| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
(7) 2. сукаваг̇г̇аван̣н̣анаа
(7) 2. Sukhavaggavaṇṇanā
65. д̣̇уд̇ияасса батамз саб̣б̣агааманибпад̇д̇имуулагам̣ суканд̇и анавасзсаубабхог̇абарибхог̇авад̇т̇унибпад̇д̇ихзд̇угам̣ гаамасукам̣. баб̣б̣аж̇ж̇аамуулагам̣ суканд̇и баб̣б̣аж̇ж̇аахзд̇угам̣ бавивзгасукам̣.
65. Dutiyassa paṭhame sabbakāmanipphattimūlakaṃ sukhanti anavasesaupabhogaparibhogavatthunipphattihetukaṃ kāmasukhaṃ. Pabbajjāmūlakaṃ sukhanti pabbajjāhetukaṃ pavivekasukhaṃ.
66. д̣̇уд̇ияз гаамзд̇и бан̃жа гаамаг̇ун̣з, саб̣б̣зби ваа д̇збхуумагз д̇хаммз. вуд̇д̇ан̃хзд̇ам̣ ‘‘саб̣б̣зби д̇збхуумагаа д̇хаммаа гаманийяадтзна гаамаа’’д̇и (махаани. 1). нзгкаммам̣ вужжад̇и баб̣б̣аж̇ж̇аа гхараб̣анд̇ханад̇о нигканд̇ад̇д̇аа. ниб̣б̣аанамзва ваа –
66. Dutiye kāmeti pañca kāmaguṇe, sabbepi vā tebhūmake dhamme. Vuttañhetaṃ ‘‘sabbepi tebhūmakā dhammā kamanīyaṭṭhena kāmā’’ti (mahāni. 1). Nekkhammaṃ vuccati pabbajjā gharabandhanato nikkhantattā. Nibbānameva vā –
‘‘баб̣б̣аж̇ж̇аа батамам̣ жхаанам̣, ниб̣б̣аанан̃жа вибассанаа;
‘‘Pabbajjā paṭhamaṃ jhānaṃ, nibbānañca vipassanā;
саб̣б̣зби гусалаа д̇хаммаа, нзгкамманд̇и бавужжарз’’д̇и. (ид̇иву. адта. 109) –
Sabbepi kusalā dhammā, nekkhammanti pavuccare’’ti. (itivu. aṭṭha. 109) –
хи вуд̇д̇ам̣.
Hi vuttaṃ.
67. д̇ад̇ияз убад̇хий вужжанд̇и бан̃жубаад̣̇аанагканд̇хаа, д̇анниссид̇ам̣ сукам̣ убад̇хисукам̣. д̇аббадибагкад̇о нирубад̇хисукам̣ логуд̇д̇арасукам̣.
67. Tatiye upadhī vuccanti pañcupādānakkhandhā, tannissitaṃ sukhaṃ upadhisukhaṃ. Tappaṭipakkhato nirupadhisukhaṃ lokuttarasukhaṃ.
68. жад̇уд̇т̇з ваддабарияаабаннам̣ сукам̣ ваддасукам̣. ниб̣б̣аанаарамман̣ам̣ сукам̣ виваддасукам̣.
68. Catutthe vaṭṭapariyāpannaṃ sukhaṃ vaṭṭasukhaṃ. Nibbānārammaṇaṃ sukhaṃ vivaṭṭasukhaṃ.
69. бан̃жамз сам̣гилзсанд̇и сам̣гилидтам̣. д̇знааха ‘‘ваддаг̇аамисука’’нд̇и. виваддасуканд̇и маг̇г̇апаласахаг̇ад̇ам̣ сукам̣.
69. Pañcame saṃkilesanti saṃkiliṭṭhaṃ. Tenāha ‘‘vaṭṭagāmisukha’’nti. Vivaṭṭasukhanti maggaphalasahagataṃ sukhaṃ.
70. чадтз арияаанамзва сукам̣ арияасукам̣, арияан̃жа д̇ам̣ сукан̃жаад̇иби арияасукам̣. анарияаанамзва сукам̣ анарияасукам̣. анарияан̃жа д̇ам̣ сукан̃жаад̇иби анарияасукам̣.
70. Chaṭṭhe ariyānameva sukhaṃ ariyasukhaṃ, ariyañca taṃ sukhañcātipi ariyasukhaṃ. Anariyānameva sukhaṃ anariyasukhaṃ. Anariyañca taṃ sukhañcātipi anariyasukhaṃ.
71. сад̇д̇амз д̇анд̇и жзд̇асигасукам̣.
