| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੧੬. ਸੋਲ਼ਸਮવਗ੍ਗੋ
16. Soḷasamavaggo
(੧੫੮) ੩. ਸੁਖਾਨੁਪ੍ਪਦਾਨਕਥਾ
(158) 3. Sukhānuppadānakathā
੭੪੭. ਪਰੋ ਪਰਸ੍ਸ ਸੁਖਂ ਅਨੁਪ੍ਪਦੇਤੀਤਿ? ਆਮਨ੍ਤਾ। ਪਰੋ ਪਰਸ੍ਸ ਦੁਕ੍ਖਂ ਅਨੁਪ੍ਪਦੇਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਪਰੋ ਪਰਸ੍ਸ ਦੁਕ੍ਖਂ ਨ ਅਨੁਪ੍ਪਦੇਤੀਤਿ? ਆਮਨ੍ਤਾ। ਪਰੋ ਪਰਸ੍ਸ ਸੁਖਂ ਨ ਅਨੁਪ੍ਪਦੇਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਪਰੋ ਪਰਸ੍ਸ ਸੁਖਂ ਅਨੁਪ੍ਪਦੇਤੀਤਿ? ਆਮਨ੍ਤਾ। ਪਰੋ ਪਰਸ੍ਸ ਅਤ੍ਤਨੋ ਸੁਖਂ ਅਨੁਪ੍ਪਦੇਤਿ, ਅਞ੍ਞੇਸਂ ਸੁਖਂ ਅਨੁਪ੍ਪਦੇਤਿ, ਤਸ੍ਸ ਸੁਖਂ ਅਨੁਪ੍ਪਦੇਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਪਰੋ ਪਰਸ੍ਸ ਨੇવਤ੍ਤਨੋ, ਨ ਅਞ੍ਞੇਸਂ, ਨ ਤਸ੍ਸ ਸੁਖਂ ਅਨੁਪ੍ਪਦੇਤੀਤਿ? ਆਮਨ੍ਤਾ। ਹਞ੍ਚਿ ਪਰੋ ਪਰਸ੍ਸ ਨੇવਤ੍ਤਨੋ, ਨ ਅਞ੍ਞੇਸਂ, ਨ ਤਸ੍ਸ ਸੁਖਂ ਅਨੁਪ੍ਪਦੇਤਿ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਪਰੋ ਪਰਸ੍ਸ ਸੁਖਂ ਅਨੁਪ੍ਪਦੇਤੀ’’ਤਿ।
747. Paro parassa sukhaṃ anuppadetīti? Āmantā. Paro parassa dukkhaṃ anuppadetīti? Na hevaṃ vattabbe…pe… paro parassa dukkhaṃ na anuppadetīti? Āmantā. Paro parassa sukhaṃ na anuppadetīti? Na hevaṃ vattabbe…pe… paro parassa sukhaṃ anuppadetīti? Āmantā. Paro parassa attano sukhaṃ anuppadeti, aññesaṃ sukhaṃ anuppadeti, tassa sukhaṃ anuppadetīti? Na hevaṃ vattabbe…pe… paro parassa nevattano, na aññesaṃ, na tassa sukhaṃ anuppadetīti? Āmantā. Hañci paro parassa nevattano, na aññesaṃ, na tassa sukhaṃ anuppadeti, no ca vata re vattabbe – ‘‘paro parassa sukhaṃ anuppadetī’’ti.
ਪਰੋ ਪਰਸ੍ਸ ਸੁਖਂ ਅਨੁਪ੍ਪਦੇਤੀਤਿ? ਆਮਨ੍ਤਾ। ਅਞ੍ਞੋ ਅਞ੍ਞਸ੍ਸ ਕਾਰਕੋ, ਪਰਙ੍ਕਤਂ ਸੁਖਂ ਦੁਕ੍ਖਂ ਅਞ੍ਞੋ ਕਰੋਤਿ ਅਞ੍ਞੋ ਪਟਿਸਂવੇਦੇਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Paro parassa sukhaṃ anuppadetīti? Āmantā. Añño aññassa kārako, paraṅkataṃ sukhaṃ dukkhaṃ añño karoti añño paṭisaṃvedetīti? Na hevaṃ vattabbe…pe….
੭੪੮. ਨ વਤ੍ਤਬ੍ਬਂ – ‘‘ਪਰੋ ਪਰਸ੍ਸ ਸੁਖਂ ਅਨੁਪ੍ਪਦੇਤੀ’’ਤਿ? ਆਮਨ੍ਤਾ। ਨਨੁ ਆਯਸ੍ਮਾ ਉਦਾਯੀ ਏਤਦવੋਚ – ‘‘ਬਹੂਨਂ વਤ ਨੋ ਭਗવਾ ਦੁਕ੍ਖਧਮ੍ਮਾਨਂ ਅਪਹਤ੍ਤਾ, ਬਹੂਨਂ વਤ ਨੋ ਭਗવਾ ਸੁਖਧਮ੍ਮਾਨਂ ਉਪਹਤ੍ਤਾ, ਬਹੂਨਂ વਤ ਨੋ ਭਗવਾ ਅਕੁਸਲਾਨਂ ਧਮ੍ਮਾਨਂ ਅਪਹਤ੍ਤਾ, ਬਹੂਨਂ વਤ ਨੋ ਭਗવਾ ਕੁਸਲਾਨਂ ਧਮ੍ਮਾਨਂ ਉਪਹਤ੍ਤਾ’’ਤਿ 1! ਅਤ੍ਥੇવ ਸੁਤ੍ਤਨ੍ਤੋਤਿ? ਆਮਨ੍ਤਾ। ਤੇਨ ਹਿ ਪਰੋ ਪਰਸ੍ਸ ਸੁਖਂ ਅਨੁਪ੍ਪਦੇਤੀਤਿ।
748. Na vattabbaṃ – ‘‘paro parassa sukhaṃ anuppadetī’’ti? Āmantā. Nanu āyasmā udāyī etadavoca – ‘‘bahūnaṃ vata no bhagavā dukkhadhammānaṃ apahattā, bahūnaṃ vata no bhagavā sukhadhammānaṃ upahattā, bahūnaṃ vata no bhagavā akusalānaṃ dhammānaṃ apahattā, bahūnaṃ vata no bhagavā kusalānaṃ dhammānaṃ upahattā’’ti 2! Attheva suttantoti? Āmantā. Tena hi paro parassa sukhaṃ anuppadetīti.
ਸੁਖਾਨੁਪ੍ਪਦਾਨਕਥਾ ਨਿਟ੍ਠਿਤਾ।
Sukhānuppadānakathā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੩. ਸੁਖਾਨੁਪ੍ਪਦਾਨਕਥਾવਣ੍ਣਨਾ • 3. Sukhānuppadānakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੩. ਸੁਖਾਨੁਪ੍ਪਦਾਨਕਥਾવਣ੍ਣਨਾ • 3. Sukhānuppadānakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੩. ਸੁਖਾਨੁਪ੍ਪਦਾਨਕਥਾવਣ੍ਣਨਾ • 3. Sukhānuppadānakathāvaṇṇanā
