| Library / Tipiṭaka / д̇ибидага • Tipiṭaka / б̣уд̣̇д̇хавам̣сабаал̣и • Buddhavaṃsapāḷi |
14. суж̇аад̇аб̣уд̣̇д̇хавам̣со
14. Sujātabuddhavaṃso
1.
1.
д̇ад̇т̇зва ман̣д̣агаббамхи, суж̇аад̇о наама нааяаго;
Tattheva maṇḍakappamhi, sujāto nāma nāyako;
сийхаханусабхагканд̇хо, аббамзяяо д̣̇ураасад̣̇о.
Sīhahanusabhakkhandho, appameyyo durāsado.
2.
2.
жанд̣̇ова вимало суд̣̇д̇хо, сад̇арам̣сийва бад̇аабаваа;
Candova vimalo suddho, sataraṃsīva patāpavā;
звам̣ собхад̇и самб̣уд̣̇д̇хо, ж̇аланд̇о сирияаа сад̣̇аа.
Evaṃ sobhati sambuddho, jalanto siriyā sadā.
3.
3.
баабун̣ид̇ваана самб̣уд̣̇д̇хо, гзвалам̣ б̣од̇химуд̇д̇амам̣;
Pāpuṇitvāna sambuddho, kevalaṃ bodhimuttamaṃ;
суман̇г̇аламхи наг̇арз, д̇хаммажаггам̣ бавад̇д̇аяи.
Sumaṅgalamhi nagare, dhammacakkaṃ pavattayi.
4.
4.
асийд̇игодий абхисамим̣су, батамз д̇хаммад̣̇зсанз.
Asītikoṭī abhisamiṃsu, paṭhame dhammadesane.
5.
5.
яад̣̇аа суж̇аад̇о амид̇аяасо, д̣̇звз вассам̣ убааг̇ами;
Yadā sujāto amitayaso, deve vassaṃ upāgami;
сад̇д̇ад̇им̣сасад̇асахассаанам̣, д̣̇уд̇ияаабхисамаяо аху.
Sattatiṃsasatasahassānaṃ, dutiyābhisamayo ahu.
6.
6.
яад̣̇аа суж̇аад̇о асамасамо, убаг̇ажчи бид̇усанд̇игам̣;
Yadā sujāto asamasamo, upagacchi pitusantikaṃ;
7.
7.
саннибаад̇аа д̇аяо аасум̣, суж̇аад̇асса махзсино;
Sannipātā tayo āsuṃ, sujātassa mahesino;
кийн̣аасаваанам̣ вималаанам̣, санд̇ажид̇д̇аана д̇аад̣̇инам̣.
Khīṇāsavānaṃ vimalānaṃ, santacittāna tādinaṃ.
8.
8.
абхин̃н̃ааб̣алаббад̇д̇аанам̣ , аббад̇д̇аанам̣ бхаваабхавз;
Abhiññābalappattānaṃ , appattānaṃ bhavābhave;
садтисад̇асахассаани, батамам̣ саннибад̇им̣су д̇з.
Saṭṭhisatasahassāni, paṭhamaṃ sannipatiṃsu te.
9.
9.
бунаабарам̣ саннибаад̇з, д̇ид̣̇иворохан̣з ж̇инз;
Punāparaṃ sannipāte, tidivorohaṇe jine;
бан̃н̃аасасад̇асахассаанам̣, д̣̇уд̇ияо ааси самааг̇амо.
Paññāsasatasahassānaṃ, dutiyo āsi samāgamo.
10.
10.
убасан̇гаманд̇о нараасабхам̣, д̇асса яо аг̇г̇асааваго;
Upasaṅkamanto narāsabhaṃ, tassa yo aggasāvako;
жад̇уухи сад̇асахассзхи, самб̣уд̣̇д̇хам̣ убасан̇гами.
Catūhi satasahassehi, sambuddhaṃ upasaṅkami.
11.
11.
ахам̣ д̇зна самаязна, жад̇уд̣̇ийбамхи иссаро;
Ahaṃ tena samayena, catudīpamhi issaro;
анд̇алигкажаро аасим̣, жаггавад̇д̇ий махаб̣б̣ало.
Antalikkhacaro āsiṃ, cakkavattī mahabbalo.
12.
12.
логз ажчарияам̣ д̣̇исваа, аб̣бхуд̇ам̣ ломахам̣санам̣;
Loke acchariyaṃ disvā, abbhutaṃ lomahaṃsanaṃ;
убаг̇анд̇ваана ванд̣̇им̣ со, суж̇аад̇ам̣ логанааяагам̣.
Upagantvāna vandiṃ so, sujātaṃ lokanāyakaṃ.
13.
13.
жад̇уд̣̇ийбз махаараж̇ж̇ам̣, рад̇анз сад̇д̇а уд̇д̇амз;
Catudīpe mahārajjaṃ, ratane satta uttame;
б̣уд̣̇д̇хз нияяаад̣̇аяид̇ваана, баб̣б̣аж̇им̣ д̇асса санд̇игз.