71. Sattame tanti cetasikasukhaṃ.
72. адтамз саха бийд̇ияаа вад̇д̇ад̇ийд̇и саббийд̇игам̣, бийд̇исахаг̇ад̇ам̣ сукам̣. сабхаавад̇о вирааг̇ад̇о жа над̇т̇и зд̇асса бийд̇ийд̇и ниббийд̇игам̣ сукам̣. адтагат̇ааяам̣ банзд̇т̇а жхаанасукамзва уд̣̇д̇хадам̣, д̇ат̇аа жа ‘‘логияасаббийд̇игасукад̇о логияаниббийд̇игасукам̣ аг̇г̇а’’нд̇и вуд̇д̇ам̣. логияаниббийд̇игамби хи аг̇г̇ам̣ лаб̣бхад̇зваад̇и бхууманд̇арам̣ бхинд̣̇ид̇ваа аг̇г̇абхааво взд̣̇ид̇аб̣б̣о.
72. Aṭṭhame saha pītiyā vattatīti sappītikaṃ, pītisahagataṃ sukhaṃ. Sabhāvato virāgato ca natthi etassa pītīti nippītikaṃ sukhaṃ. Aṭṭhakathāyaṃ panettha jhānasukhameva uddhaṭaṃ, tathā ca ‘‘lokiyasappītikasukhato lokiyanippītikasukhaṃ agga’’nti vuttaṃ. Lokiyanippītikampi hi aggaṃ labbhatevāti bhūmantaraṃ bhinditvā aggabhāvo veditabbo.
73. навамз саад̇асабхаавамзва сукам̣ саад̇асукам̣, на убзгкаасукам̣ вияа асаад̇асабхаавам̣. гааман̃жзд̇т̇а гааяавин̃н̃аан̣асахаг̇ад̇амби саад̇асукамзва, адтагат̇ааяам̣ бана ‘‘д̇ийсу жхаанзсу сука’’нд̇зва вуд̇д̇ам̣.
73. Navame sātasabhāvameva sukhaṃ sātasukhaṃ, na upekkhāsukhaṃ viya asātasabhāvaṃ. Kāmañcettha kāyaviññāṇasahagatampi sātasukhameva, aṭṭhakathāyaṃ pana ‘‘tīsu jhānesu sukha’’nteva vuttaṃ.
74. д̣̇асамз самаад̇хисамбаяуд̇д̇ам̣ сукам̣ самаад̇хисукам̣. на самаад̇хисамбаяуд̇д̇ам̣ сукам̣ асамаад̇хисукам̣.
74. Dasame samādhisampayuttaṃ sukhaṃ samādhisukhaṃ. Na samādhisampayuttaṃ sukhaṃ asamādhisukhaṃ.
75. згаад̣̇асамз суд̇д̇анд̇агат̇аа зсаад̇и ‘‘саббийд̇игам̣ жхаанад̣̇ваяа’’нд̇и вуд̇д̇ам̣.
75. Ekādasame suttantakathā esāti ‘‘sappītikaṃ jhānadvaya’’nti vuttaṃ.
77. д̇зрасамз руубаж̇жхаанам̣ руубам̣ уд̇д̇арабад̣̇алобзна, д̇ам̣ аарамман̣ам̣ зд̇ассаад̇и руубаарамман̣ам̣. жад̇уд̇т̇аж̇жхаанаг̇г̇ахан̣ам̣ бана яад̣̇асса бадияог̇ий, д̇зна самаанаяог̇агкамад̣̇ассанабарам̣. яам̣ гин̃жи руубанд̇и яам̣ гин̃жи руббаналагкан̣ам̣ руубам̣. д̇аббадигкзбзна аруубам̣ взд̣̇ид̇аб̣б̣ам̣.
77. Terasame rūpajjhānaṃ rūpaṃ uttarapadalopena, taṃ ārammaṇaṃ etassāti rūpārammaṇaṃ. Catutthajjhānaggahaṇaṃ pana yadassa paṭiyogī, tena samānayogakkhamadassanaparaṃ. Yaṃ kiñci rūpanti yaṃ kiñci ruppanalakkhaṇaṃ rūpaṃ. Tappaṭikkhepena arūpaṃ veditabbaṃ.
сукаваг̇г̇аван̣н̣анаа нидтид̇аа.
Sukhavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / (7) 2. сукаваг̇г̇о • (7) 2. Sukhavaggo
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / (7) 2. сукаваг̇г̇аван̣н̣анаа • (7) 2. Sukhavaggavaṇṇanā
