bhagavā araññaṃ pavisitvā tassa āsanne ṭhāne aññatarasmiṃ rukkhamūle nisīdi. So bhagavantaṃ disvā pasannacitto sugandhāni punnāgapupphāni ocinitvā bhagavantaṃ pūjesi. So tena puññakammena devaloke nibbattitvā aparāparaṃ puññāni katvā devamanussesu saṃsaranto imasmiṃ buddhuppāde pāriyantadese vibhavasampannassa brāhmaṇassa putto hutvā nibbatti, suhemantotissa nāmaṃ ahosi. So viññutaṃ patto saṅkassanagare migadāye viharantaṃ bhagavantaṃ upasaṅkamitvā dhammaṃ sutvā paṭiladdhasaddho pabbajitvā tepiṭako hutvā vipassanaṃ paṭṭhapetvā nacirasseva chaḷabhiñño paṭisambhidāpatto ahosi. Tena vuttaṃ apadāne (apa. thera 1.16.46-50) –
‘‘гаананам̣ ванамог̇аяха, васаами луд̣̇д̣̇аго ахам̣;
‘‘Kānanaṃ vanamogayha, vasāmi luddako ahaṃ;
буннааг̇ам̣ бубпид̇ам̣ д̣̇исваа, б̣уд̣̇д̇хасздтам̣ ануссарим̣.
Punnāgaṃ pupphitaṃ disvā, buddhaseṭṭhaṃ anussariṃ.
‘‘д̇ам̣ бубпам̣ ожинид̇ваана, суг̇анд̇хам̣ г̇анд̇хид̇ам̣ субхам̣;
‘‘Taṃ pupphaṃ ocinitvāna, sugandhaṃ gandhitaṃ subhaṃ;
т̇уубам̣ гарид̇ваа булинз, б̣уд̣̇д̇хасса абхиробаяим̣.
Thūpaṃ karitvā puline, buddhassa abhiropayiṃ.
‘‘д̣̇взнавуд̇з ид̇о габбз, яам̣ бубпамабхибууж̇аяим̣;
‘‘Dvenavute ito kappe, yaṃ pupphamabhipūjayiṃ;
д̣̇уг̇г̇ад̇им̣ наабхиж̇аанаами, б̣уд̣̇д̇хабууж̇ааяид̣̇ам̣ палам̣.
Duggatiṃ nābhijānāmi, buddhapūjāyidaṃ phalaṃ.
‘‘згамхи навуд̇з габбз, зго аасим̣ д̇амонуд̣̇о;
‘‘Ekamhi navute kappe, eko āsiṃ tamonudo;
сад̇д̇арад̇анасамбанно, жаггавад̇д̇ий махаб̣б̣ало.
Sattaratanasampanno, cakkavattī mahabbalo.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа звам̣ жинд̇зси – ‘‘маяаа ко яам̣ саавагзна бад̇д̇аб̣б̣ам̣, д̇ам̣ ануббад̇д̇ам̣, яам̣нуунаахам̣ ид̣̇аани бхигкуунам̣ ануг̇г̇ахам̣ гарзяяа’’нд̇и. звам̣ жинд̇зд̇ваа бабхиннабадисамбхид̣̇ад̇ааяа агилаасуд̇ааяа жа ад̇д̇ано санд̇игам̣ убаг̇ад̇з бхигкуу яат̇аарахам̣ овад̣̇анд̇о анусаасанд̇о ган̇кам̣ чинд̣̇анд̇о д̇хаммам̣ гат̇знд̇о гаммадтаанам̣ ниг̇г̇умб̣ам̣ ниж̇ж̇адам̣ гад̇ваа аажигканд̇о вихарад̇и. ат̇згад̣̇ивасам̣ ад̇д̇ано санд̇игам̣ убаг̇ад̇аанам̣ бхигкуунам̣ вин̃н̃уунан̃жа буг̇г̇алаанам̣ висзсам̣ аажигканд̇о –
Arahattaṃ pana patvā evaṃ cintesi – ‘‘mayā kho yaṃ sāvakena pattabbaṃ, taṃ anuppattaṃ, yaṃnūnāhaṃ idāni bhikkhūnaṃ anuggahaṃ kareyya’’nti. Evaṃ cintetvā pabhinnapaṭisambhidatāya akilāsutāya ca attano santikaṃ upagate bhikkhū yathārahaṃ ovadanto anusāsanto kaṅkhaṃ chindanto dhammaṃ kathento kammaṭṭhānaṃ niggumbaṃ nijjaṭaṃ katvā ācikkhanto viharati. Athekadivasaṃ attano santikaṃ upagatānaṃ bhikkhūnaṃ viññūnañca puggalānaṃ visesaṃ ācikkhanto –
106.
106.
