| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
(7) 2. сукаваг̇г̇аван̣н̣анаа
(7) 2. Sukhavaggavaṇṇanā
65. д̣̇уд̇ияасса батамз г̇ихисуканд̇и г̇ихийнам̣ саб̣б̣агааманибпад̇д̇имуулагам̣ сукам̣. баб̣б̣аж̇ид̇асуканд̇и баб̣б̣аж̇ид̇аанам̣ баб̣б̣аж̇ж̇аамуулагам̣ сукам̣.
65. Dutiyassa paṭhame gihisukhanti gihīnaṃ sabbakāmanipphattimūlakaṃ sukhaṃ. Pabbajitasukhanti pabbajitānaṃ pabbajjāmūlakaṃ sukhaṃ.
66. д̣̇уд̇ияз гаамасуканд̇и гаамз аараб̣бха уббаж̇ж̇анагасукам̣. нзгкаммасуканд̇и нзгкаммам̣ вужжад̇и баб̣б̣аж̇ж̇аа, д̇ам̣ аараб̣бха уббаж̇ж̇анагасукам̣.
66. Dutiye kāmasukhanti kāme ārabbha uppajjanakasukhaṃ. Nekkhammasukhanti nekkhammaṃ vuccati pabbajjā, taṃ ārabbha uppajjanakasukhaṃ.
67. д̇ад̇ияз убад̇хисуканд̇и д̇збхуумагасукам̣. нирубад̇хисуканд̇и логуд̇д̇арасукам̣.
67. Tatiye upadhisukhanti tebhūmakasukhaṃ. Nirupadhisukhanti lokuttarasukhaṃ.
68. жад̇уд̇т̇з саасавасуканд̇и аасаваанам̣ бажжаяабхууд̇ам̣ ваддасукам̣. анаасавасуканд̇и д̇зсам̣ абажжаяабхууд̇ам̣ виваддасукам̣.
68. Catutthe sāsavasukhanti āsavānaṃ paccayabhūtaṃ vaṭṭasukhaṃ. Anāsavasukhanti tesaṃ apaccayabhūtaṃ vivaṭṭasukhaṃ.
69. бан̃жамз саамисанд̇и сам̣гилзсам̣ ваддаг̇аамисукам̣. нираамисанд̇и ниггилзсам̣ виваддаг̇аамисукам̣.
69. Pañcame sāmisanti saṃkilesaṃ vaṭṭagāmisukhaṃ. Nirāmisanti nikkilesaṃ vivaṭṭagāmisukhaṃ.
70. чадтз арияасуканд̇и абут̇уж̇ж̇анасукам̣. анарияасуканд̇и бут̇уж̇ж̇анасукам̣.
70. Chaṭṭhe ariyasukhanti aputhujjanasukhaṃ. Anariyasukhanti puthujjanasukhaṃ.
71. сад̇д̇амз гааяиганд̇и гааяавин̃н̃аан̣асахаж̇аад̇ам̣. жзд̇асиганд̇и манод̣̇вааригасукам̣. д̇ам̣ логияалогуд̇д̇арамиссагам̣ гат̇ид̇ам̣.
71. Sattame kāyikanti kāyaviññāṇasahajātaṃ. Cetasikanti manodvārikasukhaṃ. Taṃ lokiyalokuttaramissakaṃ kathitaṃ.
72. адтамз саббийд̇иганд̇и батамад̣̇уд̇ияаж̇жхаанасукам̣. ниббийд̇иганд̇и д̇ад̇ияажад̇уд̇т̇аж̇жхаанасукам̣. д̇ад̇т̇а логияасаббийд̇игад̇о логияаниббийд̇игам̣, логуд̇д̇арасаббийд̇игад̇о жа логуд̇д̇араниббийд̇игам̣ аг̇г̇анд̇и звам̣ бхумманд̇арам̣ абхинд̣̇ид̇ваа аг̇г̇абхааво взд̣̇ид̇аб̣б̣о.
72. Aṭṭhame sappītikanti paṭhamadutiyajjhānasukhaṃ. Nippītikanti tatiyacatutthajjhānasukhaṃ. Tattha lokiyasappītikato lokiyanippītikaṃ, lokuttarasappītikato ca lokuttaranippītikaṃ agganti evaṃ bhummantaraṃ abhinditvā aggabhāvo veditabbo.
73. навамз саад̇асуканд̇и д̇ийсу жхаанзсу сукам̣. убзгкаасуканд̇и жад̇уд̇т̇аж̇жхаанасукам̣.
73. Navame sātasukhanti tīsu jhānesu sukhaṃ. Upekkhāsukhanti catutthajjhānasukhaṃ.
74. д̣̇асамз самаад̇хисуканд̇и аббанам̣ ваа убажаарам̣ ваа бад̇д̇асукам̣. асамаад̇хисуканд̇и д̇ад̣̇убхаяам̣ аббад̇д̇асукам̣.
74. Dasame samādhisukhanti appanaṃ vā upacāraṃ vā pattasukhaṃ. Asamādhisukhanti tadubhayaṃ appattasukhaṃ.
75. згаад̣̇асамз саббийд̇игаарамман̣анд̇и саббийд̇игам̣ жхаанад̣̇ваяам̣ бажжавзгканд̇асса уббаннасукам̣. ниббийд̇игаарамман̣зби зсзва наяо. д̣̇ваад̣̇асамзби иминаава убааязна ад̇т̇о взд̣̇ид̇аб̣б̣о.
75. Ekādasame sappītikārammaṇanti sappītikaṃ jhānadvayaṃ paccavekkhantassa uppannasukhaṃ. Nippītikārammaṇepi eseva nayo. Dvādasamepi imināva upāyena attho veditabbo.
77. д̇зрасамз руубаарамман̣анд̇и руубааважаражад̇уд̇т̇аж̇жхаанаарамман̣ам̣, яам̣гин̃жи руубам̣ аараб̣бха уббаж̇ж̇анагам̣ ваа. аруубаарамман̣анд̇и аруубааважараж̇жхаанаарамман̣ам̣, яам̣гин̃жи аруубам̣ аараб̣бха уббаж̇ж̇анагам̣ ваад̇и.
77. Terasame rūpārammaṇanti rūpāvacaracatutthajjhānārammaṇaṃ, yaṃkiñci rūpaṃ ārabbha uppajjanakaṃ vā. Arūpārammaṇanti arūpāvacarajjhānārammaṇaṃ, yaṃkiñci arūpaṃ ārabbha uppajjanakaṃ vāti.
сукаваг̇г̇о д̣̇уд̇ияо.
Sukhavaggo dutiyo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / (7) 2. сукаваг̇г̇о • (7) 2. Sukhavaggo
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / (7) 2. сукаваг̇г̇аван̣н̣анаа • (7) 2. Sukhavaggavaṇṇanā
