| Library / Tipiṭaka / ತಿಪಿಟಕ • Tipiṭaka / ಬುದ್ಧವಂಸಪಾಳಿ • Buddhavaṃsapāḷi |
೧೪. ಸುಜಾತಬುದ್ಧವಂಸೋ
14. Sujātabuddhavaṃso
೧.
1.
ತತ್ಥೇವ ಮಣ್ಡಕಪ್ಪಮ್ಹಿ, ಸುಜಾತೋ ನಾಮ ನಾಯಕೋ।
Tattheva maṇḍakappamhi, sujāto nāma nāyako;
ಸೀಹಹನುಸಭಕ್ಖನ್ಧೋ, ಅಪ್ಪಮೇಯ್ಯೋ ದುರಾಸದೋ॥
Sīhahanusabhakkhandho, appameyyo durāsado.
೨.
2.
ಚನ್ದೋವ ವಿಮಲೋ ಸುದ್ಧೋ, ಸತರಂಸೀವ ಪತಾಪವಾ।
Candova vimalo suddho, sataraṃsīva patāpavā;
ಏವಂ ಸೋಭತಿ ಸಮ್ಬುದ್ಧೋ, ಜಲನ್ತೋ ಸಿರಿಯಾ ಸದಾ॥
Evaṃ sobhati sambuddho, jalanto siriyā sadā.
೩.
3.
ಪಾಪುಣಿತ್ವಾನ ಸಮ್ಬುದ್ಧೋ, ಕೇವಲಂ ಬೋಧಿಮುತ್ತಮಂ।
Pāpuṇitvāna sambuddho, kevalaṃ bodhimuttamaṃ;
ಸುಮಙ್ಗಲಮ್ಹಿ ನಗರೇ, ಧಮ್ಮಚಕ್ಕಂ ಪವತ್ತಯಿ॥
Sumaṅgalamhi nagare, dhammacakkaṃ pavattayi.
೪.
4.
ಅಸೀತಿಕೋಟೀ ಅಭಿಸಮಿಂಸು, ಪಠಮೇ ಧಮ್ಮದೇಸನೇ॥
Asītikoṭī abhisamiṃsu, paṭhame dhammadesane.
೫.
5.
ಯದಾ ಸುಜಾತೋ ಅಮಿತಯಸೋ, ದೇವೇ ವಸ್ಸಂ ಉಪಾಗಮಿ।
Yadā sujāto amitayaso, deve vassaṃ upāgami;
ಸತ್ತತಿಂಸಸತಸಹಸ್ಸಾನಂ, ದುತಿಯಾಭಿಸಮಯೋ ಅಹು॥
Sattatiṃsasatasahassānaṃ, dutiyābhisamayo ahu.
೬.
6.
ಯದಾ ಸುಜಾತೋ ಅಸಮಸಮೋ, ಉಪಗಚ್ಛಿ ಪಿತುಸನ್ತಿಕಂ।
Yadā sujāto asamasamo, upagacchi pitusantikaṃ;
೭.
7.
ಸನ್ನಿಪಾತಾ ತಯೋ ಆಸುಂ, ಸುಜಾತಸ್ಸ ಮಹೇಸಿನೋ।
Sannipātā tayo āsuṃ, sujātassa mahesino;
ಖೀಣಾಸವಾನಂ ವಿಮಲಾನಂ, ಸನ್ತಚಿತ್ತಾನ ತಾದಿನಂ॥
Khīṇāsavānaṃ vimalānaṃ, santacittāna tādinaṃ.
೮.
8.
ಅಭಿಞ್ಞಾಬಲಪ್ಪತ್ತಾನಂ , ಅಪ್ಪತ್ತಾನಂ ಭವಾಭವೇ।
Abhiññābalappattānaṃ , appattānaṃ bhavābhave;
ಸಟ್ಠಿಸತಸಹಸ್ಸಾನಿ, ಪಠಮಂ ಸನ್ನಿಪತಿಂಸು ತೇ॥
Saṭṭhisatasahassāni, paṭhamaṃ sannipatiṃsu te.
೯.
9.
ಪುನಾಪರಂ ಸನ್ನಿಪಾತೇ, ತಿದಿವೋರೋಹಣೇ ಜಿನೇ।
Punāparaṃ sannipāte, tidivorohaṇe jine;
ಪಞ್ಞಾಸಸತಸಹಸ್ಸಾನಂ, ದುತಿಯೋ ಆಸಿ ಸಮಾಗಮೋ॥
Paññāsasatasahassānaṃ, dutiyo āsi samāgamo.
೧೦.
10.