‘‘сад̇алин̇г̇асса ад̇т̇асса, сад̇алагкан̣ад̇хаарино;
‘‘Sataliṅgassa atthassa, satalakkhaṇadhārino;
зган̇г̇ад̣̇ассий д̣̇уммзд̇хо, сад̇ад̣̇ассий жа бан̣д̣ид̇о’’д̇и. – г̇аат̇ам̣ абхааси;
Ekaṅgadassī dummedho, satadassī ca paṇḍito’’ti. – gāthaṃ abhāsi;
д̇ад̇т̇а сад̇алин̇г̇ассаад̇и лийнамад̇т̇ам̣ г̇амзнд̇ийд̇и лин̇г̇аани, ад̇т̇зсу сад̣̇д̣̇асса бавад̇д̇инимид̇д̇аани, д̇аани бана сад̇ам̣ анзгаани лин̇г̇аани зд̇ассаад̇и сад̇алин̇г̇о. анзгад̇т̇о хи ид̇ха сад̇асад̣̇д̣̇о, ‘‘сад̇ам̣ сахасса’’нд̇иаад̣̇ийсу вияа на сан̇кяаависзсад̇т̇о д̇асса сад̇алин̇г̇асса. ад̇т̇ассаад̇и н̃зяяасса, н̃зяяан̃хи н̃аан̣зна аран̣ийяад̇о ‘‘ад̇т̇о’’д̇и вужжад̇и. со жа згоби анзгалин̇г̇о, яат̇аа ‘‘сагго буринд̣̇ад̣̇о магхаваа’’д̇и, ‘‘бан̃н̃аа виж̇ж̇аа мзд̇хаа н̃аан̣а’’нд̇и жа. язна лин̇г̇зна бавад̇д̇инимид̇д̇зна д̇аавад̇им̣саад̇хибад̇имхи инд̣̇асад̣̇д̣̇о бавад̇д̇о, на д̇зна д̇ад̇т̇а саггаад̣̇исад̣̇д̣̇аа бавад̇д̇аа, ат̇а ко ан̃н̃зна. д̇ат̇аа язна саммаад̣̇идтимхи бан̃н̃аасад̣̇д̣̇о бавад̇д̇о, на д̇зна виж̇ж̇аад̣̇исад̣̇д̣̇аа. д̇зна вуд̇д̇ам̣ ‘‘сад̇алин̇г̇асса ад̇т̇ассаа’’д̇и.
Tattha sataliṅgassāti līnamatthaṃ gamentīti liṅgāni, atthesu saddassa pavattinimittāni, tāni pana sataṃ anekāni liṅgāni etassāti sataliṅgo. Anekattho hi idha satasaddo, ‘‘sataṃ sahassa’’ntiādīsu viya na saṅkhyāvisesattho tassa sataliṅgassa. Atthassāti ñeyyassa, ñeyyañhi ñāṇena araṇīyato ‘‘attho’’ti vuccati. So ca ekopi anekaliṅgo, yathā ‘‘sakko purindado maghavā’’ti, ‘‘paññā vijjā medhā ñāṇa’’nti ca. Yena liṅgena pavattinimittena tāvatiṃsādhipatimhi indasaddo pavatto, na tena tattha sakkādisaddā pavattā, atha kho aññena. Tathā yena sammādiṭṭhimhi paññāsaddo pavatto, na tena vijjādisaddā. Tena vuttaṃ ‘‘sataliṅgassa atthassā’’ti.
сад̇алагкан̣ад̇хааринод̇и анзгалагкан̣авад̇о. лагкийяад̇и зд̇знаад̇и лагкан̣ам̣, бажжаяабхаавино ад̇т̇асса ад̇д̇ано палам̣ бадижжа бажжаяабхааво, д̇зна хи со аяам̣ имасса гааран̣анд̇и лагкийяад̇и. со жа згассзва ад̇т̇асса анзгаббабхзд̣̇о убалаб̣бхад̇и , д̇знааха ‘‘сад̇алагкан̣ад̇хаарино’’д̇и. ат̇а ваа лагкийяанд̇ийд̇и лагкан̣аани, д̇асса д̇асса ад̇т̇асса сан̇кад̇ад̇аад̣̇аяо багаарависзсаа д̇з бана ад̇т̇ад̇о авад̇т̇аависзсаа взд̣̇ид̇аб̣б̣аа. д̇з жа бана д̇зсам̣ анижжад̇аад̣̇исааман̃н̃алагкан̣ам̣ лин̇г̇знд̇и н̃аабзнд̇ийд̇и ‘‘лин̇г̇ааний’’д̇и жа вужжанд̇и. д̇ассимз аагаараа, яасмаа згассааби ад̇т̇асса анзгз убалаб̣бханд̇и. д̇зна вуд̇д̇ам̣ ‘‘сад̇алин̇г̇асса ад̇т̇асса, сад̇алагкан̣ад̇хаарино’’д̇и. д̇знааха ааяасмаа д̇хаммасзнаабад̇и – ‘‘саб̣б̣з д̇хаммаа саб̣б̣аагаарзна б̣уд̣̇д̇хасса бхаг̇авад̇о н̃аан̣амукз аабаат̇ам̣ ааг̇ажчанд̇ий’’д̇и (махаани. 156; жуул̣ани. могхарааж̇амаан̣авабужчаанид̣̇д̣̇зса 85; бади. ма. 3.5).