Buddhe niyyādayitvāna, pabbajiṃ tassa santike.
14.
14.
аараамигаа ж̇анабад̣̇з, удтаанам̣ бадибин̣д̣ияа;
Ārāmikā janapade, uṭṭhānaṃ paṭipiṇḍiya;
убанзнд̇и бхигкусан̇гхасса, бажжаяам̣ саяанаасанам̣.
Upanenti bhikkhusaṅghassa, paccayaṃ sayanāsanaṃ.
15.
15.
соби мам̣ б̣уд̣̇д̇хо 7 б̣яаагааси, д̣̇асасахассимхи иссаро;
Sopi maṃ buddho 8 byākāsi, dasasahassimhi issaro;
‘‘д̇им̣сагаббасахассамхи, аяам̣ б̣уд̣̇д̇хо бхависсад̇и.
‘‘Tiṃsakappasahassamhi, ayaṃ buddho bhavissati.
16.
16.
‘‘бад̇хаанам̣ бад̣̇ахид̇ваана…бз… хзссаама саммукаа имам̣’’.
‘‘Padhānaṃ padahitvāna…pe… hessāma sammukhā imaṃ’’.
17.
17.
д̇ассааби важанам̣ суд̇ваа, бхияяо хаасам̣ ж̇анзсахам̣;
Tassāpi vacanaṃ sutvā, bhiyyo hāsaṃ janesahaṃ;
ад̇хидтахим̣ вад̇ам̣ уг̇г̇ам̣, д̣̇асабаарамибуурияаа.
Adhiṭṭhahiṃ vataṃ uggaṃ, dasapāramipūriyā.
18.
18.
суд̇д̇анд̇ам̣ винаяан̃жааби, наван̇г̇ам̣ сад̇т̇усаасанам̣;
Suttantaṃ vinayañcāpi, navaṅgaṃ satthusāsanaṃ;
саб̣б̣ам̣ барияаабун̣ид̇ваана, собхаяим̣ ж̇инасаасанам̣.
Sabbaṃ pariyāpuṇitvāna, sobhayiṃ jinasāsanaṃ.
19.
19.
д̇ад̇т̇аббамад̇д̇о вихаранд̇о, б̣рахмам̣ бхаавзд̇ва бхааванам̣;
Tatthappamatto viharanto, brahmaṃ bhāvetva bhāvanaṃ;
абхин̃н̃аабаарамим̣ г̇анд̇ваа, б̣рахмалогамаг̇ан̃чахам̣.
Abhiññāpāramiṃ gantvā, brahmalokamagañchahaṃ.
20.
20.
суман̇г̇алам̣ наама наг̇арам̣, уг̇г̇ад̇о наама кад̇д̇ияо;
Sumaṅgalaṃ nāma nagaraṃ, uggato nāma khattiyo;
маад̇аа бабхаавад̇ий наама, суж̇аад̇асса махзсино.
Mātā pabhāvatī nāma, sujātassa mahesino.
21.
21.
нававассасахассаани , аг̇аарам̣ аж̇жха со васи;
Navavassasahassāni , agāraṃ ajjha so vasi;
сирий убасирий нанд̣̇о, д̇аяо баасаад̣̇амуд̇д̇амаа.
Sirī upasirī nando, tayo pāsādamuttamā.
22.
22.
д̇звийсад̇исахассаани , наарияо самалан̇гад̇аа;
Tevīsatisahassāni , nāriyo samalaṅkatā;
сиринанд̣̇аа наама наарий, убасзно наама ад̇раж̇о.
Sirinandā nāma nārī, upaseno nāma atrajo.
23.
23.
нимид̇д̇з жад̇уро д̣̇исваа, ассаяаанзна нигками;
Nimitte caturo disvā, assayānena nikkhami;
ануунанавамаасаани, бад̇хаанам̣ бад̣̇ахий ж̇ино.
Anūnanavamāsāni, padhānaṃ padahī jino.
24.
24.
б̣рахмунаа яаажид̇о санд̇о, суж̇аад̇о логанааяаго;
Brahmunā yācito santo, sujāto lokanāyako;
вад̇д̇и жаггам̣ махаавийро, суман̇г̇алуяяаанамуд̇д̇амз.
Vatti cakkaṃ mahāvīro, sumaṅgaluyyānamuttame.
25.
25.
суд̣̇ассано суд̣̇зво жа, ахзсум̣ аг̇г̇асаавагаа;
Sudassano sudevo ca, ahesuṃ aggasāvakā;
наарад̣̇о наамубадтааго, суж̇аад̇асса махзсино.
Nārado nāmupaṭṭhāko, sujātassa mahesino.
26.
26.
