| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
8. ஸூகரக²தஸுத்தவண்ணனா
8. Sūkarakhatasuttavaṇṇanā
528. அட்ட²மே ஸூகரக²தாயந்தி ஸூகரக²தலேணே. கஸ்ஸபபு³த்³த⁴காலே கிர தங் லேணங் ஏகஸ்மிங் பு³த்³த⁴ந்தரே பத²வியா வட்³ட⁴மானாய அந்தோபூ⁴மிக³தங் ஜாதங். அதே²கதி³வஸங் ஏகோ ஸூகரோ தஸ்ஸ ச²த³னபரியந்தஸமீபே பங்ஸுங் க²ணி. தே³வே வுட்டே² பங்ஸு தோ⁴தா, ச²த³னபரியந்தோ பாகடோ அஹோஸி. ஏகோ வனசரகோ தி³ஸ்வா ‘‘புப்³பே³ ஸீலவந்தேஹி பரிபு⁴த்தட்டா²னேன ப⁴விதப்³ப³ங், படிஜக்³கி³ஸ்ஸாமி ந’’ந்தி ஸமந்ததோ பங்ஸுங் அபனெத்வா லேணங் ஸோதெ⁴த்வா குடிபரிக்கே²பங் கத்வா த்³வாரவாதபானங் யோஜெத்வா ஸுபரினிட்டி²தஸுதா⁴கம்மசித்தகம்மங் ரஜதபட்டஸதி³ஸாய வாலிகாய ஸந்த²ரிதங் பரிவேணங் கத்வா மஞ்சபீட²ங் பஞ்ஞாபெத்வா ப⁴க³வதோ வஸனத்தா²ய அதா³ஸி, லேணங் க³ம்பீ⁴ரங் அஹோஸி ஓதரித்வா ஆருஹிதப்³ப³ங். தங் ஸந்தா⁴யேதங் வுத்தங். பரமனிபச்சகாரந்தி பா⁴வனபுங்ஸகங், பரமனிபச்சகாரீ ஹுத்வா பவத்தமானோ பவத்ததீதி வுத்தங் ஹோதி. அனுத்தரங் யோக³க்கே²மந்தி அரஹத்தங். ஸப்பதிஸ்ஸோதி ஸஜெட்ட²கோ. ஸேஸங் ஸப்³ப³த்த² உத்தானத்த²மேவாதி.
528. Aṭṭhame sūkarakhatāyanti sūkarakhataleṇe. Kassapabuddhakāle kira taṃ leṇaṃ ekasmiṃ buddhantare pathaviyā vaḍḍhamānāya antobhūmigataṃ jātaṃ. Athekadivasaṃ eko sūkaro tassa chadanapariyantasamīpe paṃsuṃ khaṇi. Deve vuṭṭhe paṃsu dhotā, chadanapariyanto pākaṭo ahosi. Eko vanacarako disvā ‘‘pubbe sīlavantehi paribhuttaṭṭhānena bhavitabbaṃ, paṭijaggissāmi na’’nti samantato paṃsuṃ apanetvā leṇaṃ sodhetvā kuṭiparikkhepaṃ katvā dvāravātapānaṃ yojetvā supariniṭṭhitasudhākammacittakammaṃ rajatapaṭṭasadisāya vālikāya santharitaṃ pariveṇaṃ katvā mañcapīṭhaṃ paññāpetvā bhagavato vasanatthāya adāsi, leṇaṃ gambhīraṃ ahosi otaritvā āruhitabbaṃ. Taṃ sandhāyetaṃ vuttaṃ. Paramanipaccakāranti bhāvanapuṃsakaṃ, paramanipaccakārī hutvā pavattamāno pavattatīti vuttaṃ hoti. Anuttaraṃ yogakkhemanti arahattaṃ. Sappatissoti sajeṭṭhako. Sesaṃ sabbattha uttānatthamevāti.
ஸூகரக²தவக்³கோ³ ச²ட்டோ².
Sūkarakhatavaggo chaṭṭho.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 8. ஸூகரக²தஸுத்தங் • 8. Sūkarakhatasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 8. ஸூகரக²தஸுத்தவண்ணனா • 8. Sūkarakhatasuttavaṇṇanā
