| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
3. ஸுகா²னுப்பதா³னகதா²வண்ணனா
3. Sukhānuppadānakathāvaṇṇanā
747-748. இதா³னி ஸுகா²னுப்பதா³னகதா² நாம ஹோதி. தத்த² ‘‘ப³ஹூனங் வத நோ ப⁴க³வா ஸுக²த⁴ம்மானங் உபஹத்தா’’தி (ம॰ நி॰ 2.148) ஸுத்தங் நிஸ்ஸாய பரோ பரஸ்ஸ ஸுக²ங் அனுப்பதே³தீதி யேஸங் லத்³தி⁴, ஸெய்யதா²பி ஹேதுவாதா³னங்; தே ஸந்தா⁴ய புச்சா² ஸகவாதி³ஸ்ஸ, படிஞ்ஞா இதரஸ்ஸ. து³க்க²ங் அனுப்பதே³தீதி புட்டோ² பன தாதி³ஸங் ஸுத்தபத³ங் அபஸ்ஸந்தோ படிக்கி²பதி. அத்தனோ ஸுக²ந்திஆதி³பஞ்ஹே யங் அத்தனோ பரஸ்ஸ வா, தங் அனுப்பதா³துங் ந ஸக்கா. யங் தஸ்ஸேவ, கிங் தத்த² அனுப்பதா³னங் நாமாதி படிக்கி²பதி. நேவத்தனோதிஆதி³பஞ்ஹே பன யங் ஏவரூபங், ந தங் அனுப்பதி³ன்னங் நாம ப⁴விதுமரஹதீதி லத்³தி⁴யாபடிஜானாதி. நோ ச வத ரேதிதாதி³ஸஸ்ஸ ஸுக²ஸ்ஸ அபா⁴வா வுத்தங். ஸுக²த⁴ம்மானங் உபஹத்தாதிவசனங் ப⁴க³வதோ பரேஸங் ஸுகு²ப்பத்தியா பச்சயபா⁴வங் தீ³பேதி, ந அன்னாதீ³னங் விய ஸுக²ஸ்ஸ அனுப்பதா³னங், தஸ்மா அஸாத⁴கந்தி.
747-748. Idāni sukhānuppadānakathā nāma hoti. Tattha ‘‘bahūnaṃ vata no bhagavā sukhadhammānaṃ upahattā’’ti (ma. ni. 2.148) suttaṃ nissāya paro parassa sukhaṃ anuppadetīti yesaṃ laddhi, seyyathāpi hetuvādānaṃ; te sandhāya pucchā sakavādissa, paṭiññā itarassa. Dukkhaṃ anuppadetīti puṭṭho pana tādisaṃ suttapadaṃ apassanto paṭikkhipati. Attano sukhantiādipañhe yaṃ attano parassa vā, taṃ anuppadātuṃ na sakkā. Yaṃ tasseva, kiṃ tattha anuppadānaṃ nāmāti paṭikkhipati. Nevattanotiādipañhe pana yaṃ evarūpaṃ, na taṃ anuppadinnaṃ nāma bhavitumarahatīti laddhiyāpaṭijānāti. No ca vata retitādisassa sukhassa abhāvā vuttaṃ. Sukhadhammānaṃ upahattātivacanaṃ bhagavato paresaṃ sukhuppattiyā paccayabhāvaṃ dīpeti, na annādīnaṃ viya sukhassa anuppadānaṃ, tasmā asādhakanti.
ஸுகா²னுப்பதா³னகதா²வண்ணனா.
Sukhānuppadānakathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (158) 3. ஸுகா²னுப்பதா³னகதா² • (158) 3. Sukhānuppadānakathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 3. ஸுகா²னுப்பதா³னகதா²வண்ணனா • 3. Sukhānuppadānakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 3. ஸுகா²னுப்பதா³னகதா²வண்ணனா • 3. Sukhānuppadānakathāvaṇṇanā
