| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੮. ਸੂਕਰਖਤਸੁਤ੍ਤવਣ੍ਣਨਾ
8. Sūkarakhatasuttavaṇṇanā
੫੨੮. ਅਟ੍ਠਮੇ ਸੂਕਰਖਤਾਯਨ੍ਤਿ ਸੂਕਰਖਤਲੇਣੇ। ਕਸ੍ਸਪਬੁਦ੍ਧਕਾਲੇ ਕਿਰ ਤਂ ਲੇਣਂ ਏਕਸ੍ਮਿਂ ਬੁਦ੍ਧਨ੍ਤਰੇ ਪਥવਿਯਾ વਡ੍ਢਮਾਨਾਯ ਅਨ੍ਤੋਭੂਮਿਗਤਂ ਜਾਤਂ। ਅਥੇਕਦਿવਸਂ ਏਕੋ ਸੂਕਰੋ ਤਸ੍ਸ ਛਦਨਪਰਿਯਨ੍ਤਸਮੀਪੇ ਪਂਸੁਂ ਖਣਿ। ਦੇવੇ વੁਟ੍ਠੇ ਪਂਸੁ ਧੋਤਾ, ਛਦਨਪਰਿਯਨ੍ਤੋ ਪਾਕਟੋ ਅਹੋਸਿ। ਏਕੋ વਨਚਰਕੋ ਦਿਸ੍વਾ ‘‘ਪੁਬ੍ਬੇ ਸੀਲવਨ੍ਤੇਹਿ ਪਰਿਭੁਤ੍ਤਟ੍ਠਾਨੇਨ ਭવਿਤਬ੍ਬਂ, ਪਟਿਜਗ੍ਗਿਸ੍ਸਾਮਿ ਨ’’ਨ੍ਤਿ ਸਮਨ੍ਤਤੋ ਪਂਸੁਂ ਅਪਨੇਤ੍વਾ ਲੇਣਂ ਸੋਧੇਤ੍વਾ ਕੁਟਿਪਰਿਕ੍ਖੇਪਂ ਕਤ੍વਾ ਦ੍વਾਰવਾਤਪਾਨਂ ਯੋਜੇਤ੍વਾ ਸੁਪਰਿਨਿਟ੍ਠਿਤਸੁਧਾਕਮ੍ਮਚਿਤ੍ਤਕਮ੍ਮਂ ਰਜਤਪਟ੍ਟਸਦਿਸਾਯ વਾਲਿਕਾਯ ਸਨ੍ਥਰਿਤਂ ਪਰਿવੇਣਂ ਕਤ੍વਾ ਮਞ੍ਚਪੀਠਂ ਪਞ੍ਞਾਪੇਤ੍વਾ ਭਗવਤੋ વਸਨਤ੍ਥਾਯ ਅਦਾਸਿ, ਲੇਣਂ ਗਮ੍ਭੀਰਂ ਅਹੋਸਿ ਓਤਰਿਤ੍વਾ ਆਰੁਹਿਤਬ੍ਬਂ। ਤਂ ਸਨ੍ਧਾਯੇਤਂ વੁਤ੍ਤਂ। ਪਰਮਨਿਪਚ੍ਚਕਾਰਨ੍ਤਿ ਭਾવਨਪੁਂਸਕਂ, ਪਰਮਨਿਪਚ੍ਚਕਾਰੀ ਹੁਤ੍વਾ ਪવਤ੍ਤਮਾਨੋ ਪવਤ੍ਤਤੀਤਿ વੁਤ੍ਤਂ ਹੋਤਿ। ਅਨੁਤ੍ਤਰਂ ਯੋਗਕ੍ਖੇਮਨ੍ਤਿ ਅਰਹਤ੍ਤਂ। ਸਪ੍ਪਤਿਸ੍ਸੋਤਿ ਸਜੇਟ੍ਠਕੋ। ਸੇਸਂ ਸਬ੍ਬਤ੍ਥ ਉਤ੍ਤਾਨਤ੍ਥਮੇવਾਤਿ।
528. Aṭṭhame sūkarakhatāyanti sūkarakhataleṇe. Kassapabuddhakāle kira taṃ leṇaṃ ekasmiṃ buddhantare pathaviyā vaḍḍhamānāya antobhūmigataṃ jātaṃ. Athekadivasaṃ eko sūkaro tassa chadanapariyantasamīpe paṃsuṃ khaṇi. Deve vuṭṭhe paṃsu dhotā, chadanapariyanto pākaṭo ahosi. Eko vanacarako disvā ‘‘pubbe sīlavantehi paribhuttaṭṭhānena bhavitabbaṃ, paṭijaggissāmi na’’nti samantato paṃsuṃ apanetvā leṇaṃ sodhetvā kuṭiparikkhepaṃ katvā dvāravātapānaṃ yojetvā supariniṭṭhitasudhākammacittakammaṃ rajatapaṭṭasadisāya vālikāya santharitaṃ pariveṇaṃ katvā mañcapīṭhaṃ paññāpetvā bhagavato vasanatthāya adāsi, leṇaṃ gambhīraṃ ahosi otaritvā āruhitabbaṃ. Taṃ sandhāyetaṃ vuttaṃ. Paramanipaccakāranti bhāvanapuṃsakaṃ, paramanipaccakārī hutvā pavattamāno pavattatīti vuttaṃ hoti. Anuttaraṃ yogakkhemanti arahattaṃ. Sappatissoti sajeṭṭhako. Sesaṃ sabbattha uttānatthamevāti.
ਸੂਕਰਖਤવਗ੍ਗੋ ਛਟ੍ਠੋ।
Sūkarakhatavaggo chaṭṭho.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੮. ਸੂਕਰਖਤਸੁਤ੍ਤਂ • 8. Sūkarakhatasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੮. ਸੂਕਰਖਤਸੁਤ੍ਤવਣ੍ਣਨਾ • 8. Sūkarakhatasuttavaṇṇanā
