| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
8. суугаракад̇асуд̇д̇аван̣н̣анаа
8. Sūkarakhatasuttavaṇṇanā
528. адтамз суугаракад̇ааяанд̇и суугаракад̇алзн̣з. гассабаб̣уд̣̇д̇хагаалз гира д̇ам̣ лзн̣ам̣ згасмим̣ б̣уд̣̇д̇ханд̇арз бат̇авияаа вад̣дхамаанааяа анд̇обхуумиг̇ад̇ам̣ ж̇аад̇ам̣. ат̇згад̣̇ивасам̣ зго суугаро д̇асса чад̣̇анабарияанд̇асамийбз бам̣сум̣ кан̣и. д̣̇звз вудтз бам̣су д̇ход̇аа, чад̣̇анабарияанд̇о баагадо ахоси. зго ванажараго д̣̇исваа ‘‘буб̣б̣з сийлаванд̇зхи барибхуд̇д̇адтаанзна бхавид̇аб̣б̣ам̣, бадиж̇аг̇г̇иссаами на’’нд̇и саманд̇ад̇о бам̣сум̣ абанзд̇ваа лзн̣ам̣ сод̇хзд̇ваа гудибаригкзбам̣ гад̇ваа д̣̇ваараваад̇абаанам̣ яож̇зд̇ваа субаринидтид̇асуд̇хаагаммажид̇д̇агаммам̣ раж̇ад̇абаддасад̣̇исааяа ваалигааяа сант̇арид̇ам̣ баривзн̣ам̣ гад̇ваа ман̃жабийтам̣ бан̃н̃аабзд̇ваа бхаг̇авад̇о васанад̇т̇ааяа ад̣̇ааси, лзн̣ам̣ г̇амбхийрам̣ ахоси од̇арид̇ваа аарухид̇аб̣б̣ам̣. д̇ам̣ санд̇хааязд̇ам̣ вуд̇д̇ам̣. бараманибажжагааранд̇и бхааванабум̣сагам̣, бараманибажжагаарий худ̇ваа бавад̇д̇амаано бавад̇д̇ад̇ийд̇и вуд̇д̇ам̣ ход̇и. ануд̇д̇арам̣ яог̇агкзманд̇и арахад̇д̇ам̣. саббад̇иссод̇и саж̇здтаго. сзсам̣ саб̣б̣ад̇т̇а уд̇д̇аанад̇т̇амзваад̇и.
528. Aṭṭhame sūkarakhatāyanti sūkarakhataleṇe. Kassapabuddhakāle kira taṃ leṇaṃ ekasmiṃ buddhantare pathaviyā vaḍḍhamānāya antobhūmigataṃ jātaṃ. Athekadivasaṃ eko sūkaro tassa chadanapariyantasamīpe paṃsuṃ khaṇi. Deve vuṭṭhe paṃsu dhotā, chadanapariyanto pākaṭo ahosi. Eko vanacarako disvā ‘‘pubbe sīlavantehi paribhuttaṭṭhānena bhavitabbaṃ, paṭijaggissāmi na’’nti samantato paṃsuṃ apanetvā leṇaṃ sodhetvā kuṭiparikkhepaṃ katvā dvāravātapānaṃ yojetvā supariniṭṭhitasudhākammacittakammaṃ rajatapaṭṭasadisāya vālikāya santharitaṃ pariveṇaṃ katvā mañcapīṭhaṃ paññāpetvā bhagavato vasanatthāya adāsi, leṇaṃ gambhīraṃ ahosi otaritvā āruhitabbaṃ. Taṃ sandhāyetaṃ vuttaṃ. Paramanipaccakāranti bhāvanapuṃsakaṃ, paramanipaccakārī hutvā pavattamāno pavattatīti vuttaṃ hoti. Anuttaraṃ yogakkhemanti arahattaṃ. Sappatissoti sajeṭṭhako. Sesaṃ sabbattha uttānatthamevāti.
суугаракад̇аваг̇г̇о чадто.
Sūkarakhatavaggo chaṭṭho.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 8. суугаракад̇асуд̇д̇ам̣ • 8. Sūkarakhatasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8. суугаракад̇асуд̇д̇аван̣н̣анаа • 8. Sūkarakhatasuttavaṇṇanā
