| Library / Tipiṭaka / д̇ибидага • Tipiṭaka / т̇зрийг̇аат̇аа-адтагат̇аа • Therīgāthā-aṭṭhakathā |
4. суж̇аад̇аат̇зрийг̇аат̇ааван̣н̣анаа
4. Sujātātherīgāthāvaṇṇanā
алан̇гад̇аа сувасанаад̇иаад̣̇игаа суж̇аад̇ааяа т̇зрияаа г̇аат̇аа. аяамби буримаб̣уд̣̇д̇хзсу гад̇аад̇хигаараа д̇ад̇т̇а д̇ад̇т̇а бхавз виваддуубаниссаяам̣ гусалам̣ убажинанд̇ий ануггамзна самбхад̇авимогкасамбхаараа худ̇ваа имасмим̣ б̣уд̣̇д̇хуббаад̣̇з саагзд̇анаг̇арз сздтигулз ниб̣б̣ад̇д̇ид̇ваа ваяаббад̇д̇аа маад̇аабид̇уухи самаанаж̇аад̇игасса сздтибуд̇д̇асса д̣̇иннаа худ̇ваа бад̇игулам̣ г̇ад̇аа. д̇ад̇т̇а д̇зна сад̣̇д̇хим̣ сукасам̣ваасам̣ васанд̇ий згад̣̇ивасам̣ уяяаанам̣ г̇анд̇ваа нагкад̇д̇агийл̣ам̣ гийл̣ид̇ваа бариж̇анзна сад̣̇д̇хим̣ наг̇арам̣ ааг̇ажчанд̇ий ан̃ж̇анаванз сад̇т̇аарам̣ д̣̇исваа басаннамаанасаа убасан̇гамид̇ваа ванд̣̇ид̇ваа згаманд̇ам̣ нисийд̣̇и. сад̇т̇аа д̇ассаа анубуб̣б̣им̣ гат̇ам̣ гат̇зд̇ваа галлажид̇д̇ад̇ам̣ н̃ад̇ваа убари саамуггам̣сигам̣ д̇хаммад̣̇зсанам̣ багаасзси. саа д̣̇зсанаавасаанз ад̇д̇ано гад̇аад̇хигаарад̇ааяа н̃аан̣асса барибаагам̣ г̇ад̇ад̇д̇аа жа , сад̇т̇у жа д̣̇зсанаавилаасзна яат̇аанисиннаава саха бадисамбхид̣̇аахи арахад̇д̇ам̣ бад̇ваа сад̇т̇аарам̣ ванд̣̇ид̇ваа г̇зхам̣ г̇анд̇ваа саамиган̃жа маад̇аабид̇аро жа ануж̇аанаабзд̇ваа сад̇т̇уаан̣ааяа бхигкунубассаяам̣ г̇анд̇ваа бхигкунийнам̣ санд̇игз баб̣б̣аж̇и. баб̣б̣аж̇ид̇ваа жа ад̇д̇ано бадибад̇д̇им̣ бажжавзгкид̇ваа уд̣̇аанавасзна –
Alaṅkatā suvasanātiādikā sujātāya theriyā gāthā. Ayampi purimabuddhesu katādhikārā tattha tattha bhave vivaṭṭūpanissayaṃ kusalaṃ upacinantī anukkamena sambhatavimokkhasambhārā hutvā imasmiṃ buddhuppāde sāketanagare seṭṭhikule nibbattitvā vayappattā mātāpitūhi samānajātikassa seṭṭhiputtassa dinnā hutvā patikulaṃ gatā. Tattha tena saddhiṃ sukhasaṃvāsaṃ vasantī ekadivasaṃ uyyānaṃ gantvā nakkhattakīḷaṃ kīḷitvā parijanena saddhiṃ nagaraṃ āgacchantī añjanavane satthāraṃ disvā pasannamānasā upasaṅkamitvā vanditvā ekamantaṃ nisīdi. Satthā tassā anupubbiṃ kathaṃ kathetvā kallacittataṃ ñatvā upari sāmukkaṃsikaṃ dhammadesanaṃ pakāsesi. Sā desanāvasāne attano katādhikāratāya ñāṇassa paripākaṃ gatattā ca , satthu ca desanāvilāsena yathānisinnāva saha paṭisambhidāhi arahattaṃ patvā satthāraṃ vanditvā gehaṃ gantvā sāmikañca mātāpitaro ca anujānāpetvā satthuāṇāya bhikkhunupassayaṃ gantvā bhikkhunīnaṃ santike pabbaji. Pabbajitvā ca attano paṭipattiṃ paccavekkhitvā udānavasena –
145.
145.
‘‘алан̇гад̇аа сувасанаа, маалиний жанд̣̇аногкид̇аа;
‘‘Alaṅkatā suvasanā, mālinī candanokkhitā;
саб̣б̣аабхаран̣асан̃чаннаа, д̣̇аасийг̇ан̣абурагкад̇аа.
Sabbābharaṇasañchannā, dāsīgaṇapurakkhatā.
146.
146.
‘‘аннам̣ баанан̃жа аад̣̇ааяа, каж̇ж̇ам̣ бхож̇ж̇ам̣ анаббагам̣;
‘‘Annaṃ pānañca ādāya, khajjaṃ bhojjaṃ anappakaṃ;
г̇зхад̇о нигкамид̇ваана, уяяаанамабхихаараяим̣.
Gehato nikkhamitvāna, uyyānamabhihārayiṃ.
147.
147.
