| Library / Tipiṭaka / д̇ибидага • Tipiṭaka / б̣уд̣̇д̇хавам̣са-адтагат̇аа • Buddhavaṃsa-aṭṭhakathā |
14. суж̇аад̇аб̣уд̣̇д̇хавам̣саван̣н̣анаа
14. Sujātabuddhavaṃsavaṇṇanā
д̇ад̇о д̇ассаабарабхааг̇з д̇асмим̣язва ман̣д̣агаббз анубуб̣б̣зна абаримид̇ааяугзсу сад̇д̇зсу ануггамзна барихааяид̇ваа навуд̇ивассасахассааяугзсу ж̇аад̇зсу суж̇аад̇аруубагааяо барисуд̣̇д̇хаж̇аад̇о суж̇аад̇о наама сад̇т̇аа логз уд̣̇абаад̣̇и. соби баарамияо буурзд̇ваа д̇усид̇абурз ниб̣б̣ад̇д̇ид̇ваа д̇ад̇о жавид̇ваа суман̇г̇аланаг̇арз уг̇г̇ад̇асса наама ран̃н̃о гулз бабхаавад̇ияаа наама аг̇г̇амахзсияаа гужчисмим̣ бадисанд̇хим̣ г̇ахзд̇ваа д̣̇асаннам̣ маасаанам̣ ажжаязна маад̇угужчид̇о нигками. наамаг̇г̇ахан̣ад̣̇ивасз жасса наамам̣ гаронд̇о сагалаж̇амб̣уд̣̇ийбз саб̣б̣асад̇д̇аанам̣ сукам̣ ж̇анаяанд̇о ж̇аад̇од̇и ‘‘суж̇аад̇о’’ д̇взвасса наамамагам̣су. со нававассасахассаани аг̇аарам̣ аж̇жхааваси. сирий убасирий сиринанд̣̇о жаад̇и д̇асса д̇аяо баасаад̣̇аа ахзсум̣. сирийнанд̣̇аад̣̇звиббамукаани д̇звийсад̇и ид̇т̇исахассаани бажжубадтид̇аани ахзсум̣.
Tato tassāparabhāge tasmiṃyeva maṇḍakappe anupubbena aparimitāyukesu sattesu anukkamena parihāyitvā navutivassasahassāyukesu jātesu sujātarūpakāyo parisuddhajāto sujāto nāma satthā loke udapādi. Sopi pāramiyo pūretvā tusitapure nibbattitvā tato cavitvā sumaṅgalanagare uggatassa nāma rañño kule pabhāvatiyā nāma aggamahesiyā kucchismiṃ paṭisandhiṃ gahetvā dasannaṃ māsānaṃ accayena mātukucchito nikkhami. Nāmaggahaṇadivase cassa nāmaṃ karonto sakalajambudīpe sabbasattānaṃ sukhaṃ janayanto jātoti ‘‘sujāto’’ tvevassa nāmamakaṃsu. So navavassasahassāni agāraṃ ajjhāvasi. Sirī upasirī sirinando cāti tassa tayo pāsādā ahesuṃ. Sirīnandādevippamukhāni tevīsati itthisahassāni paccupaṭṭhitāni ahesuṃ.
со жад̇д̇аари нимид̇д̇аани д̣̇исваа сирийнанд̣̇аад̣̇звияаа убасзнз наама буд̇д̇з уббаннз хам̣савахам̣ наама варад̇уран̇г̇амааруяха махаабхинигкаманам̣ нигкамид̇ваа баб̣б̣аж̇и. д̇ам̣ бана баб̣б̣аж̇анд̇ам̣ мануссаанам̣ годи анубаб̣б̣аж̇и. ат̇а со д̇зхи баривуд̇о нава маасз бад̇хаанажарияам̣ жарид̇ваа висаакабун̣н̣амааяа сирийнанд̣̇ананаг̇арз сирийнанд̣̇анасздтисса д̇хийд̇ааяа д̣̇иннам̣ барамамад̇хурам̣ мад̇хубааяаасам̣ барибхун̃ж̇ид̇ваа саалаванз д̣̇иваавихаарам̣ вийд̇инаамзд̇ваа сааяанхасамаяз сунанд̣̇ааж̇ийвагзна д̣̇иннаа адта д̇ин̣амудтияо г̇ахзд̇ваа взл̣уб̣од̇хим̣ убасан̇гамид̇ваа д̇зд̇д̇им̣сахад̇т̇авид̇т̇ад̇ам̣ д̇ин̣асант̇арам̣ сант̇арид̇ваа суурияз д̇харамаанзязва самаарам̣ маараб̣алам̣ вид̇хамид̇ваа саммаасамб̣од̇хим̣ бадивиж̇жхид̇ваа саб̣б̣аб̣уд̣̇д̇хаанужин̣н̣ам̣ уд̣̇аанам̣ уд̣̇аанзд̇ваа сад̇д̇асад̇д̇аахам̣ б̣од̇хисамийбзязва вийд̇инаамзд̇ваа б̣рахмунаа ааяаажид̇о ад̇д̇ано ганидтабхаад̇игам̣ суд̣̇ассанагумаарам̣ бурохид̇абуд̇д̇ам̣ д̣̇звагумааран̃жа жад̇усажжад̇хаммабадивзд̇хасамад̇т̇з д̣̇исваа аагаасзна г̇анд̇ваа суман̇г̇аланаг̇арасамийбз суман̇г̇алуяяаанз од̇арид̇ваа уяяаанабаалзна ад̇д̇ано бхаад̇игам̣ суд̣̇ассанагумаарам̣ бурохид̇абуд̇д̇ам̣ д̣̇звагумааран̃жа баггосаабзд̇ваа д̇зсам̣ сабариваараанам̣ маж̇жхз нисинно д̇хаммажаггам̣ бавад̇д̇зси. д̇ад̇т̇а асийд̇ияаа годийнам̣ д̇хаммаабхисамаяо ахоси. аяам̣ батамаабхисамаяо ахоси.