ಉಪಸಙ್ಕಮನ್ತೋ ನರಾಸಭಂ, ತಸ್ಸ ಯೋ ಅಗ್ಗಸಾವಕೋ।
Upasaṅkamanto narāsabhaṃ, tassa yo aggasāvako;
ಚತೂಹಿ ಸತಸಹಸ್ಸೇಹಿ, ಸಮ್ಬುದ್ಧಂ ಉಪಸಙ್ಕಮಿ॥
Catūhi satasahassehi, sambuddhaṃ upasaṅkami.
೧೧.
11.
ಅಹಂ ತೇನ ಸಮಯೇನ, ಚತುದೀಪಮ್ಹಿ ಇಸ್ಸರೋ।
Ahaṃ tena samayena, catudīpamhi issaro;
ಅನ್ತಲಿಕ್ಖಚರೋ ಆಸಿಂ, ಚಕ್ಕವತ್ತೀ ಮಹಬ್ಬಲೋ॥
Antalikkhacaro āsiṃ, cakkavattī mahabbalo.
೧೨.
12.
ಲೋಕೇ ಅಚ್ಛರಿಯಂ ದಿಸ್ವಾ, ಅಬ್ಭುತಂ ಲೋಮಹಂಸನಂ।
Loke acchariyaṃ disvā, abbhutaṃ lomahaṃsanaṃ;
ಉಪಗನ್ತ್ವಾನ ವನ್ದಿಂ ಸೋ, ಸುಜಾತಂ ಲೋಕನಾಯಕಂ॥
Upagantvāna vandiṃ so, sujātaṃ lokanāyakaṃ.
೧೩.
13.
ಚತುದೀಪೇ ಮಹಾರಜ್ಜಂ, ರತನೇ ಸತ್ತ ಉತ್ತಮೇ।
Catudīpe mahārajjaṃ, ratane satta uttame;
ಬುದ್ಧೇ ನಿಯ್ಯಾದಯಿತ್ವಾನ, ಪಬ್ಬಜಿಂ ತಸ್ಸ ಸನ್ತಿಕೇ॥
Buddhe niyyādayitvāna, pabbajiṃ tassa santike.
೧೪.
14.
ಆರಾಮಿಕಾ ಜನಪದೇ, ಉಟ್ಠಾನಂ ಪಟಿಪಿಣ್ಡಿಯ।
Ārāmikā janapade, uṭṭhānaṃ paṭipiṇḍiya;
ಉಪನೇನ್ತಿ ಭಿಕ್ಖುಸಙ್ಘಸ್ಸ, ಪಚ್ಚಯಂ ಸಯನಾಸನಂ॥
Upanenti bhikkhusaṅghassa, paccayaṃ sayanāsanaṃ.
೧೫.
15.
‘‘ತಿಂಸಕಪ್ಪಸಹಸ್ಸಮ್ಹಿ, ಅಯಂ ಬುದ್ಧೋ ಭವಿಸ್ಸತಿ॥
‘‘Tiṃsakappasahassamhi, ayaṃ buddho bhavissati.
೧೬.
16.
‘‘ಪಧಾನಂ ಪದಹಿತ್ವಾನ…ಪೇ॰… ಹೇಸ್ಸಾಮ ಸಮ್ಮುಖಾ ಇಮಂ’’॥
‘‘Padhānaṃ padahitvāna…pe… hessāma sammukhā imaṃ’’.
೧೭.
17.
ತಸ್ಸಾಪಿ ವಚನಂ ಸುತ್ವಾ, ಭಿಯ್ಯೋ ಹಾಸಂ ಜನೇಸಹಂ।
Tassāpi vacanaṃ sutvā, bhiyyo hāsaṃ janesahaṃ;
ಅಧಿಟ್ಠಹಿಂ ವತಂ ಉಗ್ಗಂ, ದಸಪಾರಮಿಪೂರಿಯಾ॥
Adhiṭṭhahiṃ vataṃ uggaṃ, dasapāramipūriyā.
೧೮.
18.
ಸುತ್ತನ್ತಂ ವಿನಯಞ್ಚಾಪಿ, ನವಙ್ಗಂ ಸತ್ಥುಸಾಸನಂ।
Suttantaṃ vinayañcāpi, navaṅgaṃ satthusāsanaṃ;
ಸಬ್ಬಂ ಪರಿಯಾಪುಣಿತ್ವಾನ, ಸೋಭಯಿಂ ಜಿನಸಾಸನಂ॥
Sabbaṃ pariyāpuṇitvāna, sobhayiṃ jinasāsanaṃ.
೧೯.
19.
