| Library / Tipiṭaka / तिपिटक • Tipiṭaka / संयुत्तनिकाय (अट्ठकथा) • Saṃyuttanikāya (aṭṭhakathā) |
८. सूकरखतसुत्तवण्णना
8. Sūkarakhatasuttavaṇṇanā
५२८. अट्ठमे सूकरखतायन्ति सूकरखतलेणे। कस्सपबुद्धकाले किर तं लेणं एकस्मिं बुद्धन्तरे पथविया वड्ढमानाय अन्तोभूमिगतं जातं। अथेकदिवसं एको सूकरो तस्स छदनपरियन्तसमीपे पंसुं खणि। देवे वुट्ठे पंसु धोता, छदनपरियन्तो पाकटो अहोसि। एको वनचरको दिस्वा ‘‘पुब्बे सीलवन्तेहि परिभुत्तट्ठानेन भवितब्बं, पटिजग्गिस्सामि न’’न्ति समन्ततो पंसुं अपनेत्वा लेणं सोधेत्वा कुटिपरिक्खेपं कत्वा द्वारवातपानं योजेत्वा सुपरिनिट्ठितसुधाकम्मचित्तकम्मं रजतपट्टसदिसाय वालिकाय सन्थरितं परिवेणं कत्वा मञ्चपीठं पञ्ञापेत्वा भगवतो वसनत्थाय अदासि, लेणं गम्भीरं अहोसि ओतरित्वा आरुहितब्बं। तं सन्धायेतं वुत्तं। परमनिपच्चकारन्ति भावनपुंसकं, परमनिपच्चकारी हुत्वा पवत्तमानो पवत्ततीति वुत्तं होति। अनुत्तरं योगक्खेमन्ति अरहत्तं। सप्पतिस्सोति सजेट्ठको। सेसं सब्बत्थ उत्तानत्थमेवाति।
528. Aṭṭhame sūkarakhatāyanti sūkarakhataleṇe. Kassapabuddhakāle kira taṃ leṇaṃ ekasmiṃ buddhantare pathaviyā vaḍḍhamānāya antobhūmigataṃ jātaṃ. Athekadivasaṃ eko sūkaro tassa chadanapariyantasamīpe paṃsuṃ khaṇi. Deve vuṭṭhe paṃsu dhotā, chadanapariyanto pākaṭo ahosi. Eko vanacarako disvā ‘‘pubbe sīlavantehi paribhuttaṭṭhānena bhavitabbaṃ, paṭijaggissāmi na’’nti samantato paṃsuṃ apanetvā leṇaṃ sodhetvā kuṭiparikkhepaṃ katvā dvāravātapānaṃ yojetvā supariniṭṭhitasudhākammacittakammaṃ rajatapaṭṭasadisāya vālikāya santharitaṃ pariveṇaṃ katvā mañcapīṭhaṃ paññāpetvā bhagavato vasanatthāya adāsi, leṇaṃ gambhīraṃ ahosi otaritvā āruhitabbaṃ. Taṃ sandhāyetaṃ vuttaṃ. Paramanipaccakāranti bhāvanapuṃsakaṃ, paramanipaccakārī hutvā pavattamāno pavattatīti vuttaṃ hoti. Anuttaraṃ yogakkhemanti arahattaṃ. Sappatissoti sajeṭṭhako. Sesaṃ sabbattha uttānatthamevāti.
सूकरखतवग्गो छट्ठो।
Sūkarakhatavaggo chaṭṭho.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / ८. सूकरखतसुत्तं • 8. Sūkarakhatasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / ८. सूकरखतसुत्तवण्णना • 8. Sūkarakhatasuttavaṇṇanā