So cattāri nimittāni disvā sirīnandādeviyā upasene nāma putte uppanne haṃsavahaṃ nāma varaturaṅgamāruyha mahābhinikkhamanaṃ nikkhamitvā pabbaji. Taṃ pana pabbajantaṃ manussānaṃ koṭi anupabbaji. Atha so tehi parivuto nava māse padhānacariyaṃ caritvā visākhapuṇṇamāya sirīnandananagare sirīnandanaseṭṭhissa dhītāya dinnaṃ paramamadhuraṃ madhupāyāsaṃ paribhuñjitvā sālavane divāvihāraṃ vītināmetvā sāyanhasamaye sunandājīvakena dinnā aṭṭha tiṇamuṭṭhiyo gahetvā veḷubodhiṃ upasaṅkamitvā tettiṃsahatthavitthataṃ tiṇasantharaṃ santharitvā sūriye dharamāneyeva samāraṃ mārabalaṃ vidhamitvā sammāsambodhiṃ paṭivijjhitvā sabbabuddhānuciṇṇaṃ udānaṃ udānetvā sattasattāhaṃ bodhisamīpeyeva vītināmetvā brahmunā āyācito attano kaniṭṭhabhātikaṃ sudassanakumāraṃ purohitaputtaṃ devakumārañca catusaccadhammapaṭivedhasamatthe disvā ākāsena gantvā sumaṅgalanagarasamīpe sumaṅgaluyyāne otaritvā uyyānapālena attano bhātikaṃ sudassanakumāraṃ purohitaputtaṃ devakumārañca pakkosāpetvā tesaṃ saparivārānaṃ majjhe nisinno dhammacakkaṃ pavattesi. Tattha asītiyā koṭīnaṃ dhammābhisamayo ahosi. Ayaṃ paṭhamābhisamayo ahosi.
яад̣̇аа бана бхаг̇аваа суд̣̇ассануяяаанад̣̇ваарз махаасааламуулз яамагабаадихаарияам̣ гад̇ваа д̣̇звзсу д̇аавад̇им̣сзсу вассааваасам̣ убааг̇ами, д̇ад̣̇аа сад̇д̇ад̇д̇им̣сасад̇асахассаанам̣ д̇хаммаабхисамаяо ахоси. аяам̣ д̣̇уд̇ияо абхисамаяо ахоси. яад̣̇аа бана суж̇аад̇о д̣̇асаб̣ало бид̇усанд̇игам̣ аг̇амааси, д̇ад̣̇аа садтисад̇асахассаанам̣ д̇хаммаабхисамаяо ахоси. аяам̣ д̇ад̇ияо абхисамаяо ахоси. д̇зна вуд̇д̇ам̣ –
Yadā pana bhagavā sudassanuyyānadvāre mahāsālamūle yamakapāṭihāriyaṃ katvā devesu tāvatiṃsesu vassāvāsaṃ upāgami, tadā sattattiṃsasatasahassānaṃ dhammābhisamayo ahosi. Ayaṃ dutiyo abhisamayo ahosi. Yadā pana sujāto dasabalo pitusantikaṃ agamāsi, tadā saṭṭhisatasahassānaṃ dhammābhisamayo ahosi. Ayaṃ tatiyo abhisamayo ahosi. Tena vuttaṃ –
1.
1.
‘‘д̇ад̇т̇зва ман̣д̣агаббамхи, суж̇аад̇о наама нааяаго;
‘‘Tattheva maṇḍakappamhi, sujāto nāma nāyako;
сийхаханусабхагканд̇хо, аббамзяяо д̣̇ураасад̣̇о.
Sīhahanusabhakkhandho, appameyyo durāsado.
2.
2.
‘‘жанд̣̇ова вимало б̣уд̣̇д̇хо, сад̇арам̣сийва бад̇аабаваа;
‘‘Candova vimalo buddho, sataraṃsīva patāpavā;
звам̣ собхад̇и самб̣уд̣̇д̇хо, ж̇аланд̇о сирияаа сад̣̇аа.
Evaṃ sobhati sambuddho, jalanto siriyā sadā.
3.
3.