ತತ್ಥಪ್ಪಮತ್ತೋ ವಿಹರನ್ತೋ, ಬ್ರಹ್ಮಂ ಭಾವೇತ್ವ ಭಾವನಂ।
Tatthappamatto viharanto, brahmaṃ bhāvetva bhāvanaṃ;
ಅಭಿಞ್ಞಾಪಾರಮಿಂ ಗನ್ತ್ವಾ, ಬ್ರಹ್ಮಲೋಕಮಗಞ್ಛಹಂ॥
Abhiññāpāramiṃ gantvā, brahmalokamagañchahaṃ.
೨೦.
20.
ಸುಮಙ್ಗಲಂ ನಾಮ ನಗರಂ, ಉಗ್ಗತೋ ನಾಮ ಖತ್ತಿಯೋ।
Sumaṅgalaṃ nāma nagaraṃ, uggato nāma khattiyo;
ಮಾತಾ ಪಭಾವತೀ ನಾಮ, ಸುಜಾತಸ್ಸ ಮಹೇಸಿನೋ॥
Mātā pabhāvatī nāma, sujātassa mahesino.
೨೧.
21.
ನವವಸ್ಸಸಹಸ್ಸಾನಿ , ಅಗಾರಂ ಅಜ್ಝ ಸೋ ವಸಿ।
Navavassasahassāni , agāraṃ ajjha so vasi;
ಸಿರೀ ಉಪಸಿರೀ ನನ್ದೋ, ತಯೋ ಪಾಸಾದಮುತ್ತಮಾ॥
Sirī upasirī nando, tayo pāsādamuttamā.
೨೨.
22.
ತೇವೀಸತಿಸಹಸ್ಸಾನಿ , ನಾರಿಯೋ ಸಮಲಙ್ಕತಾ।
Tevīsatisahassāni , nāriyo samalaṅkatā;
ಸಿರಿನನ್ದಾ ನಾಮ ನಾರೀ, ಉಪಸೇನೋ ನಾಮ ಅತ್ರಜೋ॥
Sirinandā nāma nārī, upaseno nāma atrajo.
೨೩.
23.
ನಿಮಿತ್ತೇ ಚತುರೋ ದಿಸ್ವಾ, ಅಸ್ಸಯಾನೇನ ನಿಕ್ಖಮಿ।
Nimitte caturo disvā, assayānena nikkhami;
ಅನೂನನವಮಾಸಾನಿ, ಪಧಾನಂ ಪದಹೀ ಜಿನೋ॥
Anūnanavamāsāni, padhānaṃ padahī jino.
೨೪.
24.
ಬ್ರಹ್ಮುನಾ ಯಾಚಿತೋ ಸನ್ತೋ, ಸುಜಾತೋ ಲೋಕನಾಯಕೋ।
Brahmunā yācito santo, sujāto lokanāyako;
ವತ್ತಿ ಚಕ್ಕಂ ಮಹಾವೀರೋ, ಸುಮಙ್ಗಲುಯ್ಯಾನಮುತ್ತಮೇ॥
Vatti cakkaṃ mahāvīro, sumaṅgaluyyānamuttame.
೨೫.
25.
ಸುದಸ್ಸನೋ ಸುದೇವೋ ಚ, ಅಹೇಸುಂ ಅಗ್ಗಸಾವಕಾ।
Sudassano sudevo ca, ahesuṃ aggasāvakā;
ನಾರದೋ ನಾಮುಪಟ್ಠಾಕೋ, ಸುಜಾತಸ್ಸ ಮಹೇಸಿನೋ॥
Nārado nāmupaṭṭhāko, sujātassa mahesino.
೨೬.
26.
ನಾಗಾ ಚ ನಾಗಸಮಾಲಾ ಚ, ಅಹೇಸುಂ ಅಗ್ಗಸಾವಿಕಾ।
Nāgā ca nāgasamālā ca, ahesuṃ aggasāvikā;
ಬೋಧಿ ತಸ್ಸ ಭಗವತೋ, ಮಹಾವೇಳೂತಿ ವುಚ್ಚತಿ॥
Bodhi tassa bhagavato, mahāveḷūti vuccati.
೨೭.
27.
ಸೋ ಚ ರುಕ್ಖೋ ಘನಕ್ಖನ್ಧೋ 9, ಅಚ್ಛಿದ್ದೋ ಹೋತಿ ಪತ್ತಿಕೋ।
So ca rukkho ghanakkhandho 10, acchiddo hoti pattiko;
ಉಜು ವಂಸೋ ಬ್ರಹಾ ಹೋತಿ, ದಸ್ಸನೀಯೋ ಮನೋರಮೋ॥
Uju vaṃso brahā hoti, dassanīyo manoramo.
೨೮.
28.
