| Library / Tipiṭaka / തിപിടക • Tipiṭaka / സംയുത്തനികായ (അട്ഠകഥാ) • Saṃyuttanikāya (aṭṭhakathā) |
൯. സൂകസുത്തവണ്ണനാ
9. Sūkasuttavaṇṇanā
൯. നവമേ മിച്ഛാപണിഹിതന്തി സൂകം നാമ ഉദ്ധഗ്ഗം കത്വാ ഠപിതം ഹത്ഥം വാ പാദം വാ ഭിന്ദതി, തഥാ അട്ഠപിതം പന മിച്ഛാപണിഹിതം നാമ. മിച്ഛാപണിഹിതായ ദിട്ഠിയാതി മിച്ഛാഠപിതായ കമ്മസ്സകതപഞ്ഞായ. അവിജ്ജം ഭിന്ദിസ്സതീതി ചതുസച്ചപടിച്ഛാദകം അവിജ്ജം ഭിന്ദിസ്സതി. വിജ്ജം ഉപ്പാദേസ്സതീതി അരഹത്തമഗ്ഗവിജ്ജം ഉപ്പാദേസ്സതി. മിച്ഛാപണിഹിതത്താ, ഭിക്ഖവേ, ദിട്ഠിയാതി കമ്മസ്സകതപഞ്ഞായ ചേവ മഗ്ഗഭാവനായ ച മിച്ഛാ ഠപിതത്താ, അപ്പവത്തിതത്താതി അത്ഥോ. ഇമസ്മിം സുത്തേ കമ്മസ്സകതഞാണം മഗ്ഗനിസ്സിതം കത്വാ മിസ്സകമഗ്ഗോ കഥിതോ.
9. Navame micchāpaṇihitanti sūkaṃ nāma uddhaggaṃ katvā ṭhapitaṃ hatthaṃ vā pādaṃ vā bhindati, tathā aṭṭhapitaṃ pana micchāpaṇihitaṃ nāma. Micchāpaṇihitāya diṭṭhiyāti micchāṭhapitāya kammassakatapaññāya. Avijjaṃ bhindissatīti catusaccapaṭicchādakaṃ avijjaṃ bhindissati. Vijjaṃ uppādessatīti arahattamaggavijjaṃ uppādessati. Micchāpaṇihitattā, bhikkhave, diṭṭhiyāti kammassakatapaññāya ceva maggabhāvanāya ca micchā ṭhapitattā, appavattitattāti attho. Imasmiṃ sutte kammassakatañāṇaṃ magganissitaṃ katvā missakamaggo kathito.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൯. സൂകസുത്തം • 9. Sūkasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൯. സൂകസുത്തവണ്ണനാ • 9. Sūkasuttavaṇṇanā