‘‘баабун̣ид̇ваана самб̣уд̣̇д̇хо, гзвалам̣ б̣од̇химуд̇д̇амам̣;
‘‘Pāpuṇitvāna sambuddho, kevalaṃ bodhimuttamaṃ;
суман̇г̇аламхи наг̇арз, д̇хаммажаггам̣ бавад̇д̇аяи.
Sumaṅgalamhi nagare, dhammacakkaṃ pavattayi.
4.
4.
‘‘д̣̇зсзнд̇з баварам̣ д̇хаммам̣, суж̇аад̇з логанааяагз;
‘‘Desente pavaraṃ dhammaṃ, sujāte lokanāyake;
асийд̇игодий абхисамим̣су, батамз д̇хаммад̣̇зсанз.
Asītikoṭī abhisamiṃsu, paṭhame dhammadesane.
5.
5.
‘‘яад̣̇аа суж̇аад̇о амид̇аяасо, д̣̇звз вассам̣ убааг̇ами;
‘‘Yadā sujāto amitayaso, deve vassaṃ upāgami;
сад̇д̇ад̇д̇им̣сасад̇асахассаанам̣, д̣̇уд̇ияаабхисамаяо аху.
Sattattiṃsasatasahassānaṃ, dutiyābhisamayo ahu.
6.
6.
‘‘яад̣̇аа суж̇аад̇о асамасамо, убаг̇ажчи бид̇усанд̇игам̣;
‘‘Yadā sujāto asamasamo, upagacchi pitusantikaṃ;
садтисад̇асахассаанам̣, д̇ад̇ияаабхисамаяо ахуу’’д̇и.
Saṭṭhisatasahassānaṃ, tatiyābhisamayo ahū’’ti.
д̇ад̇т̇а д̇ад̇т̇зва ман̣д̣агаббамхийд̇и яасмим̣ ман̣д̣агаббз сумзд̇хо бхаг̇аваа уббанно, д̇ад̇т̇зва габбз суж̇аад̇оби бхаг̇аваа уббаннод̇и ад̇т̇о. сийхаханууд̇и сийхасса вияа хану ассаад̇и сийхахану. сийхасса бана хздтимаханумзва бун̣н̣ам̣ ход̇и, на убаримам̣. асса бана махаабурисасса сийхасса хздтимахану вияа д̣̇взби барибун̣н̣аани д̣̇ваад̣̇асияам̣ багкасса жанд̣̇асад̣̇исаани хонд̇и. д̇зна вуд̇д̇ам̣ ‘‘сийхахануу’’д̇и. усабхагканд̇ход̇и усабхассзва самаббаваддагканд̇хо, суваддид̇асуван̣н̣аалин̇г̇асад̣̇исагканд̇ход̇и ад̇т̇о. сад̇арам̣сийваад̇и д̣̇ивасагаро вияа. сирияаад̇и б̣уд̣̇д̇хасирияаа. б̣од̇химуд̇д̇аманд̇и уд̇д̇амам̣ самб̣од̇хим̣.
Tattha tattheva maṇḍakappamhīti yasmiṃ maṇḍakappe sumedho bhagavā uppanno, tattheva kappe sujātopi bhagavā uppannoti attho. Sīhahanūti sīhassa viya hanu assāti sīhahanu. Sīhassa pana heṭṭhimahanumeva puṇṇaṃ hoti, na uparimaṃ. Assa pana mahāpurisassa sīhassa heṭṭhimahanu viya dvepi paripuṇṇāni dvādasiyaṃ pakkhassa candasadisāni honti. Tena vuttaṃ ‘‘sīhahanū’’ti. Usabhakkhandhoti usabhasseva samappavaṭṭakkhandho, suvaṭṭitasuvaṇṇāliṅgasadisakkhandhoti attho. Sataraṃsīvāti divasakaro viya. Siriyāti buddhasiriyā. Bodhimuttamanti uttamaṃ sambodhiṃ.
