| Library / Tipiṭaka / д̇ибидага • Tipiṭaka / бзд̇авад̇т̇у-адтагат̇аа • Petavatthu-aṭṭhakathā |
2. суугарамукабзд̇авад̇т̇уван̣н̣анаа
2. Sūkaramukhapetavatthuvaṇṇanā
гааяо д̇з саб̣б̣асован̣н̣од̇и ид̣̇ам̣ сад̇т̇ари рааж̇аг̇ахам̣ убаниссааяа взл̣уванз галанд̣̇аганиваабз вихаранд̇з ан̃н̃н̃аад̇арам̣ суугарамукабзд̇ам̣ аараб̣бха вуд̇д̇ам̣. ад̇ийд̇з гира гассабасса бхаг̇авад̇о саасанз зго бхигку гааязна сан̃н̃ад̇о ахоси, ваажааяа асан̃н̃ад̇о, бхигкуу аггосад̇и барибхаасад̇и. со гаалам̣ гад̇ваа нираяз ниб̣б̣ад̇д̇о, згам̣ б̣уд̣̇д̇ханд̇арам̣ д̇ад̇т̇а бажжид̇ваа д̇ад̇о жавид̇ваа имасмим̣ б̣уд̣̇д̇хуббаад̣̇з рааж̇аг̇ахасамийбз г̇иж̇жхагуудабаб̣б̣ад̇абаад̣̇з д̇ассзва гаммасса вибаагаавасзсзна куббибаасаабхибхууд̇о бзд̇о худ̇ваа ниб̣б̣ад̇д̇и. д̇асса гааяо суван̣н̣аван̣н̣о ахоси, мукам̣ суугарамукасад̣̇исам̣. ат̇ааяасмаа наарад̣̇о г̇иж̇жхагуудз баб̣б̣ад̇з васанд̇о баад̇ова сарийрабадиж̇аг̇г̇анам̣ гад̇ваа бад̇д̇ажийварамаад̣̇ааяа рааж̇аг̇ахам̣ бин̣д̣ааяа г̇ажчанд̇о анд̇араамаг̇г̇з д̇ам̣ бзд̇ам̣ д̣̇исваа д̇зна гад̇агаммам̣ бужчанд̇о –
Kāyo te sabbasovaṇṇoti idaṃ satthari rājagahaṃ upanissāya veḷuvane kalandakanivāpe viharante añññātaraṃ sūkaramukhapetaṃ ārabbha vuttaṃ. Atīte kira kassapassa bhagavato sāsane eko bhikkhu kāyena saññato ahosi, vācāya asaññato, bhikkhū akkosati paribhāsati. So kālaṃ katvā niraye nibbatto, ekaṃ buddhantaraṃ tattha paccitvā tato cavitvā imasmiṃ buddhuppāde rājagahasamīpe gijjhakūṭapabbatapāde tasseva kammassa vipākāvasesena khuppipāsābhibhūto peto hutvā nibbatti. Tassa kāyo suvaṇṇavaṇṇo ahosi, mukhaṃ sūkaramukhasadisaṃ. Athāyasmā nārado gijjhakūṭe pabbate vasanto pātova sarīrapaṭijagganaṃ katvā pattacīvaramādāya rājagahaṃ piṇḍāya gacchanto antarāmagge taṃ petaṃ disvā tena katakammaṃ pucchanto –
4.
4.
‘‘гааяо д̇з саб̣б̣асован̣н̣о, саб̣б̣аа обхаасад̇з д̣̇исаа;
‘‘Kāyo te sabbasovaṇṇo, sabbā obhāsate disā;
мукам̣ д̇з суугарассзва, гим̣ гаммамагарий бурз’’д̇и. –
Mukhaṃ te sūkarasseva, kiṃ kammamakarī pure’’ti. –
г̇аат̇амааха. д̇ад̇т̇а гааяо д̇з саб̣б̣асован̣н̣од̇и д̇ава гааяо д̣̇зхо саб̣б̣о суван̣н̣аван̣н̣о уд̇д̇ад̇д̇аганагасаннибхо. саб̣б̣аа обхаасад̇з д̣̇исаад̇и д̇асса бабхааяа саб̣б̣ааби д̣̇исаа саманд̇анд̇о обхаасад̇и виж̇ж̇од̇ад̇и. обхаасад̇зд̇и ваа анд̇ог̇ад̇хаход̇уад̇т̇амид̣̇ам̣ бад̣̇анд̇и ‘‘д̇з гааяо саб̣б̣асован̣н̣о саб̣б̣аа д̣̇исаа обхаасзд̇и виж̇ж̇од̇зд̇ий’’д̇и ад̇т̇о д̣̇адтаб̣б̣о. мукам̣ д̇з суугарассзваад̇и мукам̣ бана д̇з суугарасса вияа, суугарамукасад̣̇исам̣ д̇ава муканд̇и ад̇т̇о. гим̣ гаммамагарий бурзд̇и ‘‘д̇вам̣ буб̣б̣з ад̇ийд̇аж̇аад̇ияам̣ гийд̣̇исам̣ гаммам̣ агаасий’’д̇и бужчад̇и.