Satalakkhaṇadhārinoti anekalakkhaṇavato. Lakkhīyati etenāti lakkhaṇaṃ, paccayabhāvino atthassa attano phalaṃ paṭicca paccayabhāvo, tena hi so ayaṃ imassa kāraṇanti lakkhīyati. So ca ekasseva atthassa anekappabhedo upalabbhati , tenāha ‘‘satalakkhaṇadhārino’’ti. Atha vā lakkhīyantīti lakkhaṇāni, tassa tassa atthassa saṅkhatatādayo pakāravisesā te pana atthato avatthāvisesā veditabbā. Te ca pana tesaṃ aniccatādisāmaññalakkhaṇaṃ liṅgenti ñāpentīti ‘‘liṅgānī’’ti ca vuccanti. Tassime ākārā, yasmā ekassāpi atthassa aneke upalabbhanti. Tena vuttaṃ ‘‘sataliṅgassa atthassa, satalakkhaṇadhārino’’ti. Tenāha āyasmā dhammasenāpati – ‘‘sabbe dhammā sabbākārena buddhassa bhagavato ñāṇamukhe āpāthaṃ āgacchantī’’ti (mahāni. 156; cūḷani. mogharājamāṇavapucchāniddesa 85; paṭi. ma. 3.5).
зган̇г̇ад̣̇ассий д̣̇уммзд̇ход̇и звам̣ анзгалин̇г̇з анзгалагкан̣з ад̇т̇з яо д̇ад̇т̇а зган̇г̇ад̣̇ассий абут̇убан̃н̃ад̇ааяа згалин̇г̇амад̇д̇ам̣ згалагкан̣амад̇д̇ан̃жа д̣̇исваа ад̇д̇анаа д̣̇идтамзва ‘‘ид̣̇амзва сажжа’’нд̇и абхинивисса ‘‘могхаман̃н̃а’’нд̇и ид̇арам̣ бадигкибад̇и, хад̇т̇ид̣̇ассанагаанд̇хо вияа зган̇г̇аг̇аахий д̣̇уммзд̇хо д̣̇уббан̃н̃о д̇ад̇т̇а виж̇ж̇амаанаанам̣язва багаарависзсаанам̣ аж̇аананад̇о мижчаа абхинивисанад̇о жа. сад̇ад̣̇ассий жа бан̣д̣ид̇од̇и бан̣д̣ид̇о бана д̇ад̇т̇а виж̇ж̇амаанз анзгзби багаарз ад̇д̇ано бан̃н̃аажагкунаа саб̣б̣асо бассад̇и. яо ваа д̇ад̇т̇а лаб̣бхамаанз анзгз бан̃н̃аажагкунаа ад̇д̇анааби бассад̇и, ан̃н̃зсамби д̣̇ассзд̇и багаасзд̇и, со бан̣д̣ид̇о вижагкан̣о ад̇т̇зсу гусало наамаад̇и. звам̣ т̇зро уггам̣саг̇ад̇ам̣ ад̇д̇ано бадисамбхид̣̇аасамбад̇д̇им̣ бхигкуунам̣ вибхаавзси.
Ekaṅgadassī dummedhoti evaṃ anekaliṅge anekalakkhaṇe atthe yo tattha ekaṅgadassī aputhupaññatāya ekaliṅgamattaṃ ekalakkhaṇamattañca disvā attanā diṭṭhameva ‘‘idameva sacca’’nti abhinivissa ‘‘moghamañña’’nti itaraṃ paṭikkhipati, hatthidassanakaandho viya ekaṅgagāhī dummedho duppañño tattha vijjamānānaṃyeva pakāravisesānaṃ ajānanato micchā abhinivisanato ca. Satadassī ca paṇḍitoti paṇḍito pana tattha vijjamāne anekepi pakāre attano paññācakkhunā sabbaso passati. Yo vā tattha labbhamāne aneke paññācakkhunā attanāpi passati, aññesampi dasseti pakāseti, so paṇḍito vicakkhaṇo atthesu kusalo nāmāti. Evaṃ thero ukkaṃsagataṃ attano paṭisambhidāsampattiṃ bhikkhūnaṃ vibhāvesi.
сухзманд̇ад̇т̇зраг̇аат̇ааван̣н̣анаа нидтид̇аа.
Suhemantattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 6. сухзманд̇ад̇т̇зраг̇аат̇аа • 6. Suhemantattheragāthā
