| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༢. སུཁསུཏྟཝཎྞནཱ
2. Sukhasuttavaṇṇanā
༢༥༠. དུཀྑཾ ན ཧོཏཱིཏི ཨདུཀྑཾ, སུཁཾ ན ཧོཏཱིཏི ཨསུཁཾ, མ-ཀཱརོ པདསནྡྷིཀརོ། ཨདུཀྑམསུཁནྟི ཝེདཡིཏསདྡཱཔེཀྑཱཡ ནཔུཾསཀནིདྡེསོ། སཔརསནྟཱནགཏེ སནྡྷཱཡ ཨཛ྄ཛྷཏྟབཧིདྡྷཱགཧཎནྟི ཨཱཧ ‘‘ཨཏྟནོ ཙ པརསྶ ཙཱ’’ཏི། ཏེན སབྦམྤི ཝེདཡིཏཾ གཧིཏནྟི དཊྛབྦཾ ། ནསྶནསབྷཱཝནྟི ཨིཏྟརཁཎཏཱཡ བྷངྒཏོ ཨུདྡྷཾ ཨཔསྶིཏབྦསབྷཱཝཾ། པལོཀོ བྷེདོ ཨེཏསྶ ཨཏྠཱིཏི པལོཀིནཾ། ཏེནཱཧ ‘‘བྷིཛྫནསབྷཱཝ’’ནྟི། ཉཱཎེན ཕུསིཏྭཱ ཕུསིཏྭཱཏི པུབྦབྷཱགེ ཝིཔསྶནཱཉཱཎེན ཨནིཙྩཱ པབྷངྒུནོཏི ཨཱརམྨཎཏོ, ཨུཏྟརཀཱལཾ ཨསམྨོཧཏོ མགྒཔརམྤརཱཡ ཕུསིཏྭཱ ཕུསིཏྭཱ ཝཡཾ པསྶནྟོ། ཝིརཛྫཏཱིཏི མགྒཝིརཱགེན ཝིརཛྫཏི། སམྨསནཙཱརཝེདནཱ ཀཐིཏཱ ཨཱརདྡྷཝིཔསྶཀཱནཾ ཝསེན དེསནཱཏི། ལོཀིཡལོཀུཏྟརེཧི ཉཱཎེཧི ཡཱཐཱཝཏོ པརིཛཱནནཾ པཊིཝིཛ྄ཛྷནཾ ཉཱཎཕུསནཾ།
250. Dukkhaṃ na hotīti adukkhaṃ, sukhaṃ na hotīti asukhaṃ, ma-kāro padasandhikaro. Adukkhamasukhanti vedayitasaddāpekkhāya napuṃsakaniddeso. Saparasantānagate sandhāya ajjhattabahiddhāgahaṇanti āha ‘‘attano ca parassa cā’’ti. Tena sabbampi vedayitaṃ gahitanti daṭṭhabbaṃ . Nassanasabhāvanti ittarakhaṇatāya bhaṅgato uddhaṃ apassitabbasabhāvaṃ. Paloko bhedo etassa atthīti palokinaṃ. Tenāha ‘‘bhijjanasabhāva’’nti. Ñāṇena phusitvā phusitvāti pubbabhāge vipassanāñāṇena aniccā pabhaṅgunoti ārammaṇato, uttarakālaṃ asammohato maggaparamparāya phusitvā phusitvā vayaṃ passanto. Virajjatīti maggavirāgena virajjati. Sammasanacāravedanā kathitā āraddhavipassakānaṃ vasena desanāti. Lokiyalokuttarehi ñāṇehi yāthāvato parijānanaṃ paṭivijjhanaṃ ñāṇaphusanaṃ.
སུཁསུཏྟཝཎྞནཱ ནིཊྛིཏཱ།
Sukhasuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༢. སུཁསུཏྟཾ • 2. Sukhasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༢. སུཁསུཏྟཝཎྞནཱ • 2. Sukhasuttavaṇṇanā
