| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
8. суугаракад̇асуд̇д̇ам̣
8. Sūkarakhatasuttaṃ
528. згам̣ самаяам̣ бхаг̇аваа рааж̇аг̇ахз вихарад̇и г̇иж̇жхагуудз баб̣б̣ад̇з суугаракад̇ааяам̣. д̇ад̇ра ко бхаг̇аваа ааяасманд̇ам̣ саарибуд̇д̇ам̣ ааманд̇зси – ‘‘гим̣ ну ко, саарибуд̇д̇а, ад̇т̇авасам̣ самбассамаано кийн̣аасаво бхигку д̇ат̇ааг̇ад̇з ваа д̇ат̇ааг̇ад̇асаасанз ваа бараманибажжагаарам̣ бавад̇д̇амаано бавад̇д̇ад̇ий’’д̇и 1? ‘‘ануд̇д̇аран̃хи , бханд̇з, яог̇агкзмам̣ самбассамаано кийн̣аасаво бхигку д̇ат̇ааг̇ад̇з ваа д̇ат̇ааг̇ад̇асаасанз ваа бараманибажжагаарам̣ бавад̇д̇амаано бавад̇д̇ад̇ий’’д̇и. ‘‘саад̇ху саад̇ху, саарибуд̇д̇а! ануд̇д̇аран̃хи, саарибуд̇д̇а, яог̇агкзмам̣ самбассамаано кийн̣аасаво бхигку д̇ат̇ааг̇ад̇з ваа д̇ат̇ааг̇ад̇асаасанз ваа бараманибажжагаарам̣ бавад̇д̇амаано бавад̇д̇ад̇ий’’д̇и.
528. Ekaṃ samayaṃ bhagavā rājagahe viharati gijjhakūṭe pabbate sūkarakhatāyaṃ. Tatra kho bhagavā āyasmantaṃ sāriputtaṃ āmantesi – ‘‘kiṃ nu kho, sāriputta, atthavasaṃ sampassamāno khīṇāsavo bhikkhu tathāgate vā tathāgatasāsane vā paramanipaccakāraṃ pavattamāno pavattatī’’ti 2? ‘‘Anuttarañhi , bhante, yogakkhemaṃ sampassamāno khīṇāsavo bhikkhu tathāgate vā tathāgatasāsane vā paramanipaccakāraṃ pavattamāno pavattatī’’ti. ‘‘Sādhu sādhu, sāriputta! Anuttarañhi, sāriputta, yogakkhemaṃ sampassamāno khīṇāsavo bhikkhu tathāgate vā tathāgatasāsane vā paramanipaccakāraṃ pavattamāno pavattatī’’ti.
‘‘гад̇амо жа, саарибуд̇д̇а, ануд̇д̇аро яог̇агкзмо яам̣ самбассамаано кийн̣аасаво бхигку д̇ат̇ааг̇ад̇з ваа д̇ат̇ааг̇ад̇асаасанз ваа бараманибажжагаарам̣ бавад̇д̇амаано бавад̇д̇ад̇ий’’д̇и? ‘‘ид̇ха, бханд̇з, кийн̣аасаво бхигку сад̣̇д̇хинд̣̇рияам̣ бхаавзд̇и убасамаг̇аамим̣ самб̣од̇хаг̇аамим̣, вийрияинд̣̇рияам̣ бхаавзд̇и…бз… сад̇инд̣̇рияам̣ бхаавзд̇и…бз… самаад̇хинд̣̇рияам̣ бхаавзд̇и…бз… бан̃н̃инд̣̇рияам̣ бхаавзд̇и убасамаг̇аамим̣ самб̣од̇хаг̇аамим̣. аяам̣ ко, бханд̇з, ануд̇д̇аро яог̇агкзмо яам̣ самбассамаано кийн̣аасаво бхигку д̇ат̇ааг̇ад̇з ваа д̇ат̇ааг̇ад̇асаасанз ваа бараманибажжагаарам̣ бавад̇д̇амаано бавад̇д̇ад̇ий’’д̇и. ‘‘саад̇ху саад̇ху, саарибуд̇д̇а! зсо хи, саарибуд̇д̇а, ануд̇д̇аро яог̇агкзмо яам̣ самбассамаано кийн̣аасаво бхигку д̇ат̇ааг̇ад̇з ваа д̇ат̇ааг̇ад̇асаасанз ваа бараманибажжагаарам̣ бавад̇д̇амаано бавад̇д̇ад̇ий’’д̇и.