‘‘д̇ад̇т̇а рамид̇ваа гийл̣ид̇ваа, ааг̇ажчанд̇ий сагам̣ гхарам̣;
‘‘Tattha ramitvā kīḷitvā, āgacchantī sakaṃ gharaṃ;
вихаарам̣ д̣̇адтум̣ баависим̣, саагзд̇з ан̃ж̇анам̣ ванам̣.
Vihāraṃ daṭṭhuṃ pāvisiṃ, sākete añjanaṃ vanaṃ.
148.
148.
‘‘д̣̇исваана логабаж̇ж̇од̇ам̣, ванд̣̇ид̇ваана убаависим̣;
‘‘Disvāna lokapajjotaṃ, vanditvāna upāvisiṃ;
со мз д̇хаммамад̣̇зсзси, анугамбааяа жагкумаа.
So me dhammamadesesi, anukampāya cakkhumā.
149.
149.
‘‘суд̇ваа жа ко махзсисса, сажжам̣ самбадивиж̇жхахам̣;
‘‘Sutvā ca kho mahesissa, saccaṃ sampaṭivijjhahaṃ;
д̇ад̇т̇зва вираж̇ам̣ д̇хаммам̣, пусаяим̣ амад̇ам̣ бад̣̇ам̣.
Tattheva virajaṃ dhammaṃ, phusayiṃ amataṃ padaṃ.
150.
150.
‘‘д̇ад̇о вин̃н̃аад̇асад̣̇д̇хаммаа, баб̣б̣аж̇им̣ анаг̇аарияам̣;
‘‘Tato viññātasaddhammā, pabbajiṃ anagāriyaṃ;
д̇иссо виж̇ж̇аа ануббад̇д̇аа, амогхам̣ б̣уд̣̇д̇хасаасана’’нд̇и. –
Tisso vijjā anuppattā, amoghaṃ buddhasāsana’’nti. –
имаа г̇аат̇аа абхааси.
Imā gāthā abhāsi.
д̇ад̇т̇а алан̇гад̇аад̇и вибхуусид̇аа. д̇ам̣ бана алан̇гад̇аагаарам̣ д̣̇ассзд̇ум̣ ‘‘сувасанаа маалиний жанд̣̇аногкид̇аа’’д̇и вуд̇д̇ам̣. д̇ад̇т̇а маалинийд̇и маалаад̇хаариний. жанд̣̇аногкид̇аад̇и жанд̣̇анаанулид̇д̇аа. саб̣б̣аабхаран̣асан̃чаннаад̇и хад̇т̇уубаг̇аад̣̇ийхи саб̣б̣зхи аабхаран̣зхи алан̇гааравасзна сан̃чаад̣̇ид̇асарийраа.
Tattha alaṅkatāti vibhūsitā. Taṃ pana alaṅkatākāraṃ dassetuṃ ‘‘suvasanā mālinī candanokkhitā’’ti vuttaṃ. Tattha mālinīti mālādhārinī. Candanokkhitāti candanānulittā. Sabbābharaṇasañchannāti hatthūpagādīhi sabbehi ābharaṇehi alaṅkāravasena sañchāditasarīrā.
аннам̣ баанан̃жа аад̣̇ааяа, каж̇ж̇ам̣ бхож̇ж̇ам̣ анаббаганд̇и саалиод̣̇анаад̣̇ианнам̣, амб̣абаанаад̣̇ибаанам̣, бидтакаад̣̇анийяаад̣̇икаж̇ж̇ам̣, авасидтам̣ аахаарасан̇каад̇ам̣ бхож̇ж̇ан̃жа бахууд̇ам̣ г̇ахзд̇ваа. уяяаанамабхихаараяинд̇и нагкад̇д̇агийл̣аавасзна уяяаанам̣ убанзсим̣. аннабаанаад̣̇им̣ д̇ад̇т̇а аанзд̇ваа саха бариж̇анзна гийл̣анд̇ий раманд̇ий барижаарзсинд̇и ад̇хиббааяо.
Annaṃpānañca ādāya, khajjaṃ bhojjaṃ anappakanti sāliodanādiannaṃ, ambapānādipānaṃ, piṭṭhakhādanīyādikhajjaṃ, avasiṭṭhaṃ āhārasaṅkhātaṃ bhojjañca pahūtaṃ gahetvā. Uyyānamabhihārayinti nakkhattakīḷāvasena uyyānaṃ upanesiṃ. Annapānādiṃ tattha ānetvā saha parijanena kīḷantī ramantī paricāresinti adhippāyo.
саагзд̇з ан̃ж̇анам̣ вананд̇и саагзд̇асамийбз ан̃ж̇анаванз вихаарам̣ баависим̣.
Sākete añjanaṃ vananti sāketasamīpe añjanavane vihāraṃ pāvisiṃ.
логабаж̇ж̇од̇анд̇и н̃аан̣абаж̇ж̇од̇зна логасса баж̇ж̇од̇абхууд̇ам̣.
Lokapajjotanti ñāṇapajjotena lokassa pajjotabhūtaṃ.
пусаяинд̇и пусим̣, ад̇хиг̇ажчинд̇и ад̇т̇о. сзсам̣ вуд̇д̇анаяамзва.
Phusayinti phusiṃ, adhigacchinti attho. Sesaṃ vuttanayameva.
суж̇аад̇аат̇зрийг̇аат̇ааван̣н̣анаа нидтид̇аа.
Sujātātherīgāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зрийг̇аат̇аабаал̣и • Therīgāthāpāḷi / 4. суж̇аад̇аат̇зрийг̇аат̇аа • 4. Sujātātherīgāthā
