| Library / Tipiṭaka / ติปิฎก • Tipiṭaka / กถาวตฺถุปาฬิ • Kathāvatthupāḷi |
๑๖. โสฬสมวโคฺค
16. Soḷasamavaggo
(๑๕๘) ๓. สุขานุปฺปทานกถา
(158) 3. Sukhānuppadānakathā
๗๔๗. ปโร ปรสฺส สุขํ อนุปฺปเทตีติ? อามนฺตาฯ ปโร ปรสฺส ทุกฺขํ อนุปฺปเทตีติ? น เหวํ วตฺตเพฺพ…เป.… ปโร ปรสฺส ทุกฺขํ น อนุปฺปเทตีติ? อามนฺตาฯ ปโร ปรสฺส สุขํ น อนุปฺปเทตีติ? น เหวํ วตฺตเพฺพ…เป.… ปโร ปรสฺส สุขํ อนุปฺปเทตีติ? อามนฺตาฯ ปโร ปรสฺส อตฺตโน สุขํ อนุปฺปเทติ, อเญฺญสํ สุขํ อนุปฺปเทติ, ตสฺส สุขํ อนุปฺปเทตีติ? น เหวํ วตฺตเพฺพ…เป.… ปโร ปรสฺส เนวตฺตโน, น อเญฺญสํ, น ตสฺส สุขํ อนุปฺปเทตีติ? อามนฺตาฯ หญฺจิ ปโร ปรสฺส เนวตฺตโน, น อเญฺญสํ, น ตสฺส สุขํ อนุปฺปเทติ, โน จ วต เร วตฺตเพฺพ – ‘‘ปโร ปรสฺส สุขํ อนุปฺปเทตี’’ติฯ
747. Paro parassa sukhaṃ anuppadetīti? Āmantā. Paro parassa dukkhaṃ anuppadetīti? Na hevaṃ vattabbe…pe… paro parassa dukkhaṃ na anuppadetīti? Āmantā. Paro parassa sukhaṃ na anuppadetīti? Na hevaṃ vattabbe…pe… paro parassa sukhaṃ anuppadetīti? Āmantā. Paro parassa attano sukhaṃ anuppadeti, aññesaṃ sukhaṃ anuppadeti, tassa sukhaṃ anuppadetīti? Na hevaṃ vattabbe…pe… paro parassa nevattano, na aññesaṃ, na tassa sukhaṃ anuppadetīti? Āmantā. Hañci paro parassa nevattano, na aññesaṃ, na tassa sukhaṃ anuppadeti, no ca vata re vattabbe – ‘‘paro parassa sukhaṃ anuppadetī’’ti.
ปโร ปรสฺส สุขํ อนุปฺปเทตีติ? อามนฺตาฯ อโญฺญ อญฺญสฺส การโก, ปรงฺกตํ สุขํ ทุกฺขํ อโญฺญ กโรติ อโญฺญ ปฎิสํเวเทตีติ? น เหวํ วตฺตเพฺพ…เป.…ฯ
Paro parassa sukhaṃ anuppadetīti? Āmantā. Añño aññassa kārako, paraṅkataṃ sukhaṃ dukkhaṃ añño karoti añño paṭisaṃvedetīti? Na hevaṃ vattabbe…pe….
๗๔๘. น วตฺตพฺพํ – ‘‘ปโร ปรสฺส สุขํ อนุปฺปเทตี’’ติ? อามนฺตาฯ นนุ อายสฺมา อุทายี เอตทโวจ – ‘‘พหูนํ วต โน ภควา ทุกฺขธมฺมานํ อปหตฺตา, พหูนํ วต โน ภควา สุขธมฺมานํ อุปหตฺตา, พหูนํ วต โน ภควา อกุสลานํ ธมฺมานํ อปหตฺตา, พหูนํ วต โน ภควา กุสลานํ ธมฺมานํ อุปหตฺตา’’ติ 1! อเตฺถว สุตฺตโนฺตติ? อามนฺตาฯ เตน หิ ปโร ปรสฺส สุขํ อนุปฺปเทตีติฯ
748. Na vattabbaṃ – ‘‘paro parassa sukhaṃ anuppadetī’’ti? Āmantā. Nanu āyasmā udāyī etadavoca – ‘‘bahūnaṃ vata no bhagavā dukkhadhammānaṃ apahattā, bahūnaṃ vata no bhagavā sukhadhammānaṃ upahattā, bahūnaṃ vata no bhagavā akusalānaṃ dhammānaṃ apahattā, bahūnaṃ vata no bhagavā kusalānaṃ dhammānaṃ upahattā’’ti 2! Attheva suttantoti? Āmantā. Tena hi paro parassa sukhaṃ anuppadetīti.
สุขานุปฺปทานกถา นิฎฺฐิตาฯ
Sukhānuppadānakathā niṭṭhitā.
Footnotes:
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๓. สุขานุปฺปทานกถาวณฺณนา • 3. Sukhānuppadānakathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-มูลฎีกา • Pañcapakaraṇa-mūlaṭīkā / ๓. สุขานุปฺปทานกถาวณฺณนา • 3. Sukhānuppadānakathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-อนุฎีกา • Pañcapakaraṇa-anuṭīkā / ๓. สุขานุปฺปทานกถาวณฺณนา • 3. Sukhānuppadānakathāvaṇṇanā