‘‘Katamo ca, sāriputta, anuttaro yogakkhemo yaṃ sampassamāno khīṇāsavo bhikkhu tathāgate vā tathāgatasāsane vā paramanipaccakāraṃ pavattamāno pavattatī’’ti? ‘‘Idha, bhante, khīṇāsavo bhikkhu saddhindriyaṃ bhāveti upasamagāmiṃ sambodhagāmiṃ, vīriyindriyaṃ bhāveti…pe… satindriyaṃ bhāveti…pe… samādhindriyaṃ bhāveti…pe… paññindriyaṃ bhāveti upasamagāmiṃ sambodhagāmiṃ. Ayaṃ kho, bhante, anuttaro yogakkhemo yaṃ sampassamāno khīṇāsavo bhikkhu tathāgate vā tathāgatasāsane vā paramanipaccakāraṃ pavattamāno pavattatī’’ti. ‘‘Sādhu sādhu, sāriputta! Eso hi, sāriputta, anuttaro yogakkhemo yaṃ sampassamāno khīṇāsavo bhikkhu tathāgate vā tathāgatasāsane vā paramanipaccakāraṃ pavattamāno pavattatī’’ti.
‘‘гад̇амо жа, саарибуд̇д̇а, бараманибажжагааро яам̣ кийн̣аасаво бхигку д̇ат̇ааг̇ад̇з ваа д̇ат̇ааг̇ад̇асаасанз ваа бараманибажжагаарам̣ бавад̇д̇амаано бавад̇д̇ад̇ий’’д̇и? ‘‘ид̇ха, бханд̇з, кийн̣аасаво бхигку сад̇т̇ари саг̇аараво вихарад̇и саббад̇иссо 3, д̇хаммз саг̇аараво вихарад̇и саббад̇иссо, сан̇гхз саг̇аараво вихарад̇и саббад̇иссо, сигкааяа саг̇аараво вихарад̇и саббад̇иссо, самаад̇хисмим̣ саг̇аараво вихарад̇и саббад̇иссо. аяам̣ ко, бханд̇з, бараманибажжагааро яам̣ кийн̣аасаво бхигку д̇ат̇ааг̇ад̇з ваа д̇ат̇ааг̇ад̇асаасанз ваа бараманибажжагаарам̣ бавад̇д̇амаано бавад̇д̇ад̇ий’’д̇и. ‘‘саад̇ху саад̇ху, саарибуд̇д̇а! зсо хи , саарибуд̇д̇а, бараманибажжагааро яам̣ кийн̣аасаво бхигку д̇ат̇ааг̇ад̇з ваа д̇ат̇ааг̇ад̇асаасанз ваа бараманибажжагаарам̣ бавад̇д̇амаано бавад̇д̇ад̇ий’’д̇и. адтамам̣.
‘‘Katamo ca, sāriputta, paramanipaccakāro yaṃ khīṇāsavo bhikkhu tathāgate vā tathāgatasāsane vā paramanipaccakāraṃ pavattamāno pavattatī’’ti? ‘‘Idha, bhante, khīṇāsavo bhikkhu satthari sagāravo viharati sappatisso 4, dhamme sagāravo viharati sappatisso, saṅghe sagāravo viharati sappatisso, sikkhāya sagāravo viharati sappatisso, samādhismiṃ sagāravo viharati sappatisso. Ayaṃ kho, bhante, paramanipaccakāro yaṃ khīṇāsavo bhikkhu tathāgate vā tathāgatasāsane vā paramanipaccakāraṃ pavattamāno pavattatī’’ti. ‘‘Sādhu sādhu, sāriputta! Eso hi , sāriputta, paramanipaccakāro yaṃ khīṇāsavo bhikkhu tathāgate vā tathāgatasāsane vā paramanipaccakāraṃ pavattamāno pavattatī’’ti. Aṭṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8. суугаракад̇асуд̇д̇аван̣н̣анаа • 8. Sūkarakhatasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8. суугаракад̇асуд̇д̇аван̣н̣анаа • 8. Sūkarakhatasuttavaṇṇanā