Gāthamāha. Tattha kāyo te sabbasovaṇṇoti tava kāyo deho sabbo suvaṇṇavaṇṇo uttattakanakasannibho. Sabbā obhāsate disāti tassa pabhāya sabbāpi disā samantanto obhāsati vijjotati. Obhāsateti vā antogadhahotuatthamidaṃ padanti ‘‘te kāyo sabbasovaṇṇo sabbā disā obhāseti vijjotetī’’ti attho daṭṭhabbo. Mukhaṃte sūkarassevāti mukhaṃ pana te sūkarassa viya, sūkaramukhasadisaṃ tava mukhanti attho. Kiṃ kammamakarī pureti ‘‘tvaṃ pubbe atītajātiyaṃ kīdisaṃ kammaṃ akāsī’’ti pucchati.
звам̣ т̇зрзна со бзд̇о гад̇агаммам̣ будто г̇аат̇ааяа виссаж̇ж̇знд̇о –
Evaṃ therena so peto katakammaṃ puṭṭho gāthāya vissajjento –
5.
5.
‘‘гааязна сан̃н̃ад̇о аасим̣, ваажааяаасимасан̃н̃ад̇о;
‘‘Kāyena saññato āsiṃ, vācāyāsimasaññato;
д̇зна мзд̇аад̣̇исо ван̣н̣о, яат̇аа бассаси наарад̣̇аа’’д̇и. –
Tena metādiso vaṇṇo, yathā passasi nāradā’’ti. –
ааха . д̇ад̇т̇а гааязна сан̃н̃ад̇о аасинд̇и гааяигзна сам̣яамзна сам̣яад̇о гааяад̣̇вааригзна сам̣варзна сам̣вуд̇о ахосим̣. ваажааяаасимасан̃н̃ад̇од̇и ваажааяа асан̃н̃ад̇о ваажасигзна асам̣варзна саманнааг̇ад̇о ахосим̣. д̇знаад̇и д̇зна убхаязна сам̣яамзна асам̣яамзна жа. мзд̇и маяхам̣. зд̇аад̣̇исо ван̣н̣од̇и зд̣̇исо. яат̇аа д̇вам̣, наарад̣̇а, бажжагкад̇о бассаси, зваруубо, гааязна мануссасан̣таано суван̣н̣аван̣н̣о, мукзна суугарасад̣̇исо аасинд̇и яож̇анаа. ван̣н̣асад̣̇д̣̇о хи ид̇ха чавияам̣ сан̣таанз жа д̣̇адтаб̣б̣о.
Āha . Tattha kāyena saññato āsinti kāyikena saṃyamena saṃyato kāyadvārikena saṃvarena saṃvuto ahosiṃ. Vācāyāsimasaññatoti vācāya asaññato vācasikena asaṃvarena samannāgato ahosiṃ. Tenāti tena ubhayena saṃyamena asaṃyamena ca. Meti mayhaṃ. Etādiso vaṇṇoti ediso. Yathā tvaṃ, nārada, paccakkhato passasi, evarūpo, kāyena manussasaṇṭhāno suvaṇṇavaṇṇo, mukhena sūkarasadiso āsinti yojanā. Vaṇṇasaddo hi idha chaviyaṃ saṇṭhāne ca daṭṭhabbo.
звам̣ бзд̇о т̇зрзна бужчид̇о д̇амад̇т̇ам̣ виссаж̇ж̇зд̇ваа д̇амзва гааран̣ам̣ гад̇ваа т̇зрасса оваад̣̇ам̣ д̣̇знд̇о –
Evaṃ peto therena pucchito tamatthaṃ vissajjetvā tameva kāraṇaṃ katvā therassa ovādaṃ dento –
6.
6.
