| Library / Tipiṭaka / तिपिटक • Tipiṭaka / संयुत्तनिकाय (अट्ठकथा) • Saṃyuttanikāya (aṭṭhakathā) |
२. सुखसुत्तवण्णना
2. Sukhasuttavaṇṇanā
२५०. दुतिये अदुक्खमसुखं सहाति अदुक्खमसुखञ्च सुखदुक्खेहि सह। अज्झत्तञ्च बहिद्धा चाति अत्तनो च परस्स च। मोसधम्मन्ति नस्सनसभावं। पलोकिनन्ति पलुज्जनकं भिज्जनसभावं। फुस्स फुस्स वयं पस्सन्ति ञाणेन फुसित्वा फुसित्वा वयं पस्सन्तो। एवं तत्थ विरज्जतीति एवं तासु वेदनासु विरज्जति। इधापि सुत्ते सम्मसनचारवेदना कथिता, गाथासु ञाणफुसनं।
250. Dutiye adukkhamasukhaṃ sahāti adukkhamasukhañca sukhadukkhehi saha. Ajjhattañca bahiddhā cāti attano ca parassa ca. Mosadhammanti nassanasabhāvaṃ. Palokinanti palujjanakaṃ bhijjanasabhāvaṃ. Phussa phussa vayaṃ passanti ñāṇena phusitvā phusitvā vayaṃ passanto. Evaṃ tattha virajjatīti evaṃ tāsu vedanāsu virajjati. Idhāpi sutte sammasanacāravedanā kathitā, gāthāsu ñāṇaphusanaṃ.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / २. सुखसुत्तं • 2. Sukhasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / २. सुखसुत्तवण्णना • 2. Sukhasuttavaṇṇanā