суд̇хаммавад̇ийнаг̇арз суд̇хаммуяяаанз ааг̇ад̇аанам̣ мануссаанам̣ д̇хаммам̣ д̣̇зсзд̇ваа садтисад̇асахассаани зхибхигкубхаавзна баб̣б̣ааж̇зд̇ваа д̇зсам̣ маж̇жхз баад̇имогкам̣ уд̣̇д̣̇иси, со батамо саннибаад̇о ахоси. д̇ад̇о барам̣ д̇ид̣̇иворохан̣з бхаг̇авад̇о бан̃н̃аасасад̇асахассаанам̣ д̣̇уд̇ияо саннибаад̇о ахоси. буна ‘‘суд̣̇ассанагумааро бхаг̇авад̇о санд̇игз баб̣б̣аж̇ид̇ваа арахад̇д̇ам̣ бад̇д̇о’’д̇и суд̇ваа ‘‘маяамби баб̣б̣аж̇иссаамаа’’д̇и ааг̇ад̇аани жад̇д̇аари бурисасад̇асахассаани г̇ахзд̇ваа суд̣̇ассанад̇т̇зро суж̇аад̇ам̣ нараасабхам̣ убасан̇гами. д̇зсам̣ бхаг̇аваа д̇хаммам̣ д̣̇зсзд̇ваа зхибхигкубаб̣б̣аж̇ж̇ааяа баб̣б̣ааж̇зд̇ваа жад̇уран̇г̇асаманнааг̇ад̇з саннибаад̇з баад̇имогкам̣ уд̣̇д̣̇иси, со д̇ад̇ияо саннибаад̇о ахоси. д̇зна вуд̇д̇ам̣ –
Sudhammavatīnagare sudhammuyyāne āgatānaṃ manussānaṃ dhammaṃ desetvā saṭṭhisatasahassāni ehibhikkhubhāvena pabbājetvā tesaṃ majjhe pātimokkhaṃ uddisi, so paṭhamo sannipāto ahosi. Tato paraṃ tidivorohaṇe bhagavato paññāsasatasahassānaṃ dutiyo sannipāto ahosi. Puna ‘‘sudassanakumāro bhagavato santike pabbajitvā arahattaṃ patto’’ti sutvā ‘‘mayampi pabbajissāmā’’ti āgatāni cattāri purisasatasahassāni gahetvā sudassanatthero sujātaṃ narāsabhaṃ upasaṅkami. Tesaṃ bhagavā dhammaṃ desetvā ehibhikkhupabbajjāya pabbājetvā caturaṅgasamannāgate sannipāte pātimokkhaṃ uddisi, so tatiyo sannipāto ahosi. Tena vuttaṃ –
7.
7.
‘‘саннибаад̇аа д̇аяо аасум̣, суж̇аад̇асса махзсино;
‘‘Sannipātā tayo āsuṃ, sujātassa mahesino;
кийн̣аасаваанам̣ вималаанам̣, санд̇ажид̇д̇аана д̇аад̣̇инам̣.
Khīṇāsavānaṃ vimalānaṃ, santacittāna tādinaṃ.
8.
8.
‘‘абхин̃н̃ааб̣алаббад̇д̇аанам̣, аббад̇д̇аанам̣ бхаваабхавз;
‘‘Abhiññābalappattānaṃ, appattānaṃ bhavābhave;
садтисад̇асахассаани, батамам̣ саннибад̇им̣су д̇з.
Saṭṭhisatasahassāni, paṭhamaṃ sannipatiṃsu te.
9.
9.
‘‘бунаабарам̣ саннибаад̇з, д̇ид̣̇иворохан̣з ж̇инз;
‘‘Punāparaṃ sannipāte, tidivorohaṇe jine;
бан̃н̃аасасад̇асахассаанам̣, д̣̇уд̇ияо ааси самааг̇амо.
Paññāsasatasahassānaṃ, dutiyo āsi samāgamo.
10.
10.
‘‘убасан̇гаманд̇о нараасабхам̣, суд̣̇ассано аг̇г̇асааваго;
‘‘Upasaṅkamanto narāsabhaṃ, sudassano aggasāvako;
жад̇уухи сад̇асахассзхи, самб̣уд̣̇д̇хам̣ убасан̇гамий’’д̇и.
Catūhi satasahassehi, sambuddhaṃ upasaṅkamī’’ti.
д̇ад̇т̇а аббад̇д̇аананд̇и бхаваабхавз асамбад̇д̇аананд̇и ад̇т̇о. ‘‘аббавад̇д̇аа бхаваабхавз’’д̇иби баато, соязвад̇т̇о. д̇ид̣̇иворохан̣зд̇и саг̇г̇алогад̇о од̇аранд̇з гад̇д̇угаарагз д̣̇адтаб̣б̣о. гаарагавибаллаасзна вуд̇д̇ам̣. ат̇а ваа д̇ид̣̇иворохан̣зд̇и д̇ид̣̇ивад̇о од̇аран̣з. ж̇инзд̇и ж̇инасса, саамиад̇т̇з бхуммам̣ д̣̇адтаб̣б̣ам̣.
Tattha appattānanti bhavābhave asampattānanti attho. ‘‘Appavattā bhavābhave’’tipi pāṭho, soyevattho. Tidivorohaṇeti saggalokato otarante kattukārake daṭṭhabbo. Kārakavipallāsena vuttaṃ. Atha vā tidivorohaṇeti tidivato otaraṇe. Jineti jinassa, sāmiatthe bhummaṃ daṭṭhabbaṃ.
