| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
9. суугасуд̇д̇аван̣н̣анаа
9. Sūkasuttavaṇṇanā
9. сууганд̇и саалияаваад̣̇ийнам̣ вааламааха. со хи ниганд̇агасад̣̇исо бадимукаг̇ад̇ам̣ хад̇т̇ам̣ ваа баад̣̇ам̣ ваа бхинд̣̇ад̇и, д̇асмаа бхзд̣̇ам̣ ижчанд̇зна уд̣̇д̇хаг̇г̇ам̣ гад̇ваа табид̇ам̣ саммаабан̣ихид̇ам̣ наама, д̇ат̇аа адтабид̇ам̣ мижчаабан̣ихид̇ам̣ наамаад̇и вуд̇д̇ам̣. мижчаабан̣ихид̇ааяаад̇и гаммассагад̇абан̃н̃ааяа мижчаатабанам̣ наама – ‘‘имз сад̇д̇аа гаммавасзна сукад̣̇угкам̣ бажжанубхаванд̇и, д̇ам̣ бана гаммам̣ иссарасса ижчаавасзна б̣рахмаа нимминаад̇ий’’д̇иаад̣̇инаа мижчаабагаббанам̣. гзжи бана ‘‘над̇т̇и д̣̇иннанд̇иаад̣̇инаа наязна бавад̇д̇и, д̇асса ваа н̃аан̣асса аббавад̇д̇ий’’д̇и вад̣̇анд̇и. маг̇г̇абхааванааяаад̇и зд̇т̇ааби мижчаамаг̇г̇асса бавад̇д̇анам̣, арияамаг̇г̇асса ваа аббавад̇д̇анам̣ мижчаатабанам̣. д̇знааха ‘‘аббавад̇д̇ид̇ад̇д̇аа’’д̇и. авиж̇ж̇ам̣ бхинд̣̇иссад̇ийд̇и авиж̇ж̇ам̣ самужчинд̣̇иссад̇и. маг̇г̇аниссид̇ам̣ гад̇ваа маг̇г̇з зва багкибид̇ваа. д̇ан̃хи н̃аан̣ам̣ маг̇г̇асса муулагааран̣ам̣ маг̇г̇з сид̣̇д̇хз д̇асса гижжасса мад̇т̇агаббад̇д̇ид̇о. ‘‘саммаабан̣ихид̇ааяа д̣̇идтияаа саммаабан̣ихид̇ааяа маг̇г̇абхааванааяаа’’д̇и вуд̇д̇ад̇д̇аа миссагамаг̇г̇о гат̇ид̇о. чавибхзд̣̇асад̣̇исо жзд̇т̇а авиж̇ж̇аабхзд̣̇о, лохид̇уббаад̣̇асад̣̇исо логуд̇д̇арамаг̇г̇абхааво д̣̇адтаб̣б̣о.
9.Sūkanti sāliyavādīnaṃ vālamāha. So hi nikantakasadiso paṭimukhagataṃ hatthaṃ vā pādaṃ vā bhindati, tasmā bhedaṃ icchantena uddhaggaṃ katvā ṭhapitaṃ sammāpaṇihitaṃ nāma, tathā aṭṭhapitaṃ micchāpaṇihitaṃ nāmāti vuttaṃ. Micchāpaṇihitāyāti kammassakatapaññāya micchāṭhapanaṃ nāma – ‘‘ime sattā kammavasena sukhadukkhaṃ paccanubhavanti, taṃ pana kammaṃ issarassa icchāvasena brahmā nimminātī’’tiādinā micchāpakappanaṃ. Keci pana ‘‘natthi dinnantiādinā nayena pavatti, tassa vā ñāṇassa appavattī’’ti vadanti. Maggabhāvanāyāti etthāpi micchāmaggassa pavattanaṃ, ariyamaggassa vā appavattanaṃ micchāṭhapanaṃ. Tenāha ‘‘appavattitattā’’ti. Avijjaṃ bhindissatīti avijjaṃ samucchindissati. Magganissitaṃ katvā magge eva pakkhipitvā. Tañhi ñāṇaṃ maggassa mūlakāraṇaṃ magge siddhe tassa kiccassa matthakappattito. ‘‘Sammāpaṇihitāya diṭṭhiyā sammāpaṇihitāya maggabhāvanāyā’’ti vuttattā missakamaggo kathito. Chavibhedasadiso cettha avijjābhedo, lohituppādasadiso lokuttaramaggabhāvo daṭṭhabbo.
суугасуд̇д̇аван̣н̣анаа нидтид̇аа.
Sūkasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 9. суугасуд̇д̇ам̣ • 9. Sūkasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 9. суугасуд̇д̇аван̣н̣анаа • 9. Sūkasuttavaṇṇanā