ಏಕಕ್ಖನ್ಧೋ ಪವಡ್ಢಿತ್ವಾ, ತತೋ ಸಾಖಾ ಪಭಿಜ್ಜತಿ।
Ekakkhandho pavaḍḍhitvā, tato sākhā pabhijjati;
ಯಥಾ ಸುಬದ್ಧೋ ಮೋರಹತ್ಥೋ, ಏವಂ ಸೋಭತಿ ಸೋ ದುಮೋ॥
Yathā subaddho morahattho, evaṃ sobhati so dumo.
೨೯.
29.
ನ ತಸ್ಸ ಕಣ್ಟಕಾ ಹೋನ್ತಿ, ನಾಪಿ ಛಿದ್ದಂ ಮಹಾ ಅಹು।
Na tassa kaṇṭakā honti, nāpi chiddaṃ mahā ahu;
ವಿತ್ಥಿಣ್ಣಸಾಖೋ ಅವಿರಲೋ, ಸನ್ದಚ್ಛಾಯೋ ಮನೋರಮೋ॥
Vitthiṇṇasākho aviralo, sandacchāyo manoramo.
೩೦.
30.
ಸುದತ್ತೋ ಚೇವ ಚಿತ್ತೋ ಚ, ಅಹೇಸುಂ ಅಗ್ಗುಪಟ್ಠಕಾ।
Sudatto ceva citto ca, ahesuṃ aggupaṭṭhakā;
ಸುಭದ್ದಾ ಚ ಪದುಮಾ ಚ, ಅಹೇಸುಂ ಅಗ್ಗುಪಟ್ಠಿಕಾ॥
Subhaddā ca padumā ca, ahesuṃ aggupaṭṭhikā.
೩೧.
31.
ಪಞ್ಞಾಸರತನೋ ಆಸಿ, ಉಚ್ಚತ್ತನೇನ ಸೋ ಜಿನೋ।
Paññāsaratano āsi, uccattanena so jino;
ಸಬ್ಬಾಕಾರವರೂಪೇತೋ, ಸಬ್ಬಗುಣಮುಪಾಗತೋ॥
Sabbākāravarūpeto, sabbaguṇamupāgato.
೩೨.
32.
ತಸ್ಸ ಪಭಾ ಅಸಮಸಮಾ, ನಿದ್ಧಾವತಿ ಸಮನ್ತತೋ।
Tassa pabhā asamasamā, niddhāvati samantato;
ಅಪ್ಪಮಾಣೋ ಅತುಲಿಯೋ, ಓಪಮ್ಮೇಹಿ ಅನೂಪಮೋ॥
Appamāṇo atuliyo, opammehi anūpamo.
೩೩.
33.
ನವುತಿವಸ್ಸಸಹಸ್ಸಾನಿ , ಆಯು ವಿಜ್ಜತಿ ತಾವದೇ।
Navutivassasahassāni , āyu vijjati tāvade;
ತಾವತಾ ತಿಟ್ಠಮಾನೋ ಸೋ, ತಾರೇಸಿ ಜನತಂ ಬಹುಂ॥
Tāvatā tiṭṭhamāno so, tāresi janataṃ bahuṃ.
೩೪.
34.
ಯಥಾಪಿ ಸಾಗರೇ ಊಮೀ, ಗಗನೇ ತಾರಕಾ ಯಥಾ।
Yathāpi sāgare ūmī, gagane tārakā yathā;
೩೫.
35.
ಸೋ ಚ ಬುದ್ಧೋ ಅಸಮಸಮೋ, ಗುಣಾನಿ ಚ ತಾನಿ ಅತುಲಿಯಾನಿ।
So ca buddho asamasamo, guṇāni ca tāni atuliyāni;
ಸಬ್ಬಂ ತಮನ್ತರಹಿತಂ, ನನು ರಿತ್ತಾ ಸಬ್ಬಸಙ್ಖಾರಾ॥
Sabbaṃ tamantarahitaṃ, nanu rittā sabbasaṅkhārā.
೩೬.
36.
ಸುಜಾತೋ ಜಿನವರೋ ಬುದ್ಧೋ, ಸಿಲಾರಾಮಮ್ಹಿ ನಿಬ್ಬುತೋ।
Sujāto jinavaro buddho, silārāmamhi nibbuto;
ಸುಜಾತಸ್ಸ ಭಗವತೋ ವಂಸೋ ದ್ವಾದಸಮೋ।
Sujātassa bhagavato vaṃso dvādasamo.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಬುದ್ಧವಂಸ-ಅಟ್ಠಕಥಾ • Buddhavaṃsa-aṭṭhakathā / ೧೪. ಸುಜಾತಬುದ್ಧವಂಸವಣ್ಣನಾ • 14. Sujātabuddhavaṃsavaṇṇanā
