| Library / Tipiṭaka / ཏིཔིཊཀ • Tipiṭaka / ཀཐཱཝཏྠུཔཱལི༹ • Kathāvatthupāḷi |
༡༦. སོལ༹སམཝགྒོ
16. Soḷasamavaggo
(༡༥༨) ༣. སུཁཱནུཔྤདཱནཀཐཱ
(158) 3. Sukhānuppadānakathā
༧༤༧. པརོ པརསྶ སུཁཾ ཨནུཔྤདེཏཱིཏི? ཨཱམནྟཱ། པརོ པརསྶ དུཀྑཾ ཨནུཔྤདེཏཱིཏི? ན ཧེཝཾ ཝཏྟབྦེ…པེ॰… པརོ པརསྶ དུཀྑཾ ན ཨནུཔྤདེཏཱིཏི? ཨཱམནྟཱ། པརོ པརསྶ སུཁཾ ན ཨནུཔྤདེཏཱིཏི? ན ཧེཝཾ ཝཏྟབྦེ…པེ॰… པརོ པརསྶ སུཁཾ ཨནུཔྤདེཏཱིཏི? ཨཱམནྟཱ། པརོ པརསྶ ཨཏྟནོ སུཁཾ ཨནུཔྤདེཏི, ཨཉྙེསཾ སུཁཾ ཨནུཔྤདེཏི, ཏསྶ སུཁཾ ཨནུཔྤདེཏཱིཏི? ན ཧེཝཾ ཝཏྟབྦེ…པེ॰… པརོ པརསྶ ནེཝཏྟནོ, ན ཨཉྙེསཾ, ན ཏསྶ སུཁཾ ཨནུཔྤདེཏཱིཏི? ཨཱམནྟཱ། ཧཉྩི པརོ པརསྶ ནེཝཏྟནོ, ན ཨཉྙེསཾ, ན ཏསྶ སུཁཾ ཨནུཔྤདེཏི, ནོ ཙ ཝཏ རེ ཝཏྟབྦེ – ‘‘པརོ པརསྶ སུཁཾ ཨནུཔྤདེཏཱི’’ཏི།
747. Paro parassa sukhaṃ anuppadetīti? Āmantā. Paro parassa dukkhaṃ anuppadetīti? Na hevaṃ vattabbe…pe… paro parassa dukkhaṃ na anuppadetīti? Āmantā. Paro parassa sukhaṃ na anuppadetīti? Na hevaṃ vattabbe…pe… paro parassa sukhaṃ anuppadetīti? Āmantā. Paro parassa attano sukhaṃ anuppadeti, aññesaṃ sukhaṃ anuppadeti, tassa sukhaṃ anuppadetīti? Na hevaṃ vattabbe…pe… paro parassa nevattano, na aññesaṃ, na tassa sukhaṃ anuppadetīti? Āmantā. Hañci paro parassa nevattano, na aññesaṃ, na tassa sukhaṃ anuppadeti, no ca vata re vattabbe – ‘‘paro parassa sukhaṃ anuppadetī’’ti.
པརོ པརསྶ སུཁཾ ཨནུཔྤདེཏཱིཏི? ཨཱམནྟཱ། ཨཉྙོ ཨཉྙསྶ ཀཱརཀོ, པརངྐཏཾ སུཁཾ དུཀྑཾ ཨཉྙོ ཀརོཏི ཨཉྙོ པཊིསཾཝེདེཏཱིཏི? ན ཧེཝཾ ཝཏྟབྦེ…པེ॰…།
Paro parassa sukhaṃ anuppadetīti? Āmantā. Añño aññassa kārako, paraṅkataṃ sukhaṃ dukkhaṃ añño karoti añño paṭisaṃvedetīti? Na hevaṃ vattabbe…pe….
༧༤༨. ན ཝཏྟབྦཾ – ‘‘པརོ པརསྶ སུཁཾ ཨནུཔྤདེཏཱི’’ཏི? ཨཱམནྟཱ། ནནུ ཨཱཡསྨཱ ཨུདཱཡཱི ཨེཏདཝོཙ – ‘‘བཧཱུནཾ ཝཏ ནོ བྷགཝཱ དུཀྑདྷམྨཱནཾ ཨཔཧཏྟཱ, བཧཱུནཾ ཝཏ ནོ བྷགཝཱ སུཁདྷམྨཱནཾ ཨུཔཧཏྟཱ, བཧཱུནཾ ཝཏ ནོ བྷགཝཱ ཨཀུསལཱནཾ དྷམྨཱནཾ ཨཔཧཏྟཱ, བཧཱུནཾ ཝཏ ནོ བྷགཝཱ ཀུསལཱནཾ དྷམྨཱནཾ ཨུཔཧཏྟཱ’’ཏི 1! ཨཏྠེཝ སུཏྟནྟོཏི? ཨཱམནྟཱ། ཏེན ཧི པརོ པརསྶ སུཁཾ ཨནུཔྤདེཏཱིཏི།
748. Na vattabbaṃ – ‘‘paro parassa sukhaṃ anuppadetī’’ti? Āmantā. Nanu āyasmā udāyī etadavoca – ‘‘bahūnaṃ vata no bhagavā dukkhadhammānaṃ apahattā, bahūnaṃ vata no bhagavā sukhadhammānaṃ upahattā, bahūnaṃ vata no bhagavā akusalānaṃ dhammānaṃ apahattā, bahūnaṃ vata no bhagavā kusalānaṃ dhammānaṃ upahattā’’ti 2! Attheva suttantoti? Āmantā. Tena hi paro parassa sukhaṃ anuppadetīti.
སུཁཱནུཔྤདཱནཀཐཱ ནིཊྛིཏཱ།
Sukhānuppadānakathā niṭṭhitā.
Footnotes:
Related texts:
ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā / ༣. སུཁཱནུཔྤདཱནཀཐཱཝཎྞནཱ • 3. Sukhānuppadānakathāvaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā / ༣. སུཁཱནུཔྤདཱནཀཐཱཝཎྞནཱ • 3. Sukhānuppadānakathāvaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā / ༣. སུཁཱནུཔྤདཱནཀཐཱཝཎྞནཱ • 3. Sukhānuppadānakathāvaṇṇanā