д̇ад̣̇аа гира амхаагам̣ б̣од̇хисад̇д̇о жаггавад̇д̇ирааж̇аа худ̇ваа ‘‘б̣уд̣̇д̇хо логз уббанно’’д̇и суд̇ваа бхаг̇аванд̇ам̣ убасан̇гамид̇ваа д̇хаммагат̇ам̣ суд̇ваа б̣уд̣̇д̇хаббамукасса бхигкусан̇гхасса сад̇д̇ахи рад̇анзхи сад̣̇д̇хим̣ жад̇умахаад̣̇ийбараж̇ж̇ам̣ д̣̇ад̇ваа сад̇т̇у санд̇игз баб̣б̣аж̇и. сагалад̣̇ийбаваасино ж̇анаа радтуббаад̣̇ам̣ г̇ахзд̇ваа аараамигагижжам̣ саад̇хзд̇ваа б̣уд̣̇д̇хаббамукасса сан̇гхасса нижжам̣ махаад̣̇аанамад̣̇ам̣су. соби нам̣ сад̇т̇аа – ‘‘анааг̇ад̇з г̇од̇амо наама б̣уд̣̇д̇хо бхависсад̇ий’’д̇и б̣яаагааси. д̇зна вуд̇д̇ам̣ –
Tadā kira amhākaṃ bodhisatto cakkavattirājā hutvā ‘‘buddho loke uppanno’’ti sutvā bhagavantaṃ upasaṅkamitvā dhammakathaṃ sutvā buddhappamukhassa bhikkhusaṅghassa sattahi ratanehi saddhiṃ catumahādīparajjaṃ datvā satthu santike pabbaji. Sakaladīpavāsino janā raṭṭhuppādaṃ gahetvā ārāmikakiccaṃ sādhetvā buddhappamukhassa saṅghassa niccaṃ mahādānamadaṃsu. Sopi naṃ satthā – ‘‘anāgate gotamo nāma buddho bhavissatī’’ti byākāsi. Tena vuttaṃ –
11.
11.
‘‘ахам̣ д̇зна самаязна, жад̇уд̣̇ийбамхи иссаро;
‘‘Ahaṃ tena samayena, catudīpamhi issaro;
анд̇алигкажаро аасим̣, жаггавад̇д̇ий махаб̣б̣ало.
Antalikkhacaro āsiṃ, cakkavattī mahabbalo.
13.
13.
‘‘жад̇уд̣̇ийбз махаараж̇ж̇ам̣ рад̇анз сад̇д̇а уд̇д̇амз;
‘‘Catudīpe mahārajjaṃ ratane satta uttame;
б̣уд̣̇д̇хз нияяаад̇аяид̇ваана, баб̣б̣аж̇им̣ д̇асса санд̇игз.
Buddhe niyyātayitvāna, pabbajiṃ tassa santike.
14.
14.
‘‘аараамигаа ж̇анабад̣̇з, удтаанам̣ бадибин̣д̣ияа;
‘‘Ārāmikā janapade, uṭṭhānaṃ paṭipiṇḍiya;
убанзнд̇и бхигкусан̇гхасса, бажжаяам̣ саяанаасанам̣.
Upanenti bhikkhusaṅghassa, paccayaṃ sayanāsanaṃ.
15.
15.
‘‘соби мам̣ б̣уд̣̇д̇хо б̣яаагааси, д̣̇асасахассимхи иссаро;
‘‘Sopi maṃ buddho byākāsi, dasasahassimhi issaro;
д̇им̣сагаббасахассамхи, аяам̣ б̣уд̣̇д̇хо бхависсад̇и.
Tiṃsakappasahassamhi, ayaṃ buddho bhavissati.
16.
16.
‘‘бад̇хаанам̣ бад̣̇ахид̇ваана…бз… хзссаама саммукаа имам̣.
‘‘Padhānaṃ padahitvāna…pe… hessāma sammukhā imaṃ.
17.
17.
‘‘д̇ассааби жаванам̣ суд̇ваа, бхияяо хаасам̣ ж̇анзсахам̣;
‘‘Tassāpi cavanaṃ sutvā, bhiyyo hāsaṃ janesahaṃ;
ад̇хидтахим̣ вад̇ам̣ уг̇г̇ам̣, д̣̇асабаарамибуурияаа.
Adhiṭṭhahiṃ vataṃ uggaṃ, dasapāramipūriyā.
18.
18.
‘‘суд̇д̇анд̇ам̣ винаяан̃жааби, наван̇г̇ам̣ сад̇т̇усаасанам̣;
‘‘Suttantaṃ vinayañcāpi, navaṅgaṃ satthusāsanaṃ;
саб̣б̣ам̣ барияаабун̣ид̇ваана, собхаяим̣ ж̇инасаасанам̣.
Sabbaṃ pariyāpuṇitvāna, sobhayiṃ jinasāsanaṃ.
19.
19.
‘‘д̇ад̇т̇аббамад̇д̇о вихаранд̇о, б̣рахмам̣ бхаавзд̇ва бхааванам̣;
‘‘Tatthappamatto viharanto, brahmaṃ bhāvetva bhāvanaṃ;
абхин̃н̃аабаарамим̣ г̇анд̇ваа, б̣рахмалогамаг̇ан̃чаха’’нд̇и.
Abhiññāpāramiṃ gantvā, brahmalokamagañchaha’’nti.
