| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੩. ਸੁਖਾਨੁਪ੍ਪਦਾਨਕਥਾવਣ੍ਣਨਾ
3. Sukhānuppadānakathāvaṇṇanā
੭੪੭-੭੪੮. ਇਦਾਨਿ ਸੁਖਾਨੁਪ੍ਪਦਾਨਕਥਾ ਨਾਮ ਹੋਤਿ। ਤਤ੍ਥ ‘‘ਬਹੂਨਂ વਤ ਨੋ ਭਗવਾ ਸੁਖਧਮ੍ਮਾਨਂ ਉਪਹਤ੍ਤਾ’’ਤਿ (ਮ॰ ਨਿ॰ ੨.੧੪੮) ਸੁਤ੍ਤਂ ਨਿਸ੍ਸਾਯ ਪਰੋ ਪਰਸ੍ਸ ਸੁਖਂ ਅਨੁਪ੍ਪਦੇਤੀਤਿ ਯੇਸਂ ਲਦ੍ਧਿ, ਸੇਯ੍ਯਥਾਪਿ ਹੇਤੁવਾਦਾਨਂ; ਤੇ ਸਨ੍ਧਾਯ ਪੁਚ੍ਛਾ ਸਕવਾਦਿਸ੍ਸ, ਪਟਿਞ੍ਞਾ ਇਤਰਸ੍ਸ। ਦੁਕ੍ਖਂ ਅਨੁਪ੍ਪਦੇਤੀਤਿ ਪੁਟ੍ਠੋ ਪਨ ਤਾਦਿਸਂ ਸੁਤ੍ਤਪਦਂ ਅਪਸ੍ਸਨ੍ਤੋ ਪਟਿਕ੍ਖਿਪਤਿ। ਅਤ੍ਤਨੋ ਸੁਖਨ੍ਤਿਆਦਿਪਞ੍ਹੇ ਯਂ ਅਤ੍ਤਨੋ ਪਰਸ੍ਸ વਾ, ਤਂ ਅਨੁਪ੍ਪਦਾਤੁਂ ਨ ਸਕ੍ਕਾ। ਯਂ ਤਸ੍ਸੇવ, ਕਿਂ ਤਤ੍ਥ ਅਨੁਪ੍ਪਦਾਨਂ ਨਾਮਾਤਿ ਪਟਿਕ੍ਖਿਪਤਿ। ਨੇવਤ੍ਤਨੋਤਿਆਦਿਪਞ੍ਹੇ ਪਨ ਯਂ ਏવਰੂਪਂ, ਨ ਤਂ ਅਨੁਪ੍ਪਦਿਨ੍ਨਂ ਨਾਮ ਭવਿਤੁਮਰਹਤੀਤਿ ਲਦ੍ਧਿਯਾਪਟਿਜਾਨਾਤਿ। ਨੋ ਚ વਤ ਰੇਤਿਤਾਦਿਸਸ੍ਸ ਸੁਖਸ੍ਸ ਅਭਾવਾ વੁਤ੍ਤਂ। ਸੁਖਧਮ੍ਮਾਨਂ ਉਪਹਤ੍ਤਾਤਿવਚਨਂ ਭਗવਤੋ ਪਰੇਸਂ ਸੁਖੁਪ੍ਪਤ੍ਤਿਯਾ ਪਚ੍ਚਯਭਾવਂ ਦੀਪੇਤਿ, ਨ ਅਨ੍ਨਾਦੀਨਂ વਿਯ ਸੁਖਸ੍ਸ ਅਨੁਪ੍ਪਦਾਨਂ, ਤਸ੍ਮਾ ਅਸਾਧਕਨ੍ਤਿ।
747-748. Idāni sukhānuppadānakathā nāma hoti. Tattha ‘‘bahūnaṃ vata no bhagavā sukhadhammānaṃ upahattā’’ti (ma. ni. 2.148) suttaṃ nissāya paro parassa sukhaṃ anuppadetīti yesaṃ laddhi, seyyathāpi hetuvādānaṃ; te sandhāya pucchā sakavādissa, paṭiññā itarassa. Dukkhaṃ anuppadetīti puṭṭho pana tādisaṃ suttapadaṃ apassanto paṭikkhipati. Attano sukhantiādipañhe yaṃ attano parassa vā, taṃ anuppadātuṃ na sakkā. Yaṃ tasseva, kiṃ tattha anuppadānaṃ nāmāti paṭikkhipati. Nevattanotiādipañhe pana yaṃ evarūpaṃ, na taṃ anuppadinnaṃ nāma bhavitumarahatīti laddhiyāpaṭijānāti. No ca vata retitādisassa sukhassa abhāvā vuttaṃ. Sukhadhammānaṃ upahattātivacanaṃ bhagavato paresaṃ sukhuppattiyā paccayabhāvaṃ dīpeti, na annādīnaṃ viya sukhassa anuppadānaṃ, tasmā asādhakanti.
ਸੁਖਾਨੁਪ੍ਪਦਾਨਕਥਾવਣ੍ਣਨਾ।
Sukhānuppadānakathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੧੫੮) ੩. ਸੁਖਾਨੁਪ੍ਪਦਾਨਕਥਾ • (158) 3. Sukhānuppadānakathā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੩. ਸੁਖਾਨੁਪ੍ਪਦਾਨਕਥਾવਣ੍ਣਨਾ • 3. Sukhānuppadānakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੩. ਸੁਖਾਨੁਪ੍ਪਦਾਨਕਥਾવਣ੍ਣਨਾ • 3. Sukhānuppadānakathāvaṇṇanā
