| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
৮. সূকরখতসুত্তৰণ্ণনা
8. Sūkarakhatasuttavaṇṇanā
৫২৮. অট্ঠমে সূকরখতাযন্তি সূকরখতলেণে। কস্সপবুদ্ধকালে কির তং লেণং একস্মিং বুদ্ধন্তরে পথৰিযা ৰড্ঢমানায অন্তোভূমিগতং জাতং। অথেকদিৰসং একো সূকরো তস্স ছদনপরিযন্তসমীপে পংসুং খণি। দেৰে ৰুট্ঠে পংসু ধোতা, ছদনপরিযন্তো পাকটো অহোসি। একো ৰনচরকো দিস্ৰা ‘‘পুব্বে সীলৰন্তেহি পরিভুত্তট্ঠানেন ভৰিতব্বং, পটিজগ্গিস্সামি ন’’ন্তি সমন্ততো পংসুং অপনেত্ৰা লেণং সোধেত্ৰা কুটিপরিক্খেপং কত্ৰা দ্ৰারৰাতপানং যোজেত্ৰা সুপরিনিট্ঠিতসুধাকম্মচিত্তকম্মং রজতপট্টসদিসায ৰালিকায সন্থরিতং পরিৰেণং কত্ৰা মঞ্চপীঠং পঞ্ঞাপেত্ৰা ভগৰতো ৰসনত্থায অদাসি, লেণং গম্ভীরং অহোসি ওতরিত্ৰা আরুহিতব্বং। তং সন্ধাযেতং ৰুত্তং। পরমনিপচ্চকারন্তি ভাৰনপুংসকং, পরমনিপচ্চকারী হুত্ৰা পৰত্তমানো পৰত্ততীতি ৰুত্তং হোতি। অনুত্তরং যোগক্খেমন্তি অরহত্তং। সপ্পতিস্সোতি সজেট্ঠকো। সেসং সব্বত্থ উত্তানত্থমেৰাতি।
528. Aṭṭhame sūkarakhatāyanti sūkarakhataleṇe. Kassapabuddhakāle kira taṃ leṇaṃ ekasmiṃ buddhantare pathaviyā vaḍḍhamānāya antobhūmigataṃ jātaṃ. Athekadivasaṃ eko sūkaro tassa chadanapariyantasamīpe paṃsuṃ khaṇi. Deve vuṭṭhe paṃsu dhotā, chadanapariyanto pākaṭo ahosi. Eko vanacarako disvā ‘‘pubbe sīlavantehi paribhuttaṭṭhānena bhavitabbaṃ, paṭijaggissāmi na’’nti samantato paṃsuṃ apanetvā leṇaṃ sodhetvā kuṭiparikkhepaṃ katvā dvāravātapānaṃ yojetvā supariniṭṭhitasudhākammacittakammaṃ rajatapaṭṭasadisāya vālikāya santharitaṃ pariveṇaṃ katvā mañcapīṭhaṃ paññāpetvā bhagavato vasanatthāya adāsi, leṇaṃ gambhīraṃ ahosi otaritvā āruhitabbaṃ. Taṃ sandhāyetaṃ vuttaṃ. Paramanipaccakāranti bhāvanapuṃsakaṃ, paramanipaccakārī hutvā pavattamāno pavattatīti vuttaṃ hoti. Anuttaraṃ yogakkhemanti arahattaṃ. Sappatissoti sajeṭṭhako. Sesaṃ sabbattha uttānatthamevāti.
সূকরখতৰগ্গো ছট্ঠো।
Sūkarakhatavaggo chaṭṭho.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৮. সূকরখতসুত্তং • 8. Sūkarakhatasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৮. সূকরখতসুত্তৰণ্ণনা • 8. Sūkarakhatasuttavaṇṇanā