д̇ад̇т̇а жад̇уд̣̇ийбамхийд̇и сабариваарад̣̇ийбаанам̣ жад̇уннам̣ махаад̣̇ийбаананд̇и ад̇т̇о. анд̇алигкажарод̇и жаггарад̇анам̣ бурагкад̇ваа аагаасажаро. рад̇анз сад̇д̇аад̇и хад̇т̇ирад̇анаад̣̇ийни сад̇д̇а рад̇анаани. уд̇д̇амзд̇и уд̇д̇амаани. ат̇а ваа уд̇д̇амз б̣уд̣̇д̇хзд̇и ад̇т̇о д̣̇адтаб̣б̣о. нияяаад̇аяид̇ваанаад̇и д̣̇ад̇ваана. удтаананд̇и радтуббаад̣̇ам̣, ааяанд̇и ад̇т̇о. бадибин̣д̣ияаад̇и раасим̣ гад̇ваа сам̣гад̣дхид̇ваа. бажжаяанд̇и жийвараад̣̇ививид̇хам̣ бажжаяам̣. д̣̇асасахассимхи иссарод̇и д̣̇асасахассилогад̇хаад̇уяам̣ иссаро, д̇ад̣̇зд̇ам̣ ж̇аад̇игкзд̇д̇ам̣ санд̇хааяа вуд̇д̇анд̇и взд̣̇ид̇аб̣б̣ам̣. ананд̇аанам̣ логад̇хаад̇уунам̣ иссаро бхаг̇аваа. д̇им̣сагаббасахассамхийд̇и ид̇о бадтааяа д̇им̣сагаббасахассаанам̣ мад̇т̇агзд̇и ад̇т̇о.
Tattha catudīpamhīti saparivāradīpānaṃ catunnaṃ mahādīpānanti attho. Antalikkhacaroti cakkaratanaṃ purakkhatvā ākāsacaro. Ratane sattāti hatthiratanādīni satta ratanāni. Uttameti uttamāni. Atha vā uttame buddheti attho daṭṭhabbo. Niyyātayitvānāti datvāna. Uṭṭhānanti raṭṭhuppādaṃ, āyanti attho. Paṭipiṇḍiyāti rāsiṃ katvā saṃkaḍḍhitvā. Paccayanti cīvarādivividhaṃ paccayaṃ. Dasasahassimhi issaroti dasasahassilokadhātuyaṃ issaro, tadetaṃ jātikkhettaṃ sandhāya vuttanti veditabbaṃ. Anantānaṃ lokadhātūnaṃ issaro bhagavā. Tiṃsakappasahassamhīti ito paṭṭhāya tiṃsakappasahassānaṃ matthaketi attho.
д̇асса бана суж̇аад̇асса бхаг̇авад̇о суман̇г̇алам̣ наама наг̇арам̣ ахоси, уг̇г̇ад̇о наама рааж̇аа бид̇аа, бабхаавад̇ий наама маад̇аа, суд̣̇ассано жа суд̣̇зво жа д̣̇вз аг̇г̇асаавагаа, наарад̣̇о наамубадтааго, нааг̇аа жа нааг̇асамаалаа жа д̣̇вз аг̇г̇асаавигаа, махаавзл̣уругко б̣од̇хи, со гира манд̣̇ажчид̣̇д̣̇о гханагканд̇хо барамараман̣ийяо взл̣урияаман̣иван̣н̣зхи вималзхи бад̇д̇зхи сан̃чаннавибуласаако маяуурабин̃чагалаабо вияа вирожид̇т̇а. д̇асса бана бхаг̇авад̇о сарийрам̣ бан̣н̣аасахад̇т̇уб̣б̣зд̇хам̣ ахоси, ааяу навуд̇ивассасахассаани, сирийнанд̣̇аа наамасса аг̇г̇амахзсий, убасзно наама буд̇д̇о. д̇уран̇г̇авараяаанзна нигками. со бана жанд̣̇авад̇ийнаг̇арз силаараамз бариниб̣б̣ааяи. д̇зна вуд̇д̇ам̣ –
Tassa pana sujātassa bhagavato sumaṅgalaṃ nāma nagaraṃ ahosi, uggato nāma rājā pitā, pabhāvatī nāma mātā, sudassano ca sudevo ca dve aggasāvakā, nārado nāmupaṭṭhāko, nāgā ca nāgasamālā ca dve aggasāvikā, mahāveḷurukkho bodhi, so kira mandacchiddo ghanakkhandho paramaramaṇīyo veḷuriyamaṇivaṇṇehi vimalehi pattehi sañchannavipulasākho mayūrapiñchakalāpo viya virocittha. Tassa pana bhagavato sarīraṃ paṇṇāsahatthubbedhaṃ ahosi, āyu navutivassasahassāni, sirīnandā nāmassa aggamahesī, upaseno nāma putto. Turaṅgavarayānena nikkhami. So pana candavatīnagare silārāme parinibbāyi. Tena vuttaṃ –
20.
20.
‘‘суман̇г̇алам̣ наама наг̇арам̣, уг̇г̇ад̇о наама кад̇д̇ияо;
‘‘Sumaṅgalaṃ nāma nagaraṃ, uggato nāma khattiyo;
маад̇аа бабхаавад̇ий наама, суж̇аад̇асса махзсино.
Mātā pabhāvatī nāma, sujātassa mahesino.
25.
25.
