| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
৩. সুখানুপ্পদানকথাৰণ্ণনা
3. Sukhānuppadānakathāvaṇṇanā
৭৪৭-৭৪৮. ইদানি সুখানুপ্পদানকথা নাম হোতি। তত্থ ‘‘বহূনং ৰত নো ভগৰা সুখধম্মানং উপহত্তা’’তি (ম॰ নি॰ ২.১৪৮) সুত্তং নিস্সায পরো পরস্স সুখং অনুপ্পদেতীতি যেসং লদ্ধি, সেয্যথাপি হেতুৰাদানং; তে সন্ধায পুচ্ছা সকৰাদিস্স, পটিঞ্ঞা ইতরস্স। দুক্খং অনুপ্পদেতীতি পুট্ঠো পন তাদিসং সুত্তপদং অপস্সন্তো পটিক্খিপতি। অত্তনো সুখন্তিআদিপঞ্হে যং অত্তনো পরস্স ৰা, তং অনুপ্পদাতুং ন সক্কা। যং তস্সেৰ, কিং তত্থ অনুপ্পদানং নামাতি পটিক্খিপতি। নেৰত্তনোতিআদিপঞ্হে পন যং এৰরূপং, ন তং অনুপ্পদিন্নং নাম ভৰিতুমরহতীতি লদ্ধিযাপটিজানাতি। নো চ ৰত রেতিতাদিসস্স সুখস্স অভাৰা ৰুত্তং। সুখধম্মানং উপহত্তাতিৰচনং ভগৰতো পরেসং সুখুপ্পত্তিযা পচ্চযভাৰং দীপেতি, ন অন্নাদীনং ৰিয সুখস্স অনুপ্পদানং, তস্মা অসাধকন্তি।
747-748. Idāni sukhānuppadānakathā nāma hoti. Tattha ‘‘bahūnaṃ vata no bhagavā sukhadhammānaṃ upahattā’’ti (ma. ni. 2.148) suttaṃ nissāya paro parassa sukhaṃ anuppadetīti yesaṃ laddhi, seyyathāpi hetuvādānaṃ; te sandhāya pucchā sakavādissa, paṭiññā itarassa. Dukkhaṃ anuppadetīti puṭṭho pana tādisaṃ suttapadaṃ apassanto paṭikkhipati. Attano sukhantiādipañhe yaṃ attano parassa vā, taṃ anuppadātuṃ na sakkā. Yaṃ tasseva, kiṃ tattha anuppadānaṃ nāmāti paṭikkhipati. Nevattanotiādipañhe pana yaṃ evarūpaṃ, na taṃ anuppadinnaṃ nāma bhavitumarahatīti laddhiyāpaṭijānāti. No ca vata retitādisassa sukhassa abhāvā vuttaṃ. Sukhadhammānaṃ upahattātivacanaṃ bhagavato paresaṃ sukhuppattiyā paccayabhāvaṃ dīpeti, na annādīnaṃ viya sukhassa anuppadānaṃ, tasmā asādhakanti.
সুখানুপ্পদানকথাৰণ্ণনা।
Sukhānuppadānakathāvaṇṇanā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (১৫৮) ৩. সুখানুপ্পদানকথা • (158) 3. Sukhānuppadānakathā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ৩. সুখানুপ্পদানকথাৰণ্ণনা • 3. Sukhānuppadānakathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ৩. সুখানুপ্পদানকথাৰণ্ণনা • 3. Sukhānuppadānakathāvaṇṇanā