‘‘д̇ам̣ д̇яаахам̣ наарад̣̇а б̣рууми, саамам̣ д̣̇идтамид̣̇ам̣ д̇аяаа;
‘‘Taṃ tyāhaṃ nārada brūmi, sāmaṃ diṭṭhamidaṃ tayā;
маагааси мукасаа баабам̣, маа ко суугарамуко ахуу’’д̇и. –
Mākāsi mukhasā pāpaṃ, mā kho sūkaramukho ahū’’ti. –
г̇аат̇амааха. д̇ад̇т̇а д̇анд̇и д̇асмаа. д̇яааханд̇и д̇з ахам̣. наарад̣̇аад̇и т̇зрам̣ аалабад̇и. б̣руумийд̇и гат̇зми. сааманд̇и саяамзва. ид̣̇анд̇и ад̇д̇ано сарийрам̣ санд̇хааяа вад̣̇ад̇и. аяан̃хзд̇т̇а ад̇т̇о – яасмаа, бханд̇з наарад̣̇а, ид̣̇ам̣ мама сарийрам̣ г̇алад̇о бадтааяа хздтаа мануссасан̣таанам̣, убари суугарасан̣таанам̣, д̇аяаа бажжагкад̇ова д̣̇идтам̣, д̇асмаа д̇з ахам̣ оваад̣̇авасзна вад̣̇аамийд̇и. гинд̇и жзд̇и ааха ‘‘маагааси мукасаа баабам̣, маа ко суугарамуко ахуу’’д̇и. д̇ад̇т̇а маад̇и бадисзд̇хз нибаад̇о. мукасаад̇и мукзна. код̇и авад̇хааран̣з, ваажааяа баабагаммам̣ маагааси маа гарохи. маа ко суугарамуко ахууд̇и ахам̣ вияа суугарамуко маа ахосиязва. сажз бана д̇вам̣ мукаро худ̇ваа ваажааяа баабам̣ гарзяяааси, згам̣сзна суугарамуко бхавзяяааси, д̇асмаа маагааси мукасаа баабанд̇и палабадисзд̇ханамукзнаби хзд̇умзва бадисзд̇хзд̇и.
Gāthamāha. Tattha tanti tasmā. Tyāhanti te ahaṃ. Nāradāti theraṃ ālapati. Brūmīti kathemi. Sāmanti sayameva. Idanti attano sarīraṃ sandhāya vadati. Ayañhettha attho – yasmā, bhante nārada, idaṃ mama sarīraṃ galato paṭṭhāya heṭṭhā manussasaṇṭhānaṃ, upari sūkarasaṇṭhānaṃ, tayā paccakkhatova diṭṭhaṃ, tasmā te ahaṃ ovādavasena vadāmīti. Kinti ceti āha ‘‘mākāsi mukhasā pāpaṃ, mā kho sūkaramukho ahū’’ti. Tattha māti paṭisedhe nipāto. Mukhasāti mukhena. Khoti avadhāraṇe, vācāya pāpakammaṃ mākāsi mā karohi. Mākho sūkaramukho ahūti ahaṃ viya sūkaramukho mā ahosiyeva. Sace pana tvaṃ mukharo hutvā vācāya pāpaṃ kareyyāsi, ekaṃsena sūkaramukho bhaveyyāsi, tasmā mākāsi mukhasā pāpanti phalapaṭisedhanamukhenapi hetumeva paṭisedheti.
ат̇ааяасмаа наарад̣̇о рааж̇аг̇ахз бин̣д̣ааяа жарид̇ваа бажчаабхад̇д̇ам̣ бин̣д̣абаад̇абадигганд̇о жад̇убарисамаж̇жхз нисиннасса сад̇т̇уно д̇амад̇т̇ам̣ аарожзси. сад̇т̇аа, ‘‘наарад̣̇а, буб̣б̣зва маяаа со сад̇т̇о д̣̇идто’’д̇и вад̇ваа анзгаагааравогаарам̣ важийд̣̇ужжарид̇асанниссид̇ам̣ аад̣̇ийнавам̣, важийсужарид̇абадисам̣яуд̇д̇ан̃жа аанисам̣сам̣ багаасзнд̇о д̇хаммам̣ д̣̇зсзси. саа д̣̇зсанаа самбад̇д̇абарисааяа саад̇т̇игаа ахосийд̇и.
Athāyasmā nārado rājagahe piṇḍāya caritvā pacchābhattaṃ piṇḍapātapaṭikkanto catuparisamajjhe nisinnassa satthuno tamatthaṃ ārocesi. Satthā, ‘‘nārada, pubbeva mayā so sattho diṭṭho’’ti vatvā anekākāravokāraṃ vacīduccaritasannissitaṃ ādīnavaṃ, vacīsucaritapaṭisaṃyuttañca ānisaṃsaṃ pakāsento dhammaṃ desesi. Sā desanā sampattaparisāya sātthikā ahosīti.
суугарамукабзд̇авад̇т̇уван̣н̣анаа нидтид̇аа.
Sūkaramukhapetavatthuvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бзд̇авад̇т̇убаал̣и • Petavatthupāḷi / 2. суугарамукабзд̇авад̇т̇у • 2. Sūkaramukhapetavatthu