‘‘суд̣̇ассано суд̣̇зво жа, ахзсум̣ аг̇г̇асаавагаа;
‘‘Sudassano sudevo ca, ahesuṃ aggasāvakā;
наарад̣̇о наамубадтааго, суж̇аад̇асса махзсино.
Nārado nāmupaṭṭhāko, sujātassa mahesino.
26.
26.
‘‘нааг̇о жа нааг̇асамаалаа жа, ахзсум̣ аг̇г̇асаавигаа;
‘‘Nāgo ca nāgasamālā ca, ahesuṃ aggasāvikā;
б̣од̇хи д̇асса бхаг̇авад̇о, махаавзл̣ууд̇и вужжад̇и.
Bodhi tassa bhagavato, mahāveḷūti vuccati.
27.
27.
‘‘со жа ругко гханагканд̇хо, ажчид̣̇д̣̇о ход̇и бад̇д̇иго;
‘‘So ca rukkho ghanakkhandho, acchiddo hoti pattiko;
уж̇у вам̣со б̣рахаа ход̇и, д̣̇ассанийяо манорамо.
Uju vaṃso brahā hoti, dassanīyo manoramo.
28.
28.
‘‘згагканд̇хо бавад̣дхид̇ваа, д̇ад̇о саакаа бабхиж̇ж̇ад̇и;
‘‘Ekakkhandho pavaḍḍhitvā, tato sākhā pabhijjati;
яат̇аа суб̣ад̣̇д̇хо морахад̇т̇о, звам̣ собхад̇и со д̣̇умо.
Yathā subaddho morahattho, evaṃ sobhati so dumo.
29.
29.
‘‘на д̇асса ган̣дагаа хонд̇и, нааби чид̣̇д̣̇ам̣ махаа аху;
‘‘Na tassa kaṇṭakā honti, nāpi chiddaṃ mahā ahu;
вид̇т̇ин̣н̣асаако авирало, санд̣̇ажчааяо манорамо.
Vitthiṇṇasākho aviralo, sandacchāyo manoramo.
31.
31.
‘‘бан̃н̃аасарад̇ано ааси, ужжад̇д̇анзна со ж̇ино;
‘‘Paññāsaratano āsi, uccattanena so jino;
саб̣б̣аагаараваруубзд̇о, саб̣б̣аг̇ун̣амубааг̇ад̇о.
Sabbākāravarūpeto, sabbaguṇamupāgato.
32.
32.
‘‘д̇асса бабхаа асамасамаа, нид̣̇д̇хаавад̇и саманд̇ад̇о;
‘‘Tassa pabhā asamasamā, niddhāvati samantato;
аббамаан̣о ад̇улияо, обаммзхи ануубамо.
Appamāṇo atuliyo, opammehi anūpamo.
33.
33.
‘‘навуд̇ивассасахассаани, ааяу виж̇ж̇ад̇и д̇аавад̣̇з;
‘‘Navutivassasahassāni, āyu vijjati tāvade;
д̇аавад̇аа д̇идтамаано со, д̇аарзси ж̇анад̇ам̣ б̣ахум̣.
Tāvatā tiṭṭhamāno so, tāresi janataṃ bahuṃ.
34.
34.
‘‘яат̇ааби сааг̇арз уумий, г̇аг̇анз д̇аарагаа яат̇аа;
‘‘Yathāpi sāgare ūmī, gagane tārakā yathā;
звам̣ д̇ад̣̇аа бааважанам̣, араханд̇зхи жид̇д̇ид̇ам̣.
Evaṃ tadā pāvacanaṃ, arahantehi cittitaṃ.
35.
35.
‘‘со жа б̣уд̣̇д̇хо асамасамо, г̇ун̣аани жа д̇аани ад̇улияаани;
‘‘So ca buddho asamasamo, guṇāni ca tāni atuliyāni;
саб̣б̣ам̣ д̇аманд̇арахид̇ам̣, нану рид̇д̇аа саб̣б̣асан̇каараа’’д̇и.
Sabbaṃ tamantarahitaṃ, nanu rittā sabbasaṅkhārā’’ti.
д̇ад̇т̇а ажчид̣̇д̣̇од̇и аббажчид̣̇д̣̇о. ‘‘ануд̣̇араа ган̃н̃аа’’д̇иаад̣̇ийсу вияа д̣̇адтаб̣б̣ам̣. гзжи ‘‘чид̣̇д̣̇ам̣ ход̇и барид̇д̇ага’’нд̇и батанд̇и. бад̇д̇игод̇и б̣ахубад̇д̇о, гаажаман̣иван̣н̣зхи бад̇д̇зхи сан̃чаннод̇и ад̇т̇о. уж̇ууд̇и аван̇го агудило. вам̣сод̇и взл̣у. б̣рахаад̇и саманд̇ад̇о махаа. згагканд̇ход̇и аванирухо зго ад̣̇уд̇ияо жаад̇и ад̇т̇о. бавад̣дхид̇ваад̇и вад̣дхид̇ваа. д̇ад̇о саакаа бабхиж̇ж̇ад̇ийд̇и д̇ад̇о вам̣саг̇г̇ад̇о бан̃жавид̇хаа саакаа нигкамид̇ваа бабхиж̇ж̇ид̇т̇а. ‘‘д̇ад̇о саакаа бабхиж̇ж̇ат̇аа’’д̇иби баато. суб̣ад̣̇д̇ход̇и судту бан̃жаб̣анд̇ханаагаарзна б̣ад̣̇д̇хо. морахад̇т̇од̇и аад̇абасаннивааран̣ад̇т̇ам̣ гад̇о б̣ад̣̇д̇хо морабин̃чагалаабо вужжад̇и.