нааг̇аа жа нааг̇асамаалаа жа, ахзсум̣ аг̇г̇асаавигаа;
Nāgā ca nāgasamālā ca, ahesuṃ aggasāvikā;
б̣од̇хи д̇асса бхаг̇авад̇о, махаавзл̣ууд̇и вужжад̇и.
Bodhi tassa bhagavato, mahāveḷūti vuccati.
27.
27.
со жа ругко гханагканд̇хо 9, ажчид̣̇д̣̇о ход̇и бад̇д̇иго;
So ca rukkho ghanakkhandho 10, acchiddo hoti pattiko;
уж̇у вам̣со б̣рахаа ход̇и, д̣̇ассанийяо манорамо.
Uju vaṃso brahā hoti, dassanīyo manoramo.
28.
28.
згагканд̇хо бавад̣дхид̇ваа, д̇ад̇о саакаа бабхиж̇ж̇ад̇и;
Ekakkhandho pavaḍḍhitvā, tato sākhā pabhijjati;
яат̇аа суб̣ад̣̇д̇хо морахад̇т̇о, звам̣ собхад̇и со д̣̇умо.
Yathā subaddho morahattho, evaṃ sobhati so dumo.
29.
29.
на д̇асса ган̣дагаа хонд̇и, нааби чид̣̇д̣̇ам̣ махаа аху;
Na tassa kaṇṭakā honti, nāpi chiddaṃ mahā ahu;
вид̇т̇ин̣н̣асаако авирало, санд̣̇ажчааяо манорамо.
Vitthiṇṇasākho aviralo, sandacchāyo manoramo.
30.
30.
суд̣̇ад̇д̇о жзва жид̇д̇о жа, ахзсум̣ аг̇г̇убадтагаа;
Sudatto ceva citto ca, ahesuṃ aggupaṭṭhakā;
субхад̣̇д̣̇аа жа бад̣̇умаа жа, ахзсум̣ аг̇г̇убадтигаа.
Subhaddā ca padumā ca, ahesuṃ aggupaṭṭhikā.
31.
31.
бан̃н̃аасарад̇ано ааси, ужжад̇д̇анзна со ж̇ино;
Paññāsaratano āsi, uccattanena so jino;
саб̣б̣аагаараваруубзд̇о, саб̣б̣аг̇ун̣амубааг̇ад̇о.
Sabbākāravarūpeto, sabbaguṇamupāgato.
32.
32.
д̇асса бабхаа асамасамаа, нид̣̇д̇хаавад̇и саманд̇ад̇о;
Tassa pabhā asamasamā, niddhāvati samantato;
аббамаан̣о ад̇улияо, обаммзхи ануубамо.
Appamāṇo atuliyo, opammehi anūpamo.
33.
33.
навуд̇ивассасахассаани , ааяу виж̇ж̇ад̇и д̇аавад̣̇з;
Navutivassasahassāni , āyu vijjati tāvade;
д̇аавад̇аа д̇идтамаано со, д̇аарзси ж̇анад̇ам̣ б̣ахум̣.
Tāvatā tiṭṭhamāno so, tāresi janataṃ bahuṃ.
34.
34.
яат̇ааби сааг̇арз уумий, г̇аг̇анз д̇аарагаа яат̇аа;
Yathāpi sāgare ūmī, gagane tārakā yathā;
звам̣ д̇ад̣̇аа бааважанам̣, араханд̇зхи жид̇д̇ид̇ам̣ 11.
Evaṃ tadā pāvacanaṃ, arahantehi cittitaṃ 12.
35.
35.
со жа б̣уд̣̇д̇хо асамасамо, г̇ун̣аани жа д̇аани ад̇улияаани;
So ca buddho asamasamo, guṇāni ca tāni atuliyāni;
саб̣б̣ам̣ д̇аманд̇арахид̇ам̣, нану рид̇д̇аа саб̣б̣асан̇каараа.
Sabbaṃ tamantarahitaṃ, nanu rittā sabbasaṅkhārā.
36.
36.
суж̇аад̇о ж̇инаваро б̣уд̣̇д̇хо, силаараамамхи ниб̣б̣уд̇о;
Sujāto jinavaro buddho, silārāmamhi nibbuto;
д̇ад̇т̇зва д̇асса жзд̇ияо 13, д̇ийн̣иг̇аавуд̇амуг̇г̇ад̇од̇и.
Tattheva tassa cetiyo 14, tīṇigāvutamuggatoti.
суж̇аад̇асса бхаг̇авад̇о вам̣со д̣̇ваад̣̇асамо.
Sujātassa bhagavato vaṃso dvādasamo.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / б̣уд̣̇д̇хавам̣са-адтагат̇аа • Buddhavaṃsa-aṭṭhakathā / 14. суж̇аад̇аб̣уд̣̇д̇хавам̣саван̣н̣анаа • 14. Sujātabuddhavaṃsavaṇṇanā
