| Library / Tipiṭaka / ತಿಪಿಟಕ • Tipiṭaka / ಕಥಾವತ್ಥುಪಾಳಿ • Kathāvatthupāḷi |
೧೬. ಸೋಳಸಮವಗ್ಗೋ
16. Soḷasamavaggo
(೧೫೮) ೩. ಸುಖಾನುಪ್ಪದಾನಕಥಾ
(158) 3. Sukhānuppadānakathā
೭೪೭. ಪರೋ ಪರಸ್ಸ ಸುಖಂ ಅನುಪ್ಪದೇತೀತಿ? ಆಮನ್ತಾ। ಪರೋ ಪರಸ್ಸ ದುಕ್ಖಂ ಅನುಪ್ಪದೇತೀತಿ? ನ ಹೇವಂ ವತ್ತಬ್ಬೇ…ಪೇ॰… ಪರೋ ಪರಸ್ಸ ದುಕ್ಖಂ ನ ಅನುಪ್ಪದೇತೀತಿ? ಆಮನ್ತಾ। ಪರೋ ಪರಸ್ಸ ಸುಖಂ ನ ಅನುಪ್ಪದೇತೀತಿ? ನ ಹೇವಂ ವತ್ತಬ್ಬೇ…ಪೇ॰… ಪರೋ ಪರಸ್ಸ ಸುಖಂ ಅನುಪ್ಪದೇತೀತಿ? ಆಮನ್ತಾ। ಪರೋ ಪರಸ್ಸ ಅತ್ತನೋ ಸುಖಂ ಅನುಪ್ಪದೇತಿ, ಅಞ್ಞೇಸಂ ಸುಖಂ ಅನುಪ್ಪದೇತಿ, ತಸ್ಸ ಸುಖಂ ಅನುಪ್ಪದೇತೀತಿ? ನ ಹೇವಂ ವತ್ತಬ್ಬೇ…ಪೇ॰… ಪರೋ ಪರಸ್ಸ ನೇವತ್ತನೋ, ನ ಅಞ್ಞೇಸಂ, ನ ತಸ್ಸ ಸುಖಂ ಅನುಪ್ಪದೇತೀತಿ? ಆಮನ್ತಾ। ಹಞ್ಚಿ ಪರೋ ಪರಸ್ಸ ನೇವತ್ತನೋ, ನ ಅಞ್ಞೇಸಂ, ನ ತಸ್ಸ ಸುಖಂ ಅನುಪ್ಪದೇತಿ, ನೋ ಚ ವತ ರೇ ವತ್ತಬ್ಬೇ – ‘‘ಪರೋ ಪರಸ್ಸ ಸುಖಂ ಅನುಪ್ಪದೇತೀ’’ತಿ।
747. Paro parassa sukhaṃ anuppadetīti? Āmantā. Paro parassa dukkhaṃ anuppadetīti? Na hevaṃ vattabbe…pe… paro parassa dukkhaṃ na anuppadetīti? Āmantā. Paro parassa sukhaṃ na anuppadetīti? Na hevaṃ vattabbe…pe… paro parassa sukhaṃ anuppadetīti? Āmantā. Paro parassa attano sukhaṃ anuppadeti, aññesaṃ sukhaṃ anuppadeti, tassa sukhaṃ anuppadetīti? Na hevaṃ vattabbe…pe… paro parassa nevattano, na aññesaṃ, na tassa sukhaṃ anuppadetīti? Āmantā. Hañci paro parassa nevattano, na aññesaṃ, na tassa sukhaṃ anuppadeti, no ca vata re vattabbe – ‘‘paro parassa sukhaṃ anuppadetī’’ti.
ಪರೋ ಪರಸ್ಸ ಸುಖಂ ಅನುಪ್ಪದೇತೀತಿ? ಆಮನ್ತಾ। ಅಞ್ಞೋ ಅಞ್ಞಸ್ಸ ಕಾರಕೋ, ಪರಙ್ಕತಂ ಸುಖಂ ದುಕ್ಖಂ ಅಞ್ಞೋ ಕರೋತಿ ಅಞ್ಞೋ ಪಟಿಸಂವೇದೇತೀತಿ? ನ ಹೇವಂ ವತ್ತಬ್ಬೇ…ಪೇ॰…।
Paro parassa sukhaṃ anuppadetīti? Āmantā. Añño aññassa kārako, paraṅkataṃ sukhaṃ dukkhaṃ añño karoti añño paṭisaṃvedetīti? Na hevaṃ vattabbe…pe….
೭೪೮. ನ ವತ್ತಬ್ಬಂ – ‘‘ಪರೋ ಪರಸ್ಸ ಸುಖಂ ಅನುಪ್ಪದೇತೀ’’ತಿ? ಆಮನ್ತಾ। ನನು ಆಯಸ್ಮಾ ಉದಾಯೀ ಏತದವೋಚ – ‘‘ಬಹೂನಂ ವತ ನೋ ಭಗವಾ ದುಕ್ಖಧಮ್ಮಾನಂ ಅಪಹತ್ತಾ, ಬಹೂನಂ ವತ ನೋ ಭಗವಾ ಸುಖಧಮ್ಮಾನಂ ಉಪಹತ್ತಾ, ಬಹೂನಂ ವತ ನೋ ಭಗವಾ ಅಕುಸಲಾನಂ ಧಮ್ಮಾನಂ ಅಪಹತ್ತಾ, ಬಹೂನಂ ವತ ನೋ ಭಗವಾ ಕುಸಲಾನಂ ಧಮ್ಮಾನಂ ಉಪಹತ್ತಾ’’ತಿ 1! ಅತ್ಥೇವ ಸುತ್ತನ್ತೋತಿ? ಆಮನ್ತಾ। ತೇನ ಹಿ ಪರೋ ಪರಸ್ಸ ಸುಖಂ ಅನುಪ್ಪದೇತೀತಿ।
748. Na vattabbaṃ – ‘‘paro parassa sukhaṃ anuppadetī’’ti? Āmantā. Nanu āyasmā udāyī etadavoca – ‘‘bahūnaṃ vata no bhagavā dukkhadhammānaṃ apahattā, bahūnaṃ vata no bhagavā sukhadhammānaṃ upahattā, bahūnaṃ vata no bhagavā akusalānaṃ dhammānaṃ apahattā, bahūnaṃ vata no bhagavā kusalānaṃ dhammānaṃ upahattā’’ti 2! Attheva suttantoti? Āmantā. Tena hi paro parassa sukhaṃ anuppadetīti.
ಸುಖಾನುಪ್ಪದಾನಕಥಾ ನಿಟ್ಠಿತಾ।
Sukhānuppadānakathā niṭṭhitā.
Footnotes:
Related texts:
ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೩. ಸುಖಾನುಪ್ಪದಾನಕಥಾವಣ್ಣನಾ • 3. Sukhānuppadānakathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā / ೩. ಸುಖಾನುಪ್ಪದಾನಕಥಾವಣ್ಣನಾ • 3. Sukhānuppadānakathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā / ೩. ಸುಖಾನುಪ್ಪದಾನಕಥಾವಣ್ಣನಾ • 3. Sukhānuppadānakathāvaṇṇanā