Tattha acchiddoti appacchiddo. ‘‘Anudarā kaññā’’tiādīsu viya daṭṭhabbaṃ. Keci ‘‘chiddaṃ hoti parittaka’’nti paṭhanti. Pattikoti bahupatto, kācamaṇivaṇṇehi pattehi sañchannoti attho. Ujūti avaṅko akuṭilo. Vaṃsoti veḷu. Brahāti samantato mahā. Ekakkhandhoti avaniruho eko adutiyo cāti attho. Pavaḍḍhitvāti vaḍḍhitvā. Tato sākhā pabhijjatīti tato vaṃsaggato pañcavidhā sākhā nikkhamitvā pabhijjittha. ‘‘Tato sākhā pabhijjathā’’tipi pāṭho. Subaddhoti suṭṭhu pañcabandhanākārena baddho. Morahatthoti ātapasannivāraṇatthaṃ kato baddho morapiñchakalāpo vuccati.
на д̇асса ган̣дагаа хонд̇ийд̇и д̇асса вам̣сасса ган̣дагиноби ругкасса ган̣дагаа наахзсум̣. авиралод̇и авираласаакаасан̃чанно. санд̣̇ажчааяод̇и гханажчааяо, авиралад̇д̇аава санд̣̇ажчааяод̇и вуд̇д̇о. бан̃н̃аасарад̇ано аасийд̇и бан̃н̃аасахад̇т̇о ахоси. саб̣б̣аагаараваруубзд̇од̇и саб̣б̣зна аагаарзна варзхиязва убзд̇о саб̣б̣аагаараваруубзд̇о наама. саб̣б̣аг̇ун̣амубааг̇ад̇од̇и ананд̇арабад̣̇ассзва взважанамад̇д̇ам̣.
Na tassa kaṇṭakā hontīti tassa vaṃsassa kaṇṭakinopi rukkhassa kaṇṭakā nāhesuṃ. Aviraloti aviralasākhāsañchanno. Sandacchāyoti ghanacchāyo, aviralattāva sandacchāyoti vutto. Paññāsaratano āsīti paññāsahattho ahosi. Sabbākāravarūpetoti sabbena ākārena varehiyeva upeto sabbākāravarūpeto nāma. Sabbaguṇamupāgatoti anantarapadasseva vevacanamattaṃ.
аббамаан̣од̇и бамаан̣арахид̇о, бамаан̣ам̣ г̇ахзд̇ум̣ асаггун̣зяяад̇д̇аа ваа аббамаан̣о. ад̇улияод̇и ад̇уло, гзнажи асад̣̇исод̇и ад̇т̇о. обаммзхийд̇и убамид̇аб̣б̣зхи. ануубамод̇и убамаарахид̇о, ‘‘иминаа жа иминаа жа сад̣̇исо’’д̇и вад̇д̇ум̣ асаггун̣зяяабхаавад̇о ануубамод̇и ад̇т̇о. г̇ун̣аани жа д̇аанийд̇и г̇ун̣аа жа д̇з, саб̣б̣ан̃н̃уд̇ан̃н̃аан̣аад̣̇аяо г̇ун̣аад̇и ад̇т̇о. лин̇г̇авибаллаасзна вуд̇д̇ам̣. сзсам̣ саб̣б̣ад̇т̇а уд̇д̇аанад̇т̇амзваад̇и.
Appamāṇoti pamāṇarahito, pamāṇaṃ gahetuṃ asakkuṇeyyattā vā appamāṇo. Atuliyoti atulo, kenaci asadisoti attho. Opammehīti upamitabbehi. Anūpamoti upamārahito, ‘‘iminā ca iminā ca sadiso’’ti vattuṃ asakkuṇeyyabhāvato anūpamoti attho. Guṇānica tānīti guṇā ca te, sabbaññutaññāṇādayo guṇāti attho. Liṅgavipallāsena vuttaṃ. Sesaṃ sabbattha uttānatthamevāti.
суж̇аад̇аб̣уд̣̇д̇хавам̣саван̣н̣анаа нидтид̇аа.
Sujātabuddhavaṃsavaṇṇanā niṭṭhitā.
нидтид̇о д̣̇ваад̣̇асамо б̣уд̣̇д̇хавам̣со.
Niṭṭhito dvādasamo buddhavaṃso.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / б̣уд̣̇д̇хавам̣сабаал̣и • Buddhavaṃsapāḷi / 14. суж̇аад̇аб̣уд̣̇д̇хавам̣со • 14. Sujātabuddhavaṃso
