| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
২. সুখসুত্তৰণ্ণনা
2. Sukhasuttavaṇṇanā
২৫০. দুক্খং ন হোতীতি অদুক্খং, সুখং ন হোতীতি অসুখং, ম-কারো পদসন্ধিকরো। অদুক্খমসুখন্তি ৰেদযিতসদ্দাপেক্খায নপুংসকনিদ্দেসো। সপরসন্তানগতে সন্ধায অজ্ঝত্তবহিদ্ধাগহণন্তি আহ ‘‘অত্তনো চ পরস্স চা’’তি। তেন সব্বম্পি ৰেদযিতং গহিতন্তি দট্ঠব্বং । নস্সনসভাৰন্তি ইত্তরখণতায ভঙ্গতো উদ্ধং অপস্সিতব্বসভাৰং। পলোকো ভেদো এতস্স অত্থীতি পলোকিনং। তেনাহ ‘‘ভিজ্জনসভাৰ’’ন্তি। ঞাণেন ফুসিত্ৰা ফুসিত্ৰাতি পুব্বভাগে ৰিপস্সনাঞাণেন অনিচ্চা পভঙ্গুনোতি আরম্মণতো, উত্তরকালং অসম্মোহতো মগ্গপরম্পরায ফুসিত্ৰা ফুসিত্ৰা ৰযং পস্সন্তো। ৰিরজ্জতীতি মগ্গৰিরাগেন ৰিরজ্জতি। সম্মসনচারৰেদনা কথিতা আরদ্ধৰিপস্সকানং ৰসেন দেসনাতি। লোকিযলোকুত্তরেহি ঞাণেহি যাথাৰতো পরিজাননং পটিৰিজ্ঝনং ঞাণফুসনং।
250. Dukkhaṃ na hotīti adukkhaṃ, sukhaṃ na hotīti asukhaṃ, ma-kāro padasandhikaro. Adukkhamasukhanti vedayitasaddāpekkhāya napuṃsakaniddeso. Saparasantānagate sandhāya ajjhattabahiddhāgahaṇanti āha ‘‘attano ca parassa cā’’ti. Tena sabbampi vedayitaṃ gahitanti daṭṭhabbaṃ . Nassanasabhāvanti ittarakhaṇatāya bhaṅgato uddhaṃ apassitabbasabhāvaṃ. Paloko bhedo etassa atthīti palokinaṃ. Tenāha ‘‘bhijjanasabhāva’’nti. Ñāṇena phusitvā phusitvāti pubbabhāge vipassanāñāṇena aniccā pabhaṅgunoti ārammaṇato, uttarakālaṃ asammohato maggaparamparāya phusitvā phusitvā vayaṃ passanto. Virajjatīti maggavirāgena virajjati. Sammasanacāravedanā kathitā āraddhavipassakānaṃ vasena desanāti. Lokiyalokuttarehi ñāṇehi yāthāvato parijānanaṃ paṭivijjhanaṃ ñāṇaphusanaṃ.
সুখসুত্তৰণ্ণনা নিট্ঠিতা।
Sukhasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ২. সুখসুত্তং • 2. Sukhasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ২. সুখসুত্তৰণ্ণনা • 2. Sukhasuttavaṇṇanā
