| Library / Tipiṭaka / තිපිටක • Tipiṭaka / කථාවත්‌ථුපාළි • Kathāvatthupāḷi |
16. සොළසමවග්‌ගො
16. Soḷasamavaggo
(158) 3. සුඛානුප්‌පදානකථා
(158) 3. Sukhānuppadānakathā
747. පරො පරස්‌ස සුඛං අනුප්‌පදෙතීති? ආමන්‌තා. පරො පරස්‌ස දුක්‌ඛං අනුප්‌පදෙතීති? න හෙවං වත්‌තබ්‌බෙ…පෙ.… පරො පරස්‌ස දුක්‌ඛං න අනුප්‌පදෙතීති? ආමන්‌තා. පරො පරස්‌ස සුඛං න අනුප්‌පදෙතීති? න හෙවං වත්‌තබ්‌බෙ…පෙ.… පරො පරස්‌ස සුඛං අනුප්‌පදෙතීති? ආමන්‌තා. පරො පරස්‌ස අත්‌තනො සුඛං අනුප්‌පදෙති, අඤ්‌ඤෙසං සුඛං අනුප්‌පදෙති, තස්‌ස සුඛං අනුප්‌පදෙතීති? න හෙවං වත්‌තබ්‌බෙ…පෙ.… පරො පරස්‌ස නෙවත්‌තනො, න අඤ්‌ඤෙසං, න තස්‌ස සුඛං අනුප්‌පදෙතීති? ආමන්‌තා. හඤ්‌චි පරො පරස්‌ස නෙවත්‌තනො, න අඤ්‌ඤෙසං, න තස්‌ස සුඛං අනුප්‌පදෙති, නො ච වත රෙ වත්‌තබ්‌බෙ – ‘‘පරො පරස්‌ස සුඛං අනුප්‌පදෙතී’’ති.
747. Paro parassa sukhaṃ anuppadetīti? Āmantā. Paro parassa dukkhaṃ anuppadetīti? Na hevaṃ vattabbe…pe… paro parassa dukkhaṃ na anuppadetīti? Āmantā. Paro parassa sukhaṃ na anuppadetīti? Na hevaṃ vattabbe…pe… paro parassa sukhaṃ anuppadetīti? Āmantā. Paro parassa attano sukhaṃ anuppadeti, aññesaṃ sukhaṃ anuppadeti, tassa sukhaṃ anuppadetīti? Na hevaṃ vattabbe…pe… paro parassa nevattano, na aññesaṃ, na tassa sukhaṃ anuppadetīti? Āmantā. Hañci paro parassa nevattano, na aññesaṃ, na tassa sukhaṃ anuppadeti, no ca vata re vattabbe – ‘‘paro parassa sukhaṃ anuppadetī’’ti.
පරො පරස්‌ස සුඛං අනුප්‌පදෙතීති? ආමන්‌තා. අඤ්‌ඤො අඤ්‌ඤස්‌ස කාරකො, පරඞ්‌කතං සුඛං දුක්‌ඛං අඤ්‌ඤො කරොති අඤ්‌ඤො පටිසංවෙදෙතීති? න හෙවං වත්‌තබ්‌බෙ…පෙ.….
Paro parassa sukhaṃ anuppadetīti? Āmantā. Añño aññassa kārako, paraṅkataṃ sukhaṃ dukkhaṃ añño karoti añño paṭisaṃvedetīti? Na hevaṃ vattabbe…pe….
748. න වත්‌තබ්‌බං – ‘‘පරො පරස්‌ස සුඛං අනුප්‌පදෙතී’’ති? ආමන්‌තා. නනු ආයස්‌මා උදායී එතදවොච – ‘‘බහූනං වත නො භගවා දුක්‌ඛධම්‌මානං අපහත්‌තා, බහූනං වත නො භගවා සුඛධම්‌මානං උපහත්‌තා, බහූනං වත නො භගවා අකුසලානං ධම්‌මානං අපහත්‌තා, බහූනං වත නො භගවා කුසලානං ධම්‌මානං උපහත්‌තා’’ති 1! අත්‌ථෙව සුත්‌තන්‌තොති? ආමන්‌තා. තෙන හි පරො පරස්‌ස සුඛං අනුප්‌පදෙතීති.
748. Na vattabbaṃ – ‘‘paro parassa sukhaṃ anuppadetī’’ti? Āmantā. Nanu āyasmā udāyī etadavoca – ‘‘bahūnaṃ vata no bhagavā dukkhadhammānaṃ apahattā, bahūnaṃ vata no bhagavā sukhadhammānaṃ upahattā, bahūnaṃ vata no bhagavā akusalānaṃ dhammānaṃ apahattā, bahūnaṃ vata no bhagavā kusalānaṃ dhammānaṃ upahattā’’ti 2! Attheva suttantoti? Āmantā. Tena hi paro parassa sukhaṃ anuppadetīti.
සුඛානුප්‌පදානකථා නිට්‌ඨිතා.
Sukhānuppadānakathā niṭṭhitā.
Footnotes:
Related texts:
අට්‌ඨකථා • Aṭṭhakathā / අභිධම්‌මපිටක (අට්‌ඨකථා) • Abhidhammapiṭaka (aṭṭhakathā) / පඤ්‌චපකරණ-අට්‌ඨකථා • Pañcapakaraṇa-aṭṭhakathā / 3. සුඛානුප්‌පදානකථාවණ්‌ණනා • 3. Sukhānuppadānakathāvaṇṇanā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-මූලටීකා • Pañcapakaraṇa-mūlaṭīkā / 3. සුඛානුප්‌පදානකථාවණ්‌ණනා • 3. Sukhānuppadānakathāvaṇṇanā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-අනුටීකා • Pañcapakaraṇa-anuṭīkā / 3. සුඛානුප්‌පදානකථාවණ්‌ණනා • 3. Sukhānuppadānakathāvaṇṇanā
